მთავარი მენიუს გახსნა

მესტიის მუნიციპალიტეტი

მუნიციპალიტეტი საქართველოში

მესტიის მუნიციპალიტეტი, ოფიციალურად სსიპ „მესტიის მუნიციპალიტეტი“[3] (ს/ნ. 235895046) — ადმინისტრაციულ-ტერიტორიული ერთეული დასავლეთ საქართველოში, სამეგრელოს და ზემო სვანეთის მხარეში. მუნიციპალიტეტი 2014 წლის 30 ოქტომბრიდან. ადმინისტრაციული ცენტრი — დაბა მესტია.

მესტიის მუნიციპალიტეტი
SZSM-mestia-ka.svg
დროშა გერბი
Flag of Mestia.jpg Mestiis gerbi.jpg

ქვეყანა საქართველოს დროშა საქართველო
მხარე ქვემო ქართლი
ადმ. ცენტრი მესტია
კოორდინატები 43°00′00″ ჩ. გ. 42°45′00″ ა. გ. / 43.00000° ჩ. გ. 42.75000° ა. გ. / 43.00000; 42.75000
საკრებულოს თავმჯდომარე მაიზერ ჯაფარიძე
ფართობი 3,044.5 კმ²
მოსახლეობა 14,248 (2002)
სიმჭიდროვე 4.7 [1] კაცი/კმ²
ეროვნული
შემადგენლობა
ქართველები 99.4%
რუსები 0.4%
სომხები 0.1%
აფხაზები 0.1%[2]
ოფიციალური საიტი http://www.mestia.ge/ და http://www.mestia-sakrebulo.ge/
GEO-SZS-MS.svg

ისტორიარედაქტირება

მუნიციპალიტეტის ტერიტორია 1917-მდე შედიოდა ქუთაისის გუბერნიაში სვანეთის საბოქაულოს სახელით, 1921-დან — ზემო სვანეთის მაზრა, 1930-დან — მესტიის მუნიციპალიტეტი.

ბუნებარედაქტირება

მესტიის მუნიციპალიტეტი მაღალმთიანია. მის ტერიტორიაზე არსებული მსხვილი ოროგრაფიული ერთეულებია: კავკასიონის მთავარი წყალგამყოფი ქედი, სვანეთის ქედი , ეგრისის ქედი, კოდორის ქედის ნაწილი და მდინარე ენგურის ხეობა. ტერიტორია — 3045 კვ.კმ., მათ შორის სასოფლო-სამეურნეო სავარგულებს უკავია 1010 კვ.კმ. რაიონში 200-მდე მყინვარია, რომელთა საერთო ფართობია 285 კვ.კმ. მთავარი მდინარეა ენგური, მისი შენაკადები — ადიშისჭალა, მულხრა, დოლრა, ნენსკრა, იფარი, ხაიშურა და სხვა. მთავარი წიაღისეული სიმდიდრეა ბარიტი, მარმარილო, ტყვია-თუთია, მინერალური წყლები.

მოსახლეობარედაქტირება

მოსახლეობის რიცხოვნობა — 14 ათასი კაცი; სიმჭიდროვე — 5 კაცი კვ.კმ-ზე. მუნიციპალიტეტში 135 დასახლებული პუნქტია: 1 დაბა და 134 სოფელი.

რაიონი/მუნიციპალიტეტი[4] 1959 წ. აღწ. 1970 წ. აღწ. 1979 წ. აღწ. 1989 წ. აღწ. 1991' 2002 წ. აღწ. 2014 წ. აღწ. 2016' 2017' 2018'
მესტიის 16,311 17,801 17,442 14,776 14,800 14,248 9,316 9,500 9,500 9,500

ადგილობრივი თვითმმართველობარედაქტირება

მუნიციპალიტეტის ადგილობრივი თვითმმართველობის უმაღლესი ორგანოა საკრებულო, აღმასრულებელი თანამდებობის პირი — გამგებელი. მმართველობის ტერიტორიული ორგანოებია:

  1. ადმინისტრაციული ერთეული მესტია — დაბა მესტია;
  2. ადმინისტრაციული ერთეული ბეჩო — ბაგვდანარი, გალაში, დოლასვიფი, დოლი, ლანხვრი, მაზერი, ნაშთქოლი, ტვებიში, უშხვანარი, ქართვანი, ცხეკვანი, ჭკიდანარი, ჭოხულდი;
  3. ადმინისტრაციული ერთეული ეცერი — ბარში, გვალდერი, ებუთი, ისკარი, კალაში, ლადრერი, ლანტელი, ლაშხრერი, უსგვირი, უღვალი, ფხუტერი, ქურაში, ცალანარი, ჭელირი;
  4. ადმინისტრაციული ერთეული იდლიანი — იდლიანი, ლებურცხილა, ნაშიხვი, ჭალე;
  5. ადმინისტრაციული ერთეული იფარი — ადიში, ბოგრეში, ზეგანი, ნაკიფარი;
  6. ადმინისტრაციული ერთეული კალა — აგრაი, დავბერი, ვიჩნაში, იფრარი, ლალხორალი, ლასკრალი, ხალდე, ხე;
  7. ადმინისტრაციული ერთეული ლატალი — იენაში, იფხი, კვანჭიანარი, ლანყვამ-ზაგრალი, ლახუშდი, ლაჰილი, ლელბაგი, ლეშუკვი, მაცხვარიში, სიდიანარი, შყალერი;
  8. ადმინისტრაციული ერთეული ლახამულა — გენწვიში, დიზი, თოთელეში, ლახამულა, ნოდაში, ნოღარი-კეცლანი, ქვედა-იფარი, ყაზაყი, შდიხირი, ხელრა, ჰამაში;
  9. ადმინისტრაციული ერთეული ლენჯერი — ახალშენი, კაერი, ლაშთხვერი, ლემსია, ნესგუნი, პეშკილი, სოლი, ქაშვეთი;
  10. ადმინისტრაციული ერთეული მულახი — არცხელი, ზარდლაში, ლახირი, მაჯვდიერი, მურშკელი, ჟაამუში, ჟაბეში, ღვებრა, ჩვაბიანი, ცალდაში, ჭოლაში;
  11. ადმინისტრაციული ერთეული ნაკრა — ანილი, თავრალი, კვიცანი, კიჩხულდაში, ლაშხრაში, ლაწომბა, ლენკვაში, ნაკრა, ჩუბარი, ცალერი, ხერხვაში;
  12. ადმინისტრაციული ერთეული უშგული — ლამჯურიში, მურყმელი, ჟიბიანი, ჩაჟაში, ჩვიბიანი;
  13. ადმინისტრაციული ერთეული ფარი — ზაგარი, ზედა ლუჰა, კაცხი, ლამხერი, ლაყვრი, სვიფი, ფალედი, ფარი, ქვ. ლუჰა, ღეშდერი, ყვანა, ხოსრარი;
  14. ადმინისტრაციული ერთეული ცხუმარი — ლაბსყალდი, ლეზგარა, მაგარდელი, სვიფი, ტვიბერი, ღვებალდი;
  15. ადმინისტრაციული ერთეული წვირმი — ასკარტი, აცი, იელი, ჩობანი, წვირმი;
  16. ადმინისტრაციული ერთეული ჭუბერი — დევრა, ზედა მარღი, ლარილარი, ლახამი, ლეკულმახე, ლეწფერი, სგურიში, ტიტა, ქვ. მარღი, ყარი;
  17. ადმინისტრაციული ერთეული ხაიში — ბარჯაში, გაღმა ხაიში, ზედა ვედი, ზედა წვირმინდი, ზედა ხაიში, ზემო ვედი, თოთანი, ლალხორალი, ლახანი, ლუხი, მუხაშერა, ნაკი, ნალქორვალი, ნანყბული, სკორმეთი, ტობარი, ქედანი, ქვ. ვედი, ქვ. წვირმინდი, შგედი, ციცხვარი, ჭერი, ხაიში, ჯორკვალი.

ეკონომიკარედაქტირება

მკაცრი კლიმატისა და მთიანი რელიეფის გამო უპირატესად განვითარებულია მეცხოველეობა, რომელიც საკვები ბაზაა ბუნებრივი სათიბ-საძოვრები მნიშვნელოვანი. მცირე რაოდენობით ითესება მარცვლეული კულტურები და კარტოფილი. მესტიის მუნიციპალიტეტი ტურიზმისა და ალპინიზმის კერაა — აქ გადის მაღალმთიანი ტურისტული მარშრუტები ნაკრის, ბეჩოს, ლეხზირისა და ლატფარის უღელტეხილებზე.

კულტურარედაქტირება

მუნიციპალიტეტში 51 სახელმწიფო ზოგადსაგანმანათლებლო სკოლაა, 43 ბიბლიოთეკა, მხარეთმცოდნეობის მუზეუმი.

ღირსშესანიშნაობანირედაქტირება

მესტიის მუნიციპალიტეტის ხუროთმოძღვრებისა და ეთნოგრაფიის ღირსშესანიშნავი ძეგლებია შუა საუკუნეების საკულტო, საერო და თავდაცვიტი ნაგებობები. აღსანიშნავია ადიშის, იელის, სვიფის, იფარის, წვირმის, ჟაბეშის ეკლესიები, მონასტრები, სვანური კოშკები.

რესურსები ინტერნეტშირედაქტირება

სქოლიორედაქტირება