გიორგი მაკაროვი

გიორგი მაკაროვი (დ. 20 თებერვალი, 1894, თბილისი — გ. 21 ოქტომბერი, 1966, იქვე) — საბჭოთა რეჟისორი, სცენარისტი, პედაგოგი.

გიორგი მაკაროვი
გიორგი მაკაროვი კ/ფ „წითელი ეშმაკუნები“
დაბადების თარიღი	20 თებერვალი, 1894 თბილისი
საქმიანობა	კინორეჟისორი, სცენარისტი

ბიოგრაფია

დაიბადა 1894 წ. 20 თებერვალს თბილისში. სწავლობდა ლაზარევის აღმოსავლური ენების ინსტიტუტში (მოსკოვი). 1913 წლიდან — მსახიობი და რეჟისორის დამხმარე ნ. ლებედევის რუსულ დრამატულ დასში (მოსკოვი). 1915-1916წწ. — მსახიობი ა. ხანჟონკოვის კინოატელიეში.

პირველი მსოფლიო ომის დროს ფრონტზე იყო „წითელი ჯვრის“ საკვები პუნქტების ხელმძღვანელი.

1919 წლიდან ერთ-ერთი მონაწილეა კომისიის, რომელიც ორგანიზებას უწევდა კინოწარმოებას საქართველოში.

1921 წლიდან — საქართველოს განათლების სახელმწიფო კომისარიატის კინოსექციის (შემდგომში „ქართული ფილმი“) რეჟისორი, პედაგოგი. 1928 წლიდან დაიწყო დამოუკიდებელი სარეჟისორო მოღვაწეობა.

გარდაიცვალა 1966 წლის 21 ოქტომბერს თბილისში.

ფილმოგრაფია

დამდგმელი რეჟისორი

• 1928 „ქალი ბაზრობიდან“
• 1929 „ჩქარი №2“
• 1930 „გაყრა“
• 1930 „აფხაზეთი“ (დოკუმენტური)
• 1931 „იყავ მზად“ (მოკლემეტრაჟანი)
• 1934 „ნახვამდის“

სცენარის ავტორი

• 1928 ქალი ბაზრობიდან

განსახიერებული როლები

• 1921 „არსენა ჯორჯიაშვილი“
• 1923 „წითელი ეშმაკუნები“ — ადოლფ პოპელმანი

რესურსები ინტერნეტში

• გიორგი მაკაროვი — კინოფილმების ინტერნეტ-მონაცემთა ბაზა (ინგლისური)
• გიორგი მაკაროვი — ეროვნული ფილმოგრაფია