მაგდანას ლურჯა
„მაგდანას ლურჯა“ — კინოსტუდია „ქართული ფილმის“ 1955 წლის მხატვრული ფილმი. მისი დამდგმელი რეჟისორები არიან თენგიზ აბულაძე და რეზო ჩხეიძე. სცენარის ავტორია კარლო გოგოძე. ფილმის ოპერატორები არიან ლევ სუხოვი, ალექსანდრე დიღმელოვი. მხატვრები – იოსებ სუმბათაშვილი, ფარნაოზ ლაპიაშვილი, გივი გიგაური, კახი ხუციშვილი. ფილმის კომპოზიტორია არჩილ კერესელიძე. მთავარ როლს ასრულებს დუდუხანა წეროძე.
| „მაგდანას ლურჯა“ | |
|---|---|
 | |
| ჟანრი | დრამა |
| დამდგმელი რეჟისორი | თენგიზ აბულაძე რეზო ჩხეიძე |
| სცენარის ავტორი | კარლო გოგოძე |
| ნაწარმოები | მაგდანას ლურჯა |
| ეფუძნება | ეკატერინე გაბაშვილის მოთხრობას |
| კომპოზიტორი | არჩილ კერესელიძე |
| ხმის ოპერატორი | რაფიელ კეზელი |
| ოპერატორი | ლევ სუხოვი, ალექსანდრე დიღმელოვი |
| მონტაჟი | ვასილ დოლენკო |
| მხატვარი | იოსებ სუმბათაშვილი |
| სტუდია | ქართული ფილმი |
| გამოსვლის თარიღი | 1955 |
| ხანგრძლივობა | 63 წთ. |
| ქვეყანა | საქართველოს სსრ |
| ენა | ქართული |
სიუჟეტი
რედაქტირებაქვრივი მაგდანას შვილებმა მიხომ და კატომ შარაზე მომაკვდავი სახედარი იპოვეს, კარგი მოვლით ფეხზე დააყენეს და „ლურჯა“ შეარქვეს. ლურჯამ წვრილშვილიან ქვრივს შრომა შეუმსუბუქა. ამიერიდან მაგდანა მაწვნით სავსე ქილებს ქალაქში ლურჯას დახმარებით ეზიდებოდა. ხანმოკლე გამოდგა ოჯახის სიხარული - ვაჭარმა მიტუამ თავისი მიტოვებული სახედრის უკან დაბრუნება მოინდომა, სასამართლო მოისყიდა და ქვრივის ოჯახს ლურჯა წაართვა.
როლებში
რედაქტირებამთავარი გმირები
რედაქტირება- დუდუხანა წეროძე (მაგდანა)
- ლიანა მოისწრაფიშვილი (სოფო)
- როლანდ (მიხო) ბორაშვილი (მიხო)
- ნანი ჩიქვინიძე (კატო)
- აკაკი კვანტალიანი (მენახშირე მიტუა)
- ალექსანდრე ომიაძე (გიგო პაპა)
- აკაკი ვასაძე (მამასახლისი)
- კარლო საკანდელიძე (ვანო მოჯამაგირე)
- ალექსანდრე თაყაიშვილი (მოსამართლე)
- სტეფანე გრიქუროვი (გაბო)
- დოდო აბაშიძე
- ცაცა (ეკატერინე) ამირეჯიბი (კეკე)
- ალექსანდრე ალაზნისპირელი
- მარიამ გარიყული
- შალვა გედევანიშვილი
- ნუნუ მაჭავარიანი (თებრო)
- ვასილ კახნიაშვილი
- შოთა ნოზაძე
- მავრ პიასეცკი
- ირაკლი ქოქრაშვილი (გლეხი)
- ნინო ჩხეიძე
- შალვა ხერხეულიძე (მღვდელი ტრიფონი)
- ბუხუტი ზაქარიაძე
- მერი კანდელაკი
- ვლადიმერ (ლადო) გვიშიანი
- მერაბ გეგეჭკორი (კინტო)
ჯილდოები
რედაქტირება- პრიზი საუკეთესო მოკლემეტრაჟიანი მხატვრული ფილმისთვის. კანის საერთაშორისო კინოფესტივალი, საფრანგეთი (1956).