აკაკი ვასაძე
აკაკი ალექსის ძე ვასაძე (დ. 6 აგვისტო, 1899, ქუთაისი — გ. 23 მარტი, 1978, თბილისი, საქართველოს სსრ, სსრკ) — ქართველი მსახიობი, რეჟისორი.
| აკაკი ვასაძე | |
|---|---|
| დაბ. სახელი | აკაკი ვასაძე |
| დაბ. თარიღი |
6 აგვისტო, 1899 ქუთაისი |
| გარდ. თარიღი |
23 ივლისი, 1978 (79 წლის) თბილისი, საქართველოს სსრ, სსრკ |
| საქმიანობა | მსახიობი, რეჟისორი |
ბიოგრაფიარედაქტირება
აკაკი ალექსის ძე ვასაძე დაიბადა 1899 წელს ქუთაისში. 1917 წელს დაამთავრა ქუთაისის კლასიკური გიმნაზია. 1920 წელს დაამთავრა ა. ჯაბადარის დრამატული სტუდია თბილისში. 1916 წელს დაიწყო სასცენო მოღვაწეობა ქუთაისის თეატრში; 1920-1958 წლებში მოღვაწეობდა რუსთაველის თეტრში. 1935-1955 წლებში იყო ამავე თეატრის, ხოლო 1958-1968 წლებში იყო ქუთაისის მესხიშვილის თეატრის სამხატვრო ხელმძღვანელი. 1923 წლიდან მოღვაწეობდა კინოში. მის მიერ განსახიერებული როლებიდან აღსანიშნავია: შაჰ-აბასი („გიორგი სააკაძე“), მამასახლისი („მაგდანას ლურჯა“), ფარსმან სპარსი („დიდოსტატის მარჯვენა“), ყანდური („დათა თუთაშხია“). 1926 წლიდან ეწეოდა რეჟისორულ მოღვაწეობას.
დაკრძალულია მწერალთა და საზოგადო მოღვაწეთა დიდუბის პანთეონში.
ფილმოგრაფიარედაქტირება
- 1923: „მამის მკვლელი“ (გირგოლა-იასაული) რეჟ. ამო ბეკ-ნაზაროვი
- 1926: „სამანიშვილის დედინაცვალი“ (პლატონ სამანიშვილი) რეჟისორები კოტე მარჯანიშვილი, ზაქარია ბერიშვილი
- 1928: „ქალი ბაზრობიდან“ (ედვინი — ადამსის შვილი მეორე ცოლისაგან) რეჟ. გიორგი მაკაროვი
- 1943: „გიორგი სააკაძე“ (შაჰ-აბასი) რეჟ. მიხეილ ჭიაურელი
- 1955: „მაგდანას ლურჯა“ (მამასახლისი) რეჟისორები თენგიზ აბულაძე, რევაზ (რეზო) ჩხეიძე
- 1957: „მე ვიტყვი სიმართლეს“ (მელიტონი) რეჟ. ლევან ხოტივარი
- 1958: „მაიაკოვსკი იწყებოდა ასე...“(ალიხანოვ-ავარსკი) რეჟ. კონსტანტინე პიპინაშვილი
- 1958: „ფატიმა“ (ზაურბეკი) რეჟ. სიკო დოლიძე
- 1959: „დღე უკანასკნელი, დღე პირველი“ (პროფესორი) რეჟ. სიკო დოლიძე
- 1960: „ამბავი ერთ ქალიშვილისა“ (მიხა) რეჟ. მიხეილ ჭიაურელი
- 1961: „უდიპლომო სასიძო“ (პარმენი) რეჟ. ლევან ხოტივარი
- 1968: „ტარიელ გოლუა“ (დავითი) რეჟ. ლევან ხოტივარი
- 1970: „დიდოსტატის მარჯვენა“ (ფარსმან სპარსი) რეჟისორები ვახტანგ ტაბლიაშვილი, დევი აბაშიძე
- 1973: „მთვარის მოტაცება“ (ტარიელ შერვაშიძე) რეჟ. თამაზ მელიავა
- 1975: „საქმე გადაეცემა სასამართლოს“ (გორდეზიანი) რეჟ. ვალერიან კვაჭაძე
- 1978: „დათა თუთაშხია“ (მიქაელი) რეჟისორები გრიგოლ (გიგა) ლორთქიფანიძე, გურამ (გიზო) გაბესკირია
ჯილდოები, პრემიები და პრიზებირედაქტირება
- 1974 — შოთა რუსთაველის სახელობის სახელმწიფო პრემია
- 1936 — სსრკ სახალხო არტისტი
- 1936 — წითელი დროშის ორდენი
- 1934 — საქართველოს სახალხო არტისტი
- ლენინის მედალი
- ლენინის ორდენი
ლიტერატურარედაქტირება
- ზ. ბაბუნაშვილი, თ. ნოზაძე, „მამულიშვილთა სავანე“, გვ. 143, თბ., 1994