ბალახის ჰოკეის საერთაშორისო ფედერაცია

1924 წლის 7 იანვარს პარიზში ავსტრიის, ბელგიის, უნგრეთის, საფრანგეთის, ესპანეთის, ჩეხოსლოვაკიის და შვეიცარიის წარმომადგენლებმა დააარსეს ბალახის ჰოკეის საერთაშორისო ფედერაცია. ფედერაცია აღიარებულია საერთაშორისო ოლიმპიური კომიტეტის მიერ და არის საერთაშორისო სპორტული ფედერაციების გენერალური ასოციაციის წევრი.

ბალახის ჰოკეის საერთაშორისო ფედერაციის შტაბ-ბინა მდებარეობს ლოზანაში. სამუშო ენებია ინგლისური და ფრანგული.^[1] ამჟამინდელი პრეზიდენტი არის ესპანელი ლეანდრო ნეგრე.

ფედერაციის უმაღლესო ორგანოა კონგრესი, რომელიც ორ წელიწადში ერთხელ იკრიბება. კონგრესებს შორის ფედრაციის მუშობას ხელმძღვანელობს საბჭო, რომლის შემადგენლობასაც ირჩევს კონგრესი 4 წლის ვადით. საბჭოს შემადგენლობაში შედიან პრეზიდენტი, 6-9 ვიცე-პრეზიდენტი (წარმოადგენენ კონტინენტალურ ფედერაციებს), გენერალური მდივანი, ხაზინადარი, 20-25 წევრი, ქალთა კომიტეტი საბჭოში წარმოდგენილია კომიტეტის პრეზიდენტით, გენერალური მდივნით და 4 წევრით. გარდა საბჭოსი ფედერაციის მუშობას წარმართავენ ქალთა ჰოკეის, ტექნიკური, კოორდინაციისა და პროპაგანდის, ინდორ-ჰოკეის (ჰოკეი დახურულ დარბაზებში), მარკეტინგის, საფინანსო, მწვრთნელთა და სხვა კომიტეტები.

ფედერაციის უმთავრესი ტურნირებია: მსოფლიოს ჩემპიონატები ვაჟთა და ქალთა შორის. გარდა ამისა ტარდება ჩემპიონთა თასი ვაჟთა და ქალთა შორის. ფედერაციამ დაიწყო გამოწვევის (,,ჩელენჯ’’) თასის გათამაშება.

კონტინენტალური კონფედერაციები ატარებენ თავიანთი კონტინენტების ჩემპიონატებს როგორც ვაჟთა, ასევე ქალთა შორის. გარდა ამისა ტარდება ტურნირები საკლუბო გუნდებს შორის. ევროპის ჩემპიონატების გარდა თავისი სიძლიერით გამოირჩევა აზიის ჩემპიონატი ვაჟთა შორის.

ცოტა სხვა გზით წავიდა ქალთა ჰოკეის განვითრება.

1927 წელს ლონდონში შეიქმნა ბალახის ჰოკეის ქალთა საერთაშორისო ასოციაცია (IFUXA) (დამფუძნებლები - ავსტრალია, ირლანდია, აშშ, უელსი, დანია, ინგლისი, შოტლანდია, სამხრეთ აფრიკის რესპუბლიკა). ამ ორგანიზაციის შტაბ-ბინა მდებარეობდა ედინბურგში. სამუშო ენა იყო ინგლისური. ვინაიდან IFUXA არ შედიოდა ბალახის ჰოკეის საერთაშორისო ფედერაციის შემადგენლობაში და საერთაშორისო ოლიმპიური კომიტეტი ცნობს მხოლოდ ერთ ორგანიზაციას სპორტის ერთ სახეობაში , ქალთა ჰოკეი არ იყო დაშვებული ოლიმპიადებზე. მხოლოდ 1975 წელს მოხდა ორივე ფედრაციის დაახლოება და შეიქმნა ერთიანი უმაღლესი საბჭო, რომლის შემადგენლობაში შევიდნენ ორივე ფედერაციის 4-4 წარმომადგენელი. სოკ-მა აღიარა ეს საბჭო და 1980 წლიდან ქალთა ჰოკეიც გამოჩნდა ოლიმპიადებზე. IFUXA -ს უმაღლესი ორგანო იყო კონვენტი, რომელიც 3-4 წელიწადში ერთხელ იკრიბებოდა. ორგანიზაციის წესდებით ყველა თანამშრომელი მხოლოდ ქალი იყო. ასევე მხოლოდ ქალი არბიტრები ემსხურებოდნენ IFUXA -ს ეგიდით ჩატარებულ შეჯიბრებებს. უმაღლესი საბჭოს შექმნის შემდეგ IFUXA -მ თანდათანობით დაკარგა თავისი ფუნქციები და 1982 წელს შეუერთდა ბალახის ჰოკეის საერთაშორისო ფედერაციის ქალთა კომიტეტს.

ბალახის ჰოკეის საერთაშორისო ფედერაცია ამჟამად აერთიანებს 5 კონტინენტალურ კონფედერაციას და 127 ქვეყანას. მისი წევრებია:

კონტინენტალური ფედერაციები
ევროპის ბალახის ჰოკეის ფედერაცია - European Hockey Federation
ავსტრია, აზერბაიჯანი, ბელარუსი, ბელგია, ბულგარეთი, გერმანია, გიბრალტარი, დანია, ესპანეთი, ესტონეთი, თურქეთი, ინგლისი, ირლანდია, ისრაელი, იტალია, კვიპროსი, ლატვია, ლიეტუვა, ლუქსემბურგი, ჩრდილოეთი მაკედონია, მალტა, მოლდოვა, ნორვეგია, პოლონეთი, პორტუგალია, რუმინეთი, რუსეთი, საბერძნეთი, საფრანგეთი, საქართველო, სერბეთი, სლოვაკეთი, სლოვენია, სომხეთი, უკრაინა, უელსი, უნგრეთი, ფინეთი, შვედეთი, შვეიცარია, შოტლანდია, ჩეხეთი, ხორვატია, ნიდერლანდები.
აზიის ბალახის ჰოკეის ფედერაცია - Asian Hockey Federation
ავღანეთი, არაბთა გაერთიანებული საამიროები, ბანგლადეში, ბრუნეი, თურქმენეთი, იაპონია, ინდოეთი, ინდონეზია, ირანი, კამბოჯა, სამხრეთი კორეა, კორეის სახალხო დემოკრატიული რესპუბლიკა, მაკაო, მალაიზია, მიანმარი, მონღოლეთი, ნეპალი, ომანი, პაკისტანი, ფილიპინები, სინგაპური, ჩინეთის ტაიბეი, ტაილანდი, ტაჯიკეთი, უზბეკეთი, კატარი, ყაზახეთი, ჩინეთი, შრი-ლანკა, ჰონგ-კონგი.
აფრიკის ბალახის ჰოკეის ფედერაცია - African Hockey Federation
ბოტსვანა, განა, ეგვიპტე, ზამბია, ზიმბაბვე, კენია, ლიბია, მალავი, მაროკო, ნამიბია, ნიგერია, სამხრეთ აფრიკის რესპუბლიკა, სეიშელის კუნძულები, სუდანი, ტანზანია, ტოგო, უგანდა.
პან-ამერიკის ბალახის ჰოკეის ფედერაცია - Pan American Hockey Federation
არგენტინა, აშშ, ბარბადოსი, ბაჰამის კუნძულები, ბერმუდის კუნძულები, ბრაზილია, გაიანა, გვატემალა, დომინიკანელთა რესპუბლიკა, ეკვადორი, ვენესუელა, იამაიკა, კაიმანის კუნძულები, კანადა, კოსტა-რიკა, კუბა, მექსიკა, ნიდერლანდის ანტილები, პანამა, პარაგვაი, პერუ, პუერტო-რიკო, სალვადორი, ტრინიდადი და ტობაგო, ურუგვაი, ჩილე.
ოკეანეთის ბალახის ჰოკეის ფედერაცია - Oceania Hockey Federation
ავსტრალია, ამერიკის სამოა, ახალი ზელანდია, ვანუატუ, პაპუა-ახალი გვინეა, სამოა, სოლომონის კუნძულები, ტონგა, ფიჯი,