Is There Anybody Out There? The Wall Live 1980–81

Is There Anybody Out There? The Wall Live 1980–81 — ინგლისური პროგრესული როკ-ჯგუფ პინკ ფლოიდის 2000 წლის ალბომი, ცოცხლად ჩაწერილი 1980–1981 წლებში, ლონდონის საგამოფენო ცენტრ ერლს კორტში.

Is There Anybody Out There? The Wall Live 1980–81
საკონცერტო ალბომი — პინკ ფლოიდი
გამოცემის თარიღი	23 მარტი, 2000 წელი
ჩაიწერა	4–9 აგვისტო 1980 და 13–17 ივნისი 1981, ერლს კორტის საგამოფენო ცენტრი, ლონდონი, ინგლისი, გაერთიანებული სამეფო
ჟანრი	პროგრესული როკი
ხანგრძლივობა	105:16
ლეიბლი	ბრიტანეთი: EMI აშშ: Columbia
პროდიუსერი	ჯეიმზ გათრი
პინკ ფლოიდი — ქრონოლოგია
1967: The First Three Singles (1997) Is There Anybody Out There? The Wall Live 1980–81 (2000) Echoes: The Best of Pink Floyd (2001)

პროფესიონალური რეიტინგები

მიმოხილვების ქულები
წყარო	რეიტინგი
Allmusic
NME	(5/10)
Rolling Stone

კონცერტებზე გამოიყენებოდა გიგანტური კედელი, რომელიც შენდებოდა საკონცერტო პროგრამის პირველი ნახევრის განმავლობაში. თითქმის მთელი მეორე ნახევრის განმავლობაში ჯგუფი არ ჩანდა კედლის მიღმა.

ისტორია

Is There Anybody Out There? შეიცავს საკონცერტო ჩანაწერებს კედლის ტურნედან, დამატებითი სიმღერებით What Shall We Do Now? და The Last Few Bricks. What Shall We Do Now? თავდაპირველად უნდა შეეტანათ ორიგინალურ ალბომში, თუმცა იგი ამოიღეს დისკის გამოსვლამდე და საბოლოოდ, სიმღერა მოხვდა საკონცერტო ვერსიაში. იგი ასევე არის The Last Few Bricks არის ინსტრუმენტული რეპრიზა, რომელიც შეიცავს ალბომის პირველი დისკის რამდენიმე სიმღერის ელემენტს. იგი სრულდებოდა სიმღერამდე Goodbye Cruel World, სხვადასხვა ინტერპრეტაციით, რათა ტექნიკურ პერსონალს საშუალება ჰქონოდა, მოესწრო კედლის აშენება სცენაზე. ალბომზე ასევე ჩაწერილია კომენტატორის, გერი იადმენის გამოსვლა, რომელიც პინკ ფლოიდის 1980-1981 წლების კონცერტებზე კომენტარებს უკეთებდა შოუს, სულ დასაწყისში.

ალბომის გამოსვლას ზოგი ადამიანი კრიტიკით შეხვდა, დაასახელა რა მიზეზად ის, რომ ორიგინალური ალბომი მეტად სტრუქტურულია და მისი ცალკე საკონცერტო ალბომად გამოცემა არ არის კარგი იდეა. სხვები ამტკიცებდნენ, რომ მასში შესანიშნავად არის გადმოცემული ჯგუფის პოტენციალი საკონცერტო შესრულებების დროს.

რამდენიმე სიმღერა დისკზე განსხვავდება ორიგინალისგან ხანგრძლივობითა და დამატებული სოლოებით სხვადასხვა ინსტრუმენტზე. კონცერტის შესავალში ჟღერს ვერა ლინის სიმღერა „We'll Meet Again“, რომელიც ყველა შოუზე ჟღერდა. ამ სიმღერას ეფუძნება „Vera“.

„MC: Atmos“ წარმოადგენს წამყვანის გამოსვლას, რომელიც მაყურებელს აფრთხილებს დარბაზში უსაფრთხოების გარკვეული წესებისა და გადამღები ტექნიკის გამოყენების შესახებ. წამყვანები იცვლებოდა სხვადასხვა ქალაქის მიხედვით. წამყვანის გამოსვლა მეორდება კონცერტის მეორე ნახევარში, „In the Flesh“-ის შესრულების წინ.

2012 წელს Is There Anybody Out There? The Wall Live 1980–81 გამოიცა ალბომის The Wall „Immersion“ ბოქს-სეტის შემადგენლობაში, მცირე რემასტერინგით.

ალბომმა #19 ადგილი დაიკავა ბილბორდის 200 საუკეთესო ალბომის სიაში და პლატინის სტატუსი მოიპოვა შტატებში. იგი ასევე ჯფუფის პირველი და უკანასკნელი გამოცემა, რომელიც არ გამოვიდა გრამფირფიტაზე, თუმცა მისი სარეკლამო ვერსიები, სულ რამდენიმე სიმღერით, მაინც გამოიცა ვინილის ფირფიტის სახით.

გარეკანი

გარეკანზე გამოსახულია ჯგუფის წევრების ნიღბები, რომლებსაც სცენაზე ატარებდა მათი შემცვლელი, სუროგატული ჯგუფი, კომპოზიციის „In the Flesh?“ შესრულებისას.

როგორც წესი, ალბომი ორი სახით ვრცელდებოდა - სტანდარტული CD-ის შეფუთვით და სპეციალური სახით - გრძელი ყუთით და სპეციალური წიგნით, რომელშიც შეტანილია ჯგუფის წევრების მოგონებები და ანოტაციები სხვა მონაწილე პერსონალისგან.

ყველა შემთხვევაში გამოცემის მთავარ სურათს წარმოადგენდა ჯგუფის წევრების სახეების ასლები, ნიღბების სახით, რომლებსაც კონცერტებზე, „In The Flesh?“-ის და „In The Flesh“-ის შესრულებისას ატარებდა „სუროგატული ჯგუფი“, შემდგარი დამხმარე მუსიკოსებისგან. ზევიდან ქვევით (ან მარცხნიდან - მარჯვნივ) წარმოდგენილები არიან როჯერ უოტერსი, დევიდ გილმორი, ნიკ მეისონი, რიჩარდ რაიტი.

თარიღები

• კონცერტებზე, სიმღერის Run Like Hell შესრულებამდე როჯერ უოტერსი კომენტარებს აკეთებდა გასაბერ ღორზე, რომელიც დაფრინავდა დარბაზში. ყველა კონცერტზე ეს კომენტარები განსხვავდებოდა, ამის მიხედვით კი, სპეციალურად შედგენილი საიდენტიფიკაციო სიის დახმარებით, დადგინდა, რომ ალბომზე გამოყენებულია 1981 წლის 15 და 17 ივნისის ჩანაწერები.
• კომენტატორი რამდენიმე კონცერტზე ხუმრობით აცხადებდა, რომ ყველას, ვინც დადგება სკამებზე, უმალ ესვრიან.
• კონცერტზე კლავიშებიანი საკრავები უფრო ხმაურიანად ჟღერდა, თუმცა ალბომზე გიტარის ხმა უფრო მეტად აწეულია.

სიმღერების სია

ყველა ტექსტის ავტორი — როჯერ უოტერსი; მუსიკა — როჯერ უოტერსი, გარდა მითითებულისა.

დისკი 1
#	სახელწოდება	მუსიკა	ვოკალი	ხანგრძლივობა
1.	„MC:Atmos“ (7 აგვისტო, 1980; ჟღერს ნაწყვეტი სიმღერიდან We'll Meet Again)	არ არის	იუდმენი	1:13
2.	„In the Flesh?“ (7 აგვისტო, 1980)		უოტერსი	3:00
3.	„The Thin Ice“ (7 აგვისტო, 1980/13 ივნისი 1981)		გილმორი, უოტერსი	2:49
4.	„Another Brick in the Wall (Part I)“ (7 აგვისტო, 1980)		უოტერსი, გილმორი	4:13
5.	„The Happiest Days of Our Lives“ (7 აგვისტო, 1980)		უოტერსი, გილმორი	1:40
6.	„Another Brick in the Wall (Part II)“ (9 აგვისტო 1980/14 ივნისი 1981)		გილმორი, უოტერსი	6:19
7.	„Mother“ (16 ივნისი 1981)		უოტერსი, გილმორი	7:54
8.	„Goodbye Blue Sky“ (17 ივნისი 1981)		გილმორი	3:15
9.	„Empty Spaces“ (14 ივნისი 1981)		უოტერსი	2:14
10.	„What Shall We Do Now?“ (14 ივნისი 1981)		უოტერსი	1:40
11.	„Young Lust“ (7 აგვისტო, 1980)	უოტერსი, გილმორი	უოტერსი, გილმორი	5:17
12.	„One of My Turns“ (7 აგვისტო, 1980)		უოტერსი	3:41
13.	„Don't Leave Me Now“ (7 აგვისტო, 1980)		უოტერსი	4:08
14.	„Another Brick in the Wall (Part III)“ (7 აგვისტო, 1980)		უოტერსი	1:15
15.	„The Last Few Bricks“ (7 აგვისტო, 1980/9 აგვისტო 1980)	უოტერსი, გილმორი	ინსტრუმენტული	3:26
16.	„Goodbye Cruel World“ (9 აგვისტო 1980)		უოტერსი	1:41
საერთო ხანგრძლივობა:				53:50

დისკი 2
#	სახელწოდება	მუსიკა	ვოკალი	ხანგრძლივობა
1.	„Hey You“ (16 ივნისი 1981)		გილმორი, უოტერსი	4:55
2.	„Is There Anybody Out There?“ (7 აგვისტო, 1980)		უოტერსი, გილმორი	3:09
3.	„Nobody Home“ (8 აგვისტო 1980/15 ივნისი 1981)		უოტერსი	3:15
4.	„Vera“ (13 ივნისი 1981)		უოტერსი	1:27
5.	„Bring the Boys Back Home“ (7 აგვისტო, 1980)		უოტერსი	1:20
6.	„Comfortably Numb“ (9 აგვისტო 1980/15 ივნისი 1981)	გილმორი, უოტერსი	უოტერსი, გილმორი	7:26
7.	„The Show Must Go On“ (16 ივნისი 1981)		გილმორი	2:35
8.	„MC:Atmos“ (16 ივნისი 1981)	არ არის	იუდმენი	0:37
9.	„In the Flesh“ (7 აგვისტო, 1980)		უოტერსი	4:23
10.	„Run Like Hell“ (15 ივნისი 1981/17 ივნისი 1981)	გილმორი, უოტერსი	უოტერსი, გილმორი	7:05
11.	„Waiting for the Worms“ (13 ივნისი 1981)		უოტერსი, გილმორი	4:14
12.	„Stop“ (9 აგვისტო 1980)		უოტერსი	0:30
13.	„The Trial“ (9 აგვისტო 1980)	უოტერსი, ეზრინი	უოტერსი	6:01
14.	„Outside the Wall“ (8 აგვისტო 1980/9 აგვისტო 1980)		უოტერსი	4:27
საერთო ხანგრძლივობა:				51:31

პერსონალი

პინკ ფლოიდი

• დევიდ გილმორი – გიტარა, ვოკალი, მანდოლინა („Outside the Wall“-ში)
• როჯერ უოტერსი – ბას-გიტარა, გიტარა, ვოკალი, კლარნეტი („Outside the Wall“-ში)
• რიჩარდ რაიტი – კლავიშები, აკორდეონი („Outside the Wall“)-ში, ვოკალი
• ნიკ მეისონი – დასარტყმელი საკრავები, პერკუსია, აკუსტიკური გიტარა („Outside the Wall“-ში)

სხვა მუსიკოსები

• ენდი ბაუნი – ბას გიტარა, აკუსტიკური გიტარა („Outside the Wall“-ში)
• ჯონ ჩიმეი – დამატებითი ვოკალი
• სტენ ფარბერი – დამატებითი ვოკალი
• ჯიმ ჰაასი – დამატებითი ვოკალი
• ჯონ ჯოისი – დამატებითი ვოკალი
• ენდი რობერტსი – გიტარა (1981 წლის კონცერტები)
• სნოუი უაიტი – გიტარა (1980 წლის კონცერტები)
• უილი უილსონი – დასარტყმელი საკრავები, პერკუსია
• პიტერ ვუდი – კლავიშები, აკუსტიკური გიტარა („Outside the Wall“-ში)
• გერი იუდმენი – MC

ტექნიკური პერსონალი

• ჯეიმზ გათრი - ხმის ინჟინერი, პროდიუსერი
• დაგ ჰოპკინზი - ხმის ინჟინერი
• ჯოელ პლენტი - ხმის ინჟინერის თანაშემწე
• რუპერტ ტრუმენი, ბრაიან დ. მაკლაფლინი, დევიდ ბრაუნლოუ, ჯილ ფურმანოვსკი, მარკ ფიშერი, მიკ ტრედუელი - ფოტოგრაფია
• კრისტოფერ ბრუკსი, ნაიჯელ ტეილორ - ტექნიკოსები
• ნიკ სეჯუიკი - ანოტაციები
• პიტერ კარზონი, სემ ბრუკსი, სტორმ თორგერსონი - დიზაინი

პრომოდისკი

2000 წელს ალბომის გამოცემასთან დაკავშირებით შეზღუდული რაოდენობით გამოვიდა პრომო დისკი ალბომში შეტანილი სამი სიმღერით:

1. In The Flesh
2. Another Brick In The Wall (Part 2)
3. Goodbye Blue Sky

ჩარტები

ჩარტი (2000)	უმაღლესი პოზიცია
ავსტრიის ალბომები (Ö3 Austria)	3
ბელგიის ალბომები (Ultratop ფლანდრია)	7
ბელგიის ალბომები (Ultratop ვალონია)	5
კანადის ალბომები (ბილბორდი)	4
კანადა - საუკეთესო ალბომები/CD-ები (RPM)	10
ჰოლანდიური ალბომები (ალბომების საუკეთესო ასეული)	4
საფრანგეთის ალბომები (SNEP)	8
გერმანიის ალბომები (Offizielle Top 100)	3
ირლანდიის ალბომები (IRMA)	22
იტალიის ალბომები (FIMI)	2
ახალი ზელანდიის ალბომები (Recorded Music NZ)	4
ნორვეგიის ალბომები (VG-lista)	2
შვედეთის ალბომები (Sverigetopplistan)	50
შვეიცარიის ალბომები (Schweizer Hitparade)	3
ბრიტანეთის ალბომები (OCC)	15
აშშ-ის „ბილბორდ“ 200	19

სერტიფიცირებები

რეგიონი	სერტიფიცირება	გაყიდვები
გაერთიანებული სამეფო (BPI)	ოქრო	100 000^
აშშ (RIAA)	პლატინა	500 000^
*გაყიდვების მონაცემები სერტიფიცირებაზე დაყრდნობით ^გაყიდვების მონაცემები მხოლოდ სერტიფიცირებაზე დაყრდნობით (გაყიდული პარტიები)

რესურსები ინტერნეტში

• უოტერსის გამოთქმები Run Like Hell-ის შესავალში დაარქივებული 2009-08-26 საიტზე Wayback Machine.