შეწყვეტილი სიმღერა
შეწყვეტილი სიმღერა — რეჟისორ ნიკოლოზ სანიშვილის მიერ 1960 წ. გადაღებული ფილმი[1], რომელიც სსრკ-ჩეხოსლოვაკიის კინოსტუდიების „ქართული ფილმის“ და „კოლიბას“ ერთობლივი ნამუშევარია.
| „შეწყვეტილი სიმღერა“ | |
|---|---|
 კადრი ფილმიდან | |
| დამდგმელი რეჟისორი | ნიკოლოზ სანიშვილი |
| სცენარის ავტორი | კონსტანტინე ლორთქიფანიძე, ნიკოლოზ სანიშვილი |
| როლებში | იულიუს პანტიკი, ოთარ კობერიძე, ლია ელიავა, ვერიკო ანჯაფარიძე |
| კომპოზიტორი | რევაზ ლაღიძე, ტიბორ ანდრაშოვანი |
| ხმის ოპერატორი | შტეგელმანი, კაბალოვი |
| ოპერატორი | დუდარ მარგიევი |
| მონტაჟი | ვასილ დოლენკო |
| მხატვარი | რუდოლფ კოვაჩი, ევგენი მაჭავარიანი |
| სტუდია | ქართული ფილმი |
| გამოსვლის თარიღი | 1960 |
| ხანგრძლივობა | 100 წთ |
| ქვეყანა |
 სსრკ.svg){kind=small} საქ. სსრ, ჩეხოსლოვაკია |
| ენა | ქართული |
სიუჟეტი რედაქტირება
კინოფილმი მოგვითხრობს უბრალო ადამიანების მეგობრობისა და სიყვარულის ნამდვილ ამბავს.
ფილმის მთავარი გმირია სლოვაკი მეომარი — მიშო ზვარა, რომელიც სკოლის მუსიკის მასწავლებელია და მეორე მსოფლიო ომის დროს ჰიტლერული სლოვაკური დივიზიის შემადგენლობაში აღმოსავლეთის ფრონტზე გააგზავნიან. სლოვაკებს არ სურთ ნაცისტური გერმანიის არმიის რიგებში ყოფნა და ყოველდღე გადარბიან ფრონტის ხაზზე საბჭოთა ჯარებთან. ასე აღმოჩნდება მიშოც საბჭოთა ტყვეთა ბანაკში. იქ ქართველ სამხედრო ექიმს, ელიკო გელოვანს გაიცნობს. გერმანელების საჰაერო თავდასხმის დროს მიშო საზენიტო ქვემეხით იგერიებს მტერს, რითაც საბჭოთა არმიელების ნდობა დაიმსახურა და გენერლისგან საპატიო დავალებაც მიიღო.
სოხუმში დაჭრილი ამხანაგის სანახავად ჩასული მიშო ისევ შეხვდება ელიკოს. მაგრამ ომი გრძელდება და ჯარისკაცი ფრონტზე ბრუნდება. ელიკო მისი თანამებრძოლის — გურამის და აღმოჩნდა. გურამი მძიმე ბრძოლაში იღუპება. დაჭრილ მიშოს სოხუმის ჰოსპიტალში მოათავსებენ. მაგრამ ამპუტირებული ფეხის გამო საყვარელ ქალთან შეხვედრას გაურბის. ელიკო თვითონ მოძებნის და ერთად აგრძელებენ ცხოვრებას.
დამდგმელი ჯგუფი რედაქტირება
- რეჟისორი — ნიკოლოზ სანიშვილი
- სცენარის ავტორები — კონსტანტინე ლორთქიფანიძე, ალბერტ მარენჩინი, ნიკოლოზ სანიშვილი
- დამდგმელი ოპერატორი — დუდარ მარგიევი
- დამდგმელი მხატვარი — ევგენი მაჭავარიანი, რუდოლფ კოვაჩი
- კომპოზიტორები — რევაზ ლაღიძე, ტიბორ ანდრაშოვანი
მთავარ როლებში რედაქტირება
- იულიუს პანტიკი — მიშო ზვარა
- ლია ელიავა — ელიკო
- ვერიკო ანჯაფარიძე — მარიამი
- დოდო ჭიჭინაძე — დოდო
- ოთარ კობერიძე — გურამი
- ალექსანდრე ომიაძე — მამუკა
- კაროლ მახათა — იანო
- ზურაბ (კუკური) ლაფერაძე — მამედოვი
ფაქტები რედაქტირება
ფილმის რეჟისორი, ნიკოლოზ სანიშვილი დაჯილდოვებულია ჩეხოსლოვაკიის შრომის ორდენით.
2015 წელს, ფილმის გამოსვლიდან 55 წლის იუბილესთან დაკავშირებით, სლოვაკეთის რესპუბლიკაში, საქართველოს საელჩოს ორგანიზებით გაიმართა ჩვენება, რომელსაც ესწრებოდა რეჟ. ნიკოლოზ სანიშვილის ვაჟი მეუღლითურთ, აგრეთვე მთავარი გმირის ქალიშვილი და შვილიშვილები[2] და სხვა საპატიო სტუმრები.