ოთარ კობერიძე

ოთარ კობერიძე (დ. 17 დეკემბერი, 1924, თბილისი — გ. 9 მარტი, 2015, თბილისი) — ქართველი მსახიობი, რეჟისორი და სცენარისტი, საქართველოს სსრ-ის სახალხო არტისტი (1967).

ოთარ კობერიძე
ოთარ კობერიძე
დაბადების სახელი	ოთარ კობერიძე
დაბადების თარიღი	17 დეკემბერი, 1924 თბილისი, საქართველო
გარდაცვალების თარიღი	9 მარტი, 2015 (90 წლის)
საქმიანობა	მსახიობი
აქტიური	1941-2001

ბიოგრაფია

ოთარ კობერიძე დაიბადა თბილისში 1924 წლის 17 დეკემბერს. მისი პირველი ფილმი იყო ნიკოლოზ შენგელაიას „შავი მთები“, სადაც პარტიზანს თამაშობდა. ეს იყო მოკლემეტრაჟიანი სურათი ბესარაბიელებზე. მაშინ კობერიძე მერვე კლასში იყო. ფილმის შემდეგ ჩარიცხეს კინოსამსახიობო სტუდიაში, პირველ კურსზე. დილით სკოლაში დადიოდა, საღამოს სტუდიაში.

როგორც მსახიობი იხსენებს, მესამე კურსზე ყოფლის დროს, საშინელება ტრიალებდა — სიბნელე, პურის, ნავთის რიგები. ამან ძალიან იმოქმედა და მოხალისედ წავიდა ფრონტზე, 1943–1945 წლებში მონაწილეობდა მეორე მსოფლიო ომში. ჯარში ყოფნის დროს ის ახსენდებოდა, რაც ფილმში ჰქონდა ნათამაშები. პრაღის გათავისუფლებაში მონაწილეობდა. პრაღის ახლოს, ბანსქტონ-ბისტრიცაში იბრძოდა და რას წარმოიდგენდა, რომ 16 წლის შემდეგ ამავე ადგილებში მოუწევდა თამაში ნიკოლოზ სანიშვილის „შეწყვეტილ სიმღერაში“, სადაც გურამ გელოვანის როლი მისცეს. ფილმში კვდება, ომში კი ცოცხალი გადარჩა.

ომიდან დაბრუნების შემდეგ, პირველად „ქეთოს და კოტეს“ გადაღებაზე მიიწვიეს. ამავე პერიოდში დაეღუპა ბებია.

1948 წელს დაამთავრა შოთა რუსთაველის სახელობის საქართველოს სახელმწიფო თეატრალური ინსტიტუტის სამსახიობო ფაკულტეტი. 1950–1956 წლებში სოხუმის დრამატული თეატრის, ხოლო 1959–1964 წლებში მარჯანიშვილის აკადემიური თეატრის მსახიობი იყო. 1956 წლიდან მუშაობდა კინოსტუდია „ქართულ ფილმში“ მსახიობად და რეჟისორად.

1954 წელს მიღებული აქვს აფხაზეთის ასსრ-ის დამსახურებული არტისტის, 1958 წელს საქართველოს სსრ-ის დამსახურებული არტისტის, 1967 წელს საქართველოს სსრ-ის სახალხო არტისტის, ხოლო 1981 წელს აფხაზეთის ასსრ-ის სახალხო არტისტის წოდებები. 2002 წელს გახდა მემედ აბაშიძის სახელობის პრემიის ლაურეატი.

1941 წლიდან იღებდნენ კინოში. შესრულებული აქვს 50-ზე მეტი როლი. ბევრ ფილმში მას პარტნიორობას უწევდა მეუღლე — პოპულარული ქართველი მსახიობი ლია ელიავა.

ფილმოგრაფია

ბაში-აჩუკი

ფილმების დამდგმელი რეჟისორი

• 1963: „Мечте навстречу“ „ოცნებასთან შესახვედრად“
• 1970: „გამსვლელი პაიკი“
• 1976: „აღმოსავლეთის ექსპრესი“
• 1978: „ელოდეთ მოკავშირეს“
• 1982: „სიბრძნის კარავი“
• 1985: „ვინ არის მეოთხე?“
• 1988: „ოპერაცია ვუნდერლანდი“

სცენარის ავტორი ფილმებისა

• 1963: „Мечте навстречу“ „ოცნებასთან შესახვედრად“ რეჟისორები ოთარ კობერიძე, მიხეილ კარიუკოვი
• 1979: „ელოდეთ მოკავშირეს“ რეჟ. ოთარ კობერიძე
• 1990: „საბედისწერო გასროლა“ რეჟ. ოთარ კობერიძე

გადაღებულია ფილმებში

• 1941: „შავ მთებში“ (ბესარ აბიელი პარტიზანი) რეჟ. ნიკოლოზ შენგელაია
• 1948: „ქეთო და კოტე“ რეჟისორები ვახტანგ ტაბლიაშვილი, შალვა გედევანიშვილი
• 1956: „ბაში-აჩუკი“ (ბაში-აჩუკი) რეჟ. ლეო ესაკია
• 1957: „ქალის ტვირთი“ (აკაკი ახატნელი) რეჟ. ნიკოლოზ სანიშვილი
• 1957: „მე ვიტყვი სიმართლეს“ (ოთარი) რეჟ. ლევან ხოტივარი
• 1958: „მამლუქი“ (მაჰმუდი) რეჟ. დავით რონდელი
• 1958: „სხვისი შვილები“ (დათო) რეჟ. თენგიზ აბულაძე
• 1959: „დღე უკანასკნელი, დღე პირველი“ (ლევანი – ინჟინერი) რეჟ. სიკო დოლიძე
• 1960: „შეწყვეტილი სიმღერა“ (გურამ გელოვანი) რეჟ. ნიკოლოზ სანიშვილი
• 1962: „713-й просит посадку“ „713 ითხოვს დაჯდომას“ (ჰენრი) რეჟ. გრიგოლი ნიკულინი
• 1963: „Мечте навстречу“ „ოცნებასთან შესახვედრად“ (კოსმონავტი ივან ბატალოვი) რეჟისორები ოთარ კობერიძე, მიხეილ კარიუკოვი
• 1963: „გენერალი და ზიზილები“ (შტურმანი რანერ პეტერი) რეჟ. მიხეილ ჭიაურელი
• 1963: „Они шли на Восток “ „ისინი მიდიოდნენ აღმოსავლეთისაკენ“ (ესპანელი ოფიცერი) რეჟისორები ჯუზეპე დე სანტისი, დიმიტრი ვასილევი
• 1964: „Царская невеста“ „მეფის საცოლე“ (გრიაზნოი) რეჟ. ვლადიმერ გორიკერი
• 1964: „ზღვის შვილები“ (გურამი (მამა)) რეჟ. კონსტანტინე პიპინაშვილი
• 1965; „თავდასხმა და უკანდახევა“ (დაჭრილი იტალიელი)
• 1965: „Сегодня — новый аттракцион“ „დღეს ახალი ატრაქციონია“ (მარატ მესხიევი)
• 1966: „Волшебная лампа Аладдина“ „ალადინის ჯადოსნური ლამპარი“ (სულთანი)
• 1966: „პატარა უფლისწული“ (მფრინავი ეგზიუპერი)
• 1967: „ქალაქი ადრე იღვიძებს“ (თენგიზი) რეჟ. სიკო დოლიძე
• 1967: „Комиссар“ „კომისარი“ (ეპიზოდი)
• 1969: „წითელი კარავი“ (ჩეჩონი)
• 1971: „Сказание о Рустаме“ „რუსტამის გმირობანი“ (შაჰ ქაუსი)
• 1971: „დაისი (ფილმი-ოპერა)“ (კიაზო) რეჟ. ნიკოლოზ სანიშვილი
• 1972: „გაზაფხულის საღამო“ რეჟ. გიული ჭოხონელიძე
• 1972: „ჩაძირული ქალაქის მაძიებლები“ (ედიშერი) რეჟ. დევი აბაშიძე
• 1973: „მზე შემოდგომისა“ (მუზეუმის დირექტორი) რეჟ. თემურ ფალავანდიშვილი
• 1975: „გაქცევა გათენებისას“ (კოწია ერისთავი) რეჟ. სიკო დოლიძე
• 1969: „გასეირნება თბილისში (ნამდვილი თბილისელები და სხვები)“ რეჟ. ნანა მჭედლიძე
• 1978: „დათა თუთაშხია“ (სეხნიევი) რეჟისორები გრიგოლ (გიგა) ლორთქიფანიძე, გურამ (გიზო) გაბესკირია
• 1979: „Жизнь прекрасна“ „ცხოვრება მშვენიერია“
• 1979: „ელოდეთ მოკავშირეს“ (უფროსი კომანდირი) რეჟ. ოთარ კობერიძე
• 1979: „Путь к Софии “„გზა სოფიისკენ“
• 1982: „დიმეტრე II“ (თარსაიჭ ორბელი) რეჟ. რევაზ (ბუბა) ხოტივარი
• 1982: „ცისფერი მთები, ანუ დაუჯერებელი ამბავი“ (მსახიობი) რეჟ. ელდარ შენგელაია
• 1985: „მეჯლისი გაყიდულ სახლში“ (ბატონი ვიქტორი) რეჟ. მიხეილ ანთაძე
• 1985: „ვინ არის მეოთხე?“ (პოლკოვნიკი) რეჟ. ოთარ კობერიძე
• 1985: „Грядущему веку“
• 1988: „ფაქტები რეჟისორის ცხოვრებიდან“ (მსახიობი) რეჟ. მიხეილ ანთაძე
• 1988: „ოპერაცია „ვუნდერლანდი““ რეჟ. ოთარ კობერიძე
• 1989: „ცხოვრება დონ კიხოტისა და სანჩოსი“ (სენიორი) რეჟ. რევაზ (რეზო) ჩხეიძე
• 1990: „საბედისწერო გასროლა“ (ნოდარი) რეჟ. ოთარ კობერიძე
• 2001: „ანთიმოზ ივერიელი“ (პატრიარქი დოსითესოსი) რეჟ. გიული ჭოხონელიძე

ჯილდოები, პრემიები და პრიზები

• 1954: აფხაზეთის ასსრ-ის დამსახურებული არტისტი
• 1958: საქართველოს სსრ-ის დამსახურებული არტისტი
• 1968: საქართველოს სსრ-ის სახალხო არტისტი
• 1981: აფხაზეთის ასსრ-ის სახალხო არტისტი
• 2002: მემედ აბაშიძის სახელობის პრემია

კადრები ფილმებიდან ო. კობერიძის მონაწილეობით

• 

  ბაში-აჩუკი, „ბაში-აჩუკი“ 1956

• 

  ბაში-აჩუკი, „ბაში-აჩუკი“ 1956

• 

  ოთარი, „მე ვიტყვი სიმართლეს“ 1957

• 

  დათა, „სხვისი შვილები“ 1958

• 

  მაჰმუდი, „მამლუქი“ 1958

• 

  გურამი, „შეწყვეტილი სიმღერა“ 1960

• 

  შტურმანი რანერ პეტერი „გენერალი და ზიზილები“ 1963

• 

  გრიაზნოი, „მეფის საცოლე“ 1964

• 

  მარატ მესხიევი, „დღეს ახალი ატრაქციონია“ 1965

• 

  ჩეჩონი, „წითელი კარავი“ 1969

• 

  კიაზო, „დაისი“ 1971

• 

  კოწია ერისთავი, „გაქცევა გათენებისას“ 1975

ლიტერატურა

• ლელა ჯიყაშვილი, ვითარებანი ცნობილი ადამიანების ცხოვრებიდან.

რესურსები ინტერნეტში

• ოთარ კობერიძე — კინოფილმების ინტერნეტ-მონაცემთა ბაზა (ინგლისური)
• ოთარ კობერიძე — საქართველოს ბიოგრაფიული ლექსიკონი
• ოთარ კობერიძე [დაარქივებული] — ეროვნული ფილმოგრაფია
• რუს.:ოთარ კობერიძე — kinopoisk.ru
• ოთარ კობერიძის ბიოგრაფია