გოგი ქავთარაძე

გიორგი (გოგი) ქავთარაძე (დ. 2 აპრილი, 1940, თბილისი, საქართველოს სსრ — გ. 20 დეკემბერი, 2020, თბილისი) — ქართველი მსახიობი, საქართველოს სსრ სახალხო არტისტი.

გოგი ქავთარაძე
დაბადების სახელი	გიორგი ქავთარაძე
დაბადების თარიღი	2 აპრილი, 1940 თბილისი, საქართველოს სსრ, სსრკ
გარდაცვალების თარიღი	20 დეკემბერი, 2020 (80 წლის) თბილისი, საქართველო
საქმიანობა	მსახიობი
აქტიური	1964–2004

ბიოგრაფია

1958 წელს დაამთავრა თბილისის ჭავჭავაძის სახელობის 23-ე საშუალო სკოლა. 1958–1963 წლებში იყო კოტე მარჯანიშვილის თეატრის სცენის თანამშრომელი, რეჟისორის თანაშემწე, მსახიობი. 1963 წლიდან სწავლობდა თეატრალური ინსტიტუტში სარეჟისორო ფაკულტეტზე, რომელიც დაამთავრა 1967 წელს. ამავდროულად იყო რუსთაველის თეატრის მსახიობი. 1963–1969 და 1972–1976 წლებში — რუსთაველის თეატრის მსახიობი, რეჟისორი; 1969–1972 — ბათუმის თეატრის მთავარი რეჟისორი, ხოლო 1974–1976 თეატრალური ინსტიტუტის პედაგოგი. 1976–1982 — ქუთაისის თეატრის დირექტორი, სამეცნიერო ხელმძღვანელი. 1982-1992 — სოხუმის თეატრის დირექტორი, სამხატვრო ხელმძღვანელი, ხოლო 1992-1999 წლებში ალექსანდრე გრიბოედოვის სახელობის რუსული დრამატული თეატრის სამხატვრო ხელმძღვანელი; 1999–2004 წლებში რუსთავის თეატრის სამხატვრო ხელმძღვანელი.

1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი საარჩევნო ბლოკი „საქართველოს ერთიანი კომუნისტური პარტიიდან“, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 2012-2016 წლებში იყო საქართველოს მე-8 მოწვევის პარლამენტის წევრი (ზესტაფონის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“.

გადაღებულია 25 ფილმში, იყო ერთი ფილმის რეჟისორი, საქართველოს კინემატოგრაფისტთა შემოქმედებითი კავშირის წევრი, საქართველოს სახელმწიფო პრემიის ლაურეატი, კოტე მარჯანიშვილის პრემიის ლაურეატი და ღირსების ორდერის კავალერი.

გარდაიცვალა 2020 წლის 20 დეკემბერს, 80 წლის ასაკში. დაკრძალულია მახათას მთის საზოგადო მოღვაწეთა პანთეონში.

ფილმოგრაფია

დამდგმელი რეჟისორი

• 1992: „ოქროს ობობა“ რეჟისორები მიხეილ ანთაძესთან და დავით კვირცხალიასთან ერთად.

სცენარის ავტორი

• 1992: „ოქროს ობობა“ რეჟისორები მიხეილ ანთაძე, გოგი ქავთარაძე, დავით კვირცხალია

გადაღებულია ფილმებში

• 1964: „ქორწილი“ (ჭაბუკი) რეჟ. მიხეილ კობახიძე
• 1965: „ბოდიში, თქვენ გელით სიკვდილი“ (თვითმარქვია კბილის ექიმი) რეჟ. ყარამან (გუგული) მგელაძე
• 1966: „მაცი ხვიტია“ (კოჭოია) რეჟ. გიორგი შენგელაია
• 1968: „არ იდარდო!“ (ლუკა) რეჟ. გიორგი დანელია
• 1968: „განგაში“ (ყარამანი) რეჟ. ნიკოლოზ სანიშვილი
• 1972: „გაზაფხულის საღამო“ რეჟ. გიული ჭოხონელიძე
• 1972: „თეთრი ქვები“ (ფოტოგრაფი) რეჟ. თემურ ფალავანდიშვილი
• 1972: „ჩარი რამა“ (გურამი) რეჟ. ნიკოლოზ სანიშვილი
• 1973: „წკიპურტები“ რეჟ. რეზო ესაძე
• 1973: „ლაზარეს თავგადასავალი“ რეჟისორები ქართლოს ხოტივარი, რამაზ (ბუბა) ხოტივარი
• 1973: „ბებერი მეზურნეები“ (მილიციელი) რეჟ. ვალერიან კვაჭაძე
• 1973: „ვერის უბნის მელოდიები“ (პოლიციელი) რეჟ. გიორგი შენგელაია
• 1974: „წყარო გზის პირას“ რეჟ. თემურ ფალავანდიშვილი
• 1975: „ერთი ნახვით შეყვარება“ რეჟ. რეზო ესაძე
• 1975: „გაქცევა გათენებისას“ (თეოფილე) რეჟ. სიკო დოლიძე
• 1976: „ბაკულას ღორები“ (მაღალი ჩინის კაცი) რეჟ. ბიძინა რაჭველიშვილი
• 1978: „სათადარიგო ბორბალი“ რეჟ. ამირან დარსაველიძე
• 1980: „ზღაპარი“ რეჟ. კონსტანტინე (კოტე) სურმავა
• 1981: „იცოცხლე, გენაცვალე“ (თამაზი, ჯემალი, გიორგი, ნოდარი) რეჟისორები თამაზ გომელაური, ვახტანგ (ბუბა) კიკაბიძე
• 1985: „ერთ პატარა ქალაქში“ (ჯანიკო ქვარიანი) რეჟ. გრიგოლ (გიგა) ლორთქიფანიძე
• 1988: „ქველი (კეთილისმყოფელი)“ რეჟ. ვალერიან კვაჭაძე
• 1988: „შარვალი“ რეჟ. ვალერიან კვაჭაძე
• 1992: „ოქროს ობობა“ (ივანე გიორგაძე) რეჟისორები მიხეილ ანთაძე, გოგი ქავთარაძე, დავით კვირცხალია
• 1997: „იასამანი“ რეჟ. ილია ჩაჩანიძე
• 2004: „სკამი“ რეჟ. ლევან ბზვანელი
• 2013: „ვინ მოკლა ილია“ (მხატვრულ-დოკუმენტური ფილმი) რეჟ. მიხეილ ბერინაშვილი

ჯილდოები, პრემიები და პრიზები

• 1982: საქართველოს სსრ სახალხო არტისტი
• 1984: აფხაზეთის ასსრ სახალხო არტისტი
• 1987: კოტე მარჯანიშვილის სახელობის პრემია
• 1987: საქართველოს სახელმწიფო პრემია
• 1992: ღირსების ორდენი
• ხელოვნების დამსახურებული მოღვაწე

რესურსები ინტერნეტში

• გოგი ქავთარაძე [დაარქივებული] — ეროვნული ფილმოგრაფია
• გოგი ქავთარაძე — საქართველოს ბიოგრაფიული ლექსიკონი
• გოგი ქავთარაძე — საქართველოს პარლამენტის ოფიციალური საიტი (მოძველებული / არქივი / ახალი არქივი)
• გოგი ქავთარაძე — საქართველოს პარლამენტის ოფიციალური საიტი დაარქივებული 2019-04-12 საიტზე Wayback Machine.
• გოგი ქავთარაძე კინოფილმების ინტერნეტ-მონაცემთა ბაზაში