უილიამ პიტი (უმცროსი)

უილიამ პიტი უმცროსი (დ. 28 მაისი, 1759 — გ. 23 იანვარი, 1806) — XVIII-XIX საუკუნეების ბრიტანელი პოლიტიკური მოღვაწე, უილიამ პიტი უფროსის შვილი.

უილიამ პიტი უმცროსი William Pitt the Younger
გაერთიანებული სამეფოს მე-16 პრემიერ-მინისტრი
თანამდებობაზე ყოფნის დრო
19 დეკემბერი, 1783 – 14 მარტი, 1801
მონარქი	ჯორჯ III
წინამორბედი	უილიამ კავენდიში-ბენტინკი, პორტლანდის ჰერცოგი
მემკვიდრე	ჰენრი ადინგტონი
გაერთიანებული სამეფოს 18-ე პრემიერ-მინისტრი
თანამდებობაზე ყოფნის დრო
10 მაისი, 1804 – 23 იანვარი, 1806
მონარქი	ჯორჯ III
წინამორბედი	ჰენრი ადინგტონი
მემკვიდრე	უილიამ გრენვილი
დაბადებული	28 მაისი, 1759 ჰეისი, კენტი
გარდაცვლილი	23 იანვარი, 1806 ლონდონი, დიდი ბრიტანეთი
ეროვნება	ბრიტანელი
პოლიტიკური პარტია	ტორი

1783 წელს, 24 წლის ასაკში, გახდა გაერთიანებული სამეფოს ყველაზე ახალგაზრდა პრემიერ-მინისტრი. მან დაკავებული თანამდებობა 1801 წელს დატოვა, თუმცა კვლავ დაიკავა 1804 წელს და შეინარჩუნა 1806 წლამდე, გარდაცვალებამდე. პრემიერ-მინისტრობის პარალელურად მას ეკავა ხაზინის კანცლერის თანამდებობა.

გაატარა მთელი რიგი რეფორმები, მათ შორის ინდოეთის მმართველობის რეფორმა (1784). 1786 წელს საფრანგეთთან დადო სავაჭრო ხელშეკრულება. იყო ერთ-ერთი მთავარი ორგანიზატორი კოალიციისა, რომელიც მიმართული იყო საფრანგეთის რესპუბლიკისა და იმპერიის წინააღმდეგ. უილიამ პიტის თანამდებობაზე ყოფნის პერიოდი დაემთხვა ევროპაში მიმდინარე მნიშვნელოვან მოვლენებს, საფრანგეთის რევოლუციასა და ნაპოლეონის ომებს.

იხილეთ აგრეთვე

• გაერთიანებული სამეფოს პრემიერ-მინისტრების სია

რესურსები ინტერნეტში

• შეგიძლიათ იხილოთ მედიაფაილები თემაზე „უილიამ პიტი უმცროსი“ ვიკისაწყობში.
• უილიამ პიტი უმცროსი დაარქივებული 2008-08-25 საიტზე Wayback Machine. - 10 Downing Street