ლევან ფილფანი

ლევან (ლეო) გალაქტიონის ძე ფილფანი (დ. 6 ივნისი, 1934, ლენჯერი, მესტიის მუნიციპალიტეტი, საქართველოს სსრ, სსრკ — გ. 5 აგვისტო, 1995) — ქართველი მსახიობი. საქართველოს სსრ სახალხო არტისტი (1980).

ლევან ფილფანი
დაბადების სახელი	ლევან ფილფანი
დაბადების თარიღი	6 ივნისი, 1934 ლენჯერი, მესტიის მუნიციპალიტეტი
გარდაცვალების თარიღი	5 აგვისტო, 1995 (61 წლის)
საქმიანობა	მსახიობი
აქტიური	1955-1995

ბიოგრაფია

ლეო (ლევან) ფილფანი დაიბადა 1934 წლის 6 მაისს, მესტიის მუნიციპალიტეტის სოფელ ლენჯერში. 1958 წელს დაამთავრა რუსთაველის სახელობის თეატრალური ინსტიტუტის სამსახიობო ფაკულტეტი. 1958–1973 წლებში სოხუმის დრამატული თეატრის, 1973 წლიდან კი — რუსთავის დრამატული თეატრის მსახიობი. 1955 წლიდან კინოში იღებენ.

ასრულებდა სხვადასხვა ხასიათის როლებს, რომელთაგან აღსანიშნავია ონისე (ალექსანდრე ყაზბეგის „მოძღვარი“), ქადაგი (დავით გაჩეჩილაძის „ბახტრიონი“), მერკუციო (უილიამ შექსპირის „რომეო და ჯულიეტა“), ბეჟანა (ნოდარ დუმბაძის „მე ვხედავ მზეს“), ოიდიპოსი (სოფოკლეს „იოდიპოს მეფე“), სიმონ რენარი (ვიქტორ ჰიუგოს „მარიამ ტიუდორი“) და სხვ. სოხუმის თეატრში; ლევან ზარდიაშვილი (ვ. იაქაშვილის „წრთობა“), თავადი გვანგვა (პოლიკარპე კაკაბაძის „კახაბერის ხმალი“), კლავდიუსი (უილიამ შექსპირის „ჰამლეტი“) და სხვ. რუსთავის თეატრში.

დასამახსოვრებელი სახეები შექმნა ფილმებში („ხევსურული ბალადა“ (თორღვა), „ჯვარცმული კუნძული“ (რეზო), „ჩემი ქალაქის ვარსკვლავი“ (გუჯა), „ჩვენი ეზო“ (კოტე) „დათა თუთაშხია“ (ბოდღო ყვალთავა), „მიზანი“ (ბოცო), „მარადისობის კანონი“ (მანუჩარ კიკვაძე), „მოკვეთილი“ (შევანა) და სხვ.

1963 წელს მიენიჭა აფხაზეთის ასსრ დამსახურებული არტისტის წოდება.

ფილმოგრაფია

• 1955: „ცისკარა“ რეჟ. სერგო ჭელიძე
• 1956: „ჩვენი ეზო“ (კოტე) რეჟ. რევაზ (რეზო) ჩხეიძე
• 1961: „განძი“ რეჟ. რევაზ (რეზო) ჩხეიძე
• 1962: „ალავერდობა“ (მთიელი) რეჟ. გიორგი შენგელაია
• 1963: „თეთრი ქარავანი“ (ჯაბალა) რეისორები ელდარ შენგელაია, თამაზ მელიავა
• 1965: „ჯილდო“ (მუშა) რეჟ. გიორგი შენგელაია
• 1965: „ხევსურული ბალადა“ (თორღვაი) რეჟ. შოთა მანაგაძე
• 1968: „ჯვარცმული კუნძული“ (რეზო) რეჟ. შოთა მანაგაძე
• 1970: „ჩემი ქალაქის ვარსკვლავი“ (გუჯა) რეჟ. ოთარ აბესაძე
• 1971: „გათენების წინ“ (ეზეკია) რეჟ. ყარამან (გუგული) მგელაძე
• 1973: „მთვარის მოტაცება“ (ჯამლეტ ტარბა) რეჟ. თამაზ მელიავა
• 1977: „ოთხი შარვალი და ერთი ჩითის კაბა“ რეჟ. ალექსანდრე (ალეკო) ნინუა
• 1977: „დაუვიწყარი დღე“ (ბიჭების მამა) რეჟ. თენგიზ მაღალაშვილი
• 1977: „ფედია“ რეჟ. ყარამან (გუგული) მგელაძე
• 1977: „ესკულაპეს მოწაფე“ რეჟ. ოთარ აბესაძე
• 1977: „დაბრუნება“ რეჟ. რამაზ შარაბიძე
• 1978: „დათა თუთაშხია“ (ბოდღო ყვალთავა) რეჟისორები გრიგოლ (გიგა) ლორთქიფანიძე, გურამ (გიზო) გაბესკირია
• 1979: „მიზანი“ (ბოცო) რეჟ. გენო ხოჯავა
• 1979: „მთის ნოველა“ რეჟ. მერაბ თავაძე
• 1980: „ბეღურების გადაფრენა“ რეჟ. თემურ ბაბლუანი
• 1980: „მშობლიურო ჩემო მიწავ (რაიკომის მდივანი)“ რეჟ. რევაზ (რეზო) ჩხეიძე
• 1981: „წისქვილი ქალაქის გარეუბანში“ რეჟ. რეზო ესაძე
• 1981: „ძმა“ რეჟ. თემურ ბაბლუანი
• 1982: „მარადისობის კანონი“ (მანუჩარ კიკვაძე) რეჟ. ვალერიან კვაჭაძე
• 1982: „ლომა, დავიწყებული მეგობარი“ რეჟ. ბიძინა რაჭველიშვილი
• 1982: „კონდორის დაცემა“ (ფრანცისკო, მოქანდაკე) რეჟ. სებასტიან ალარკონი
• 1983: „წიგნი ფიცისა“ რეჟისორები გრიგოლ (გიგა) ლორთქიფანიძე, ამირან დარსაველიძე
• 1983: „დღეს ღამე უთენებია“ (მაცია) რეჟ. ლანა ღოღობერიძე
• 1984: „ზოგი ჭირი მარგებელია“ (ბეწინა) რეჟ. პავლე ჩარკვიანი
• 1984: „ადამიანთა სევდა“ რეჟ. გოდერძი ჩოხელი
• 1985: „მამაკაცები და სხვები“ რეჟ. ვახტანგ (ბუბა) კიკაბიძე
• 1985: „დედუნა“ რეჟ. დავით ჯანელიძე
• 1985: „ნისლი“ რეჟ. ლევან ზაქარეიშვილი
• 1985: „ქალაქის მიღმა (ღამის ილუზია)“ რეჟ. მარინე ხონელიძე
• 1986: „ექვსი თოვლიანი დღე“ რეჟ. იური კვაჭაძე
• 1987: „ლომა“ რეჟ. ბიძინა რაჭველიშვილი
• 1988: „როდესაც ჩაგიქროლებს, რაც ვერ ჩაგივლის“ რეჟ. კახა მელითაური
• 1988: „პეიტარი“ რეჟ. აკაკი შანშიაშვილი
• 1988: „უცხო“ რეჟ. გოდერძი ჩოხელი
• 1989: „ცოდვის შვილები“ რეჟ. გოდერძი ჩოხელი
• 1990: პასპორტი (ვახტანგ პაპაშვილი, იაშას და მერაბის მამა) რეჟ. გიორგი დანელია
• 1990: ომი ყველასათვის ომია (სტალინის შვილი) რეჟ. დევი აბაშიძე
• 1992: „ოქროს ობობა“ (ბიგურზა) რეჟისორები მიხეილ ანთაძე, გიორგი (გოგი) ქავთარაძე, დავით კვირცხალია
• 1992: „უძინართა მზე“ რეჟ. თემურ ბაბლუანი
• 1992: „მოკვეთილი“ (შევანა) რეჟ. გიორგი (გია) მატარაძე
• 1992: „კერპი“ რეჟ. თეიმურაზ ბუტიკაშვილი
• 1993: „კალმასობა იოანესი“ რეჟ. ზურაბ მექვაბიშვილი
• 1994: „ჟამი“ რეჟ. ზაზა (როინ) ილურიძე
• 1995: „წითელი პატეფონი“ რეჟ. დევი აბაშიძე

ნათამაშები როლები

სოხუმის თეატრი

• ალექსანდრე ყაზბეგის „მოძღვარი“ (ონისე)
• დავით გაჩეჩილაძის „ბახტრიონი“ (ქადაგი )
• უილიამ შექსპირის „რომეო და ჯულიეტა“ (მერკუციო )
• ნოდარ დუმბაძის „მე ვხედავ მზეს“ (ბეჟანა)
• სოფოკლეს „იოდიპოს მეფე“ (ოიდიპოსი)
• ვიქტორ ჰიუგოს „მარიამ ტიუდორი“ (სიმონ რენარი)

რუსთაველის თეატრი

• ვ. იაქაშვილის „წრთობა“ (ლევან ზარდიაშვილი)
• პოლიკარპე კაკაბაძის „კახაბერის ხმალი“ (თავადი გვანგვა)
• უილიამ შექსპირის „ჰამლეტი“ (კლავდიუსი)

ჯილდოები, პრემიები და პრიზები

• 1971: საქართველოს სსრ დამსახურებული არტისტი
• 1980: საქართველოს სახალხო არტისტი

ლიტერატურა

• ცუცქირიძე შ., ქართული საბჭოთა ენციკლოპედია, ტ. 10, თბ., 1986. — გვ. 316-317.

რესურსები ინტერნეტში

• ლევან ფილფანი — საქართველოს ბიოგრაფიული ლექსიკონი
• ლევან ფილფანი [დაარქივებული] — ეროვნული ფილმოგრაფია
• ლევან ფილფანი — კინოფილმების ინტერნეტ მონაცემთა ბაზა (ინგლისური)