მთავარი გვერდი

რჩეული სტატია

ფერენც (ფრანც) ლისტი — რომანტიზმის ეპოქის უნგრელი კომპოზიტორი, ვირტუოზი პიანისტი და პედაგოგი. ექვს ათწლეულზე მეტ დროში შექმნილი ნამუშევრებით, იგი მიიჩნევა თავისი ეპოქის ერთ-ერთ ყველაზე გავლენიან და ნაყოფიერ კომპოზიტორად და დღემდე პოპულარულია თანამედროვე საფორტეპიანო რეპერტუარში. ლისტმა, როგორც პიანისტმა, თავისი ვირტუოზული შესაძლებლობებით ევროპაში სახელი ადრეულ მეცხრამეტე საუკუნეში გაითქვა. იგი იმ დროისთვის უკვე მიიჩნეოდა ყველა დროის ერთ-ერთი საუკეთესო პიანისტად. 1830-იან და 1840-იან წლებში ლისტი ევროპაში კონცერტების ჩასატარებლად მოგზაურობდა და ხშირად ქველმოქმედებისთვის უკრავდა. ცხოვრების ამ პერიოდში, ლისტმა თავისი გამორჩეული შესრულებითა და ფიზიკური მიმზიდველობით რეპუტაცია შეიქმნა. მისმა თაყვანისმცემლებმა გამოავლინეს ისტერიული ქმედებებისა და რეაქციის ფენომენი, ლისტომანია, რაც მისი წინამორბედი ვირტუოზების შემთხვევაში არასდროს მომხდარა. როდესაც ადრეული შემსრულებლები მხოლოდ ზედა კლასს ემსახურებოდნენ, ლისტმა მოიზიდა უმეტესწილად უბრალო ადამიანებისგან შემდგარი აუდიტორია. ლისტი მეგობრობდა და მფარველობდა თავისი დროის მრავალ კომპოზიტორს. ლისტი ახალი გერმანული სკოლის ერთ-ერთი ყველაზე გამოჩენილი წარმომადგენელი იყო. მისმა ვრცელმა და მრავალფეროვანმა ნამუშევრებმა გავლენა იქონია მის თანამედროვეებზე და განჭვრიტა XX საუკუნის იდეები და მიმართულებები. ლისტის მუსიკალურ წვლილს შორისაა: სიმფონიური პოემა, თემატური ტრანსფორმაციის შემუშავება, როგორც მუსიკალური ფორმის ექსპერიმენტების ნაწილი, და რადიკალური ინოვაციები ჰარმონიაში. ლისტი ასევე მიიჩნევა მუსიკალური იმპრესიონიზმის მამად.

სრულად...

კანდიდატები

სხვა რჩეული სტატიები

დღის სტატია

ჯონ ფიცჯერალდ „ჯეკ“ კენედი (დ. 29 მაისი, 1917 — გ. 22 ნოემბერი, 1963) — აშშ-ის 35-ე პრეზიდენტი 1961 წლიდან 1963 წელს მკვლელობამდე. პოლიტიკაში ღვაწლმოსილი ირლანდიურ-ამერიკული კენედების ოჯახის წევრი საყოველთაოდ ამერიკული ლიბერალიზმის ხატად არის შერაცხილი.

სტატიები

დღის სურათი

[[ფაილი:თარგი:Potd/2024-11-8|center|300x300px|თარგი:Potd/2024-11-8 (ka)]]

რჩეული სურათები

სიახლეები

აშშ-ის საპრეზიდენტო არჩევნებში დონალდ ტრამპი იმარჯვებს.
მაია სანდუ (სურათზე) მოლდოვის პრეზიდენტად ხელმეორედ აირჩიეს.
სახაროვის პრემია ვენესუელის ოპოზიციონერ პოლიტიკოსებს მარია კორინა მაჩადოსა და ედმუნდო გონსალესს გადაეცა.
ჰამასის ლიდერი იაჰია სინვარი მოკლეს.
ნობელის პრემია მშვიდობის განმტკიცებაში ატომური იარაღის გაუქმებისთვის მებრძოლ იაპონურ ჯგუფ „ნიჰონ ჰიდანკიოს“ მიენიჭა.
ნობელის პრემია ლიტერატურაში სამხრეთ კორეელ მწერალს ჰან კანს მიენიჭა.

მიმდინარე: რუსეთის შეჭრა უკრაინაში; ისრაელ-ჰამასის ომი.

8 ნოემბერი — ამ დღეს...

1519 : ერნან კორტესი ტენოჩტიტლანში შედის; აცტეკთა მმართველი მონტესუმა II მას დიდი პომპეზურობით ხვდება, როგორც ზეციდან დაბრუნებულ ღმერთს.

1793 : პარიზში საფრანგეთის რევოლუციური მთავრობა ლუვრს საზოგადოებისთვის ღია მუზეუმად აცხადებს.

1895 : ვილჰელმ რენტგენმა (სურათზე) ელექტრობაზე ექსპერიმენტებისას შემთხვევით აღმოაჩინა იქს-სხივები (რენტგენის სხივები).

1923 : ლუდის პუტჩი — მიუნხენში ნაცისტებმა მთავრობის გადატრიალება სცადეს ადოლფ ჰიტლერის მეთაურობით.

1933 : დიდი დეპრესია — პრეზიდენტი ფრანკლინ რუზველტი აცხადებს ახალ გარიგებას, რომლის მიზანი მილიონობით უმუშევრის დასაქმებაა.

1937 : ნაცისტების გამოფენა „მარადი ებრაელი“ (Der ewige Jude) გაიხსნა მიუნხენში.

1960 : ჯონ ფ. კენედი ამარცხებს რიჩარდ ნიქსონს და ყველაზე ახალგაზრდა პრეზიდენტი ხდება ამერიკის ისტორიაში.

სხვა მოვლენები

იცით თუ არა, რომ?

ვიკიპედიის ახალი მასალებიდან:

რალფ ნორმან ენჯელი არის ერთადერთი ნობელის პრემიის ლაურეატი, რომელმაც ჯილდო წიგნის გამოცემისთვის მოიპოვა.
იოანე II პირველი პაპი იყო, რომელმაც სახელი შეიცვალა პაპად არჩევის შემდეგ.
უილიამ პიტი (სურათზე) დიდი ბრიტანეთის ყველაზე ახალგაზრდა პრემიერ-მინისტრია, 1783 წელს თანამდებობის დაკავების მომენტში იგი 24 წლის იყო.
მეტამორფოზის ბოლო სტადიაზე (იმაგო) ერთდღიურები არ იკვებებიან და ცოცხლობენ ცოტა ხანს — რამდენიმე საათიდან ერთ ან რამდენიმე დღემდე.
ჰაიტის პრეზიდენტი ჟან-კლოდ დიუვალიე მსოფლიოში ყველაზე ახალგაზრდა პრეზიდენტად ითვლება, მან თანამდებობა 19 წლის ასაკში დაიკავა.
ზღვის მამლებს მკერდის წინა 3 სხივი თითისებრ გამონაზარდებად აქვთ გარდაქმნილი, რომელთა დახმარებითაც ფსკერზე ცოცავენ და საკვებს ეძებენ.
არქივი
მოგვაწოდეთ ფაქტი