ქვემო ნაგვაზავო
ქვემო ნაგვაზავო, ქვედა ნაგვაზაო (მეგრ. თუდოლენ ნაგვაზუ) — სოფელი საქართველოში, მარტვილის მუნიციპალიტეტში, ნაგვაზავოს თემი (სოფლები: ზემო ნაგვაზავო, ქვემო ნაგვაზავო, ლეკვანტალიე). სოფელში არის საჯარო სკოლა. აქ დაიბადა პოეტი ნოშრევან ჯიშკარიანი.
| სოფელი | |
|---|---|
|
ქვემო ნაგვაზავო მეგრ. თუდოლენ ნაგვაზუ | |
 ქვემო ნაგვაზავო გიორგი ათათიას ფოტო | |
| ქვეყანა |
 საქართველო |
| მხარე | სამეგრელო-ზემო სვანეთის მხარე |
| მუნიციპალიტეტი | მარტვილის მუნიციპალიტეტი |
| თემი | ნაგვაზავო |
| კოორდინატები | 42°22′26″ ჩ. გ. 42°20′43″ ა. გ. / 42.37389° ჩ. გ. 42.34528° ა. გ. |
| ადრეული სახელები | ნაგვაზავო |
| ცენტრის სიმაღლე | 140 მ |
| კლიმატის ტიპი | ნოტიო სუბტროპიკული |
| ოფიციალური ენა | ქართული ენა |
| მოსახლეობა | 734[1] კაცი (2014) |
| ეროვნული შემადგენლობა | ქართველები 100 % |
| სასაათო სარტყელი | UTC+4 |
| სატელეფონო კოდი | +995 |
.svg)   | |
გეოგრაფია
რედაქტირებამდებარეობს ოდიშის ვაკეზე, მდინარე აბაშის მარცხენა სანაპიროზე, ზღვის დონიდან 140 მეტრზე, კლიმატი — ნოტიო სუბტროპიკული. მარტვილიდან 5 კილომეტრი, მანძილი თბილისამდე 279 კმ, მანძილი ზუგდიდამდე 80 კმ, უახლოესი პორტი ქალაქი ფოთი — 70 კმ, უახლოესი რკინიგზის სადგური — ქ. აბაშა (29 კილომეტრი), უახლოესი აეროპორტი — ქუთაისის საერთაშორისო აეროპორტი - 40 კმ.
ტოპონიმები
რედაქტირება- ლეჯღარკე — უბანი სოფლის ცენტრში.
- ლეცერცვე — უბანი სოფლის ჩრდილოეთით.
- ლეგვაზე — უბანი სოფლის აღმოსავლეთით.
- კაჟონა — უბანი სოფლის სამხრეთ-აღმოსავლეთით.
- ჭალე — ახო (საყანური გაკაფული) სოფლის დასავლეთით.
დემოგრაფია
რედაქტირება2014 წლის აღწერის მონაცემებით სოფელში ცხოვრობს 734 ადამიანი.
| აღწერის წელი | მოსახლეობა | კაცი | ქალი |
|---|---|---|---|
| 2002[2] | 1024 | 488 | 536 |
| 2014[1] |  734 |
357 | 377 |
მოსახლე გვარები
რედაქტირებასოფელში დღესდღეობით ცხოვრობენ შემდეგი გვარის წარმომადგენლები: ჯღარკავები, გვაზავები, ცერცვაძეები, სილაგავები, თოშხუები, ფუტკარაძეები, მანტუები, ძიძიგურები და სხვ.[3]
ეკონომიკა
რედაქტირებასაბჭოთა პერიოდში განვითარებული იყო მესიმინდეობა და მეჩაიეობა. ამჟამად სოფლის მეურნეობის ძირითადი დარგებია მემარცვლეობა და მეცხოველეობა, მემცენარეობიდან მნიშვნელოვანი ადგილი უჭირავს მარცვლეულ კულტურებს, კერძოდ: სიმინდს, სოიოსა და ლობიოს. მრავალწლიანი ნარგავებიდან — თხილსა და სუბტროპიკულ ხურმას.
გალერეა
რედაქტირება-
ქვემო ნაგვაზავოს საჯარო სკოლა
გიორგი ათათიას ფოტო -
ქვემო ნაგვაზავოში მდებარე ნაჯიხუს სამონასტრო კომპლექსი
გიორგი ათათიას ფოტო -
ქვემო ნაგვაზავოს საჯარო სკოლა
გიორგი ათათიას ფოტო -
დასასვენებელი ობიექტი
გიორგი ათათიას ფოტო -
ქვემო ნაგვაზავოზე გამავალი საქალაქთაშორისო გზა
გიორგი ათათიას ფოტო
ლიტერატურა
რედაქტირება- ქართული საბჭოთა ენციკლოპედია, ტ. 10, თბ., 1986. — გვ. 514-515.
სქოლიო
რედაქტირება- ↑ 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.
- ↑ საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II
- ↑ ი. კეკელია, ა. სურმავა, გვარებისა და გვარსახელების ეთნოისტორიული შესწავლისათვის (სამეგრელოს ეთნოგრაფიული მასალების მიხედვით), კულტურათაშორისი კომუნიკაციები 2007 №2