პორტალი:არქიტექტურა
ჯონ ჰენკოკის ცენტრი (John Hancock Center) მდებარეობს მიჩიგანის ავენიუზე, ჩიკაგოში, ილინოისი. 100-სართულიანი 344 მ სიმაღლის ცათამბჯენის პროექტი ინჟინერ-კონსტრუქტორ ფაზლურ ხანს ეკუთვნის კომპანიიდან „სკიდმორ, ოუინგს ენდ მერილ“ (SOM). დასრულების ჟამს, 1969 წელს, ის იყო მსოფლიოში ყველაზე მაღალი შენობა ნიუ-იორკის საზღვრებს გარეთ. ამჟამად ჰენკოკის ცენტრი სიმაღლით ჩიკაგოში მესამე და აშშ-ში კი მეოთხე ცათამბჯენია, სირს ტაუერის, ეონ ცენტრისა და ემპაირ სტეიტ ბილდინგის შემდეგ.
ცათამბჯენის გამორჩეული X-ფორმის ჯვარედინი ლითონის კარკასის ფასადი ფაქტობრივად მინიშნებაა იმაზე, რომ სტრუქტურის ”კანი” სინამდვილეში მისი მილისებური სისტემის ნაწილია. ეს იდეა შენობის პროგრესული ჩანაფიქრის კონცეფციის ნაწილია, რითაც შესაძლებელი გახდა რეკორდული სიმაღლის მიღწევა (მილისებური სისტემა შენობის ჩონჩხია, რომელიც მას ხელს უწყობს ქარებისა და მიწისძვრების დროს მდგრადობის შენარჩუნებაში). ეს ასევე საშუალებას იძლევა შენობის შიგა ფართი საყოფაცხოვრებო მიზნებისთვის გამოთავისუფლდეს არქიტექტორის ნებასურვილის შესაბამისად. სხვა მრავალ ნიშანთვისებასთან ერთად ექსტერიერის ფორმის ამგვარმა გადაწყვეტამ ჯონ ჰენკოკის ცენტრს არქიტექტურული შედევრის რეპუტაცია მიანიჭა.
ჰუგო ალვარ ჰენრიკ აალტო (Hugo Alvar Henrik Aalto) (1898-1976), ფინელი არქიტექტორი და დიზაინერი. მოღვაწეობდა ფინეთში, შვედეთში და აშშ-ში. ეროვნული ტრადიციების ნიადაგზე ერთმანეთს შეუხამა ფუნქციონალიზმისა და ორგანული არქიტექტურის პრინციპები. შექმნა ლანდშაფტთან შერწყმული მოცულობით-სივრცობრივი კომპოზიციები; აგურთან, მინასთან, სპილენძსა და ბეტონთან ერთად აქტიურად გამოიყენა ადგილობრივი მასალა — ხე და გრანიტი.
მიუხედავად იმისა, რომ მას ხშირად სკანდინავიური მოდერნიზმის პირველ და ყველაზე გავლენიან არქიტექტორად მიიჩნევენ, ისტორიული ფაქტების უფრო ღრმა ანალიზი ააშკარავებს, რომ აალტო მისდევდა სხვა პიონერებს შვედეთში, მათ შორის გუნარ ასპლუნდსა და სვენ მარკელიუსს, რომელთანაც მას მჭიდრო მეგობრობა აკავშირებდა. აალტოს და მრავალ სხვა ამ თაობის არქიტექტორს სკანდინავიურ ქვეყნებში ერთი საერთო რამ აკავშირებდათ — მათ დაიწყეს კლასიკური განათლებით და პირველებმა ჩამოაყალიბეს ე. წ. სკანდინავიური (ნორდული) კლასიციზმი, სანამ 1920-იან წლებში მოდერნიზმში გადაინაცვლებდნენ.
|
„მომავლის არქიტექტორი ბუნების მიბაძვით შექმნის, ვინაიდან ეს არის ყველაზე რაციონალური, ხანგრძლივი და ეკონომიური ყველა მეთოდთაგან.“
|
 |
|
კონგრესის ბიბლიოთეკა (ინგლ. Library of Congress), აშშ-ის დე-ფაქტო ეროვნული ბიბლიოთეკა და აშშ-ის კონგრესის კვლევითი განყოფილება. განლაგებულია სამ შენობაში, ვაშინგტონში, და უდიდესი ბიბლიოთეკაა მსოფლიოში, როგორც თაროების სივრცის, ისე წიგნების რაოდენობის მიხედვით. |
ქრონოლოგია • ამპირი • არტ-დეკო • არტ-ნუვო • ახალი ქალაქი • ახალი ურბანიზმი • ბაროკო • ბაუჰაუზი • ბოზ-არტი • ბიდერმაიერი • ბრუტალიზმი • ბიზანტიური • გოტიკა • 
გუგი • დეკონსტრუქტივიზმი • ესპანური კოლონიური სტილი • ვიქტორიანული არქიტექტურა • ექსპრესიონიზმი • ფუტურიზმი • ინდური • ისლამური • იტალიანატი • იაპონური • საკათედრო • კლასიკური • კონსტრუქტივიზმი • მეორე იმპერია • მოდერნი • მოდერნიზმი • ნაცისტური • ნეობიზანტიური • ნეოკლასიციზმი • პაგოდა • სპარსული • პოსტმოდერნიზმი • რეტროფუტურიზმი • როკოკო • რომანული • რუსული • საერთაშორისო სტილი • სიცილიური ბაროკო • სტალინიზმი • სუდანო-საჰელიური • ჩიკაგოს სკოლა • ჩინური • ქალაქი-მშვენიერი
არქიტექტურა : ქვეყნების მიხედვით • არქიტექტურის ისტორია • მიმდინარეობები • ელემენტები • ვენის არქიტექტურა • თბილისის არქიტექტურა • ისლამური არქიტექტურა • მსოფლიო კულტურული მემკვიდრეობის ძეგლები • მსოფლიოს უმაღლესი ნაგებობები • პრაღის არქიტექტურა • სასახლეები • საქართველოს ხუროთმოძღვრების ძეგლები • ტაძრები • ქრისტიანული არქიტექტურა • ურბანისტიკა • შენობა-ნაგებობები • შუა საუკუნეების არქიტექტურა • ცათამბჯენები • ხიდები
