თეიმურაზ ბუტიკაშვილი
თეიმურაზ ბუტიკაშვილი (დ. 29 აგვისტო, 1961, თბილისი) — ქართველი კინორეჟისორი. საქართველოს კინოაკადემიის (საქართველოს კინემატოგრაფისტთა კავშირი) წევრი 1996 წლიდან.
| თეიმურაზ ბუტიკაშვილი | |
|---|---|
 | |
| დაბადების თარიღი |
29 აგვისტო, 1961 თბილისი, საქართველოს სსრ, სსრკ |
| ეროვნება | ქართველი |
| მოქალაქეობა |
 საქართველო |
| საქმიანობა | კინორეჟისორი |
ბიოგრაფია
რედაქტირებადაიბადა 1961 წლის 29 აგვისტოს, ქ. თბილისში.
1978–1979 წლებში მოღვაწეობდა თბილისის ზაქარია ფალიაშვილის სახელობის ოპერისა და ბალეტის სახელმწიფო აკადემიურ თეატრში — რეკვიზიტორად და მხატვარ–დეკორატორის ასისტენტად.
1979–1981 წლებში თეატრის რეჟისურის სპეციალობით სწავლობდა თბილისის სერგო ზაქარიაძის სახელობის კულტ - საგანმანათლებლო სასწავლებელში. 1983 წელს სასწავლებლად შევიდა და კინო-ტელე რეჟისორის სპეციალობით 1988 წელს დაამთავრა კიევის კარპენკო-კარის სახელობის კინოს, თეატრისა და ტელევიზიის ეროვნული ინსტიტუტის კინოფაკულტეტი.
1990 წლიდან საქართველოს სახელმწიფო ტელერადიოდეპარტამენტის კომპანია „ქართული ტელეფილმის“ (საქართველოს ტელეფილმების სტუდია) რეჟისორია. 1997 წლიდან ეწევა პედაგოგიურ საქმიანობას, საქართველოს ტექნიკური უნივერსიტეტის ჰუმანიტარული ინსტიტუტის აუდიო–ვიზუალურ ხელოვნებათა კათედრის შემოქმედებითი სახელოსნოს ხელმძღვანელად და ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის პროფესიული საგანმანათლებლო პროგრამის კინო-ტელე რეჟისურის პედაგოგად (2014-2019).
ფილმოგრაფია
რედაქტირებარეჟისორი
რედაქტირება- 1990: „სტუმარი (სირცხვილი)“, კომპანია „ქართული ტელეფილმი“ (მხატვრული)
- 1992: „კერპი“, კომპანია „ქართული ტელეფილმი“ (მხატვრული)
- 1995: „ლიტურგია XX საუკუნის საქართველოზე“ (დოკუმენტური)
- 1996: „რა გაცინებს?!“, კომპანია „ქართული ტელეფილმი“ (მხატვრული)
- 1997: „პროფესია კინორეჟისორი“, კომპანია „ქართული ტელეფილმი“ (დოკუმენტური)
- 2006: „ჩამოფასებულები “ (მხატვრული)
პროდიუსერი
რედაქტირება- 2007: „ჩამოფასებულები“ (მხატვრული)