მთავარი მენიუს გახსნა

ქუთაისის საერთაშორისო აეროპორტი

ქუთაისის საერთაშორისო აეროპორტი (IATA: KUTICAO: UGKO) ასევე ცნობილია, როგორც დავით აღმაშენებლის სახელობის საერთაშორისო აეროპორტი[4] ან კოპიტნარი — აეროპორტი ქალაქ ქუთაისიდან 14 კილომეტრით დასავლეთით. ის ერთ-ერთია საქართველოს სამ საერთაშორისო აეროპორტს შორის, თბილისის საერთაშორისო აეროპორტისა და ბათუმის საერთაშორისო აეროპორტთან ერთად. ასაფრენი ბილიკის სიგრძე 2 600 მეტრს შეადგენს და სრულიად აკმაყოფილებს თანამედროვე სტანდარტებს[4].

ქუთაისის საერთაშორისო აეროპორტი
Kutaisi International Airport logo.svg
IATA-ს კოდი: KUTICAO-ს კოდი: UGKO
KUT — საქართველო
KUT
KUT
აეროპორტის მდებარეობა საქართველოში
ინფორმაცია
ტიპი სამოქალაქო
მფლობელი საქართველო
ოპერატორი საქართველოს აეროპორტების გაერთიანება
ემსახურება ქუთაისი
სიმაღლე ზდ 68 მ.
კოორდინატები 42°10′35″ ჩ. გ. 042°28′57″ ა. გ. / 42.17639° ჩ. გ. 42.48250° ა. გ. / 42.17639; 42.48250 (ქუთაისის საერთაშორისო აეროპორტი)
ვებ-გვერდი kutaisi.aero
ასაფრენ-დასაჯდომი ბილიკი (ადბ)
ნომერი ზომები საფარი
07/25 2,500 ასფალტ-ბეტონი[1]
წყარო: DAFIF[2][3]

განახლებარედაქტირება

სარეკონსტრუქციო სამუშაოების გამო აეროპორტი 2011 წლის ნოემბერში იქნა დახურული. მისი ხელახლა გახსნა კი 2012 წლის 27 სექტემბერს მოხდა. ამ ცერემონიას ესწრებოდნენ საქართველოს პრეზიდენტი მიხეილ სააკაშვილი, უნგრეთის პრემიერ-მინისტრი ვიქტორ ორბანი[5] და Wizz Air-ის მთავარი აღმასრულებელი დირექტორი ჯოზეფ ვარადი[6]. ქუთაისის აეროპორტმა პირველი რეისი მის ოფიციალურ გახსნამდე 1 თვით ადრე 2012 წლის 28 აგვისტოს მიიღო, რომელსაც სატვირთო Boeing 747 ასრულებდა. ბიუჯეტურმა ავიაკომპანია Wizz Air-მა ავიარეისების შესრულება სექტემბრიდანვე დაიწყო კიევისა და ქუთაისის აეროპორტებს შორის[7]. ქუთაისის აეროპორტის პრიორიტეტია მიიზიდოს დაბალფასიანი ავიაკომპანიები და შექმნას განსაკუთრებული გარემო ავიაკომპანიებსა და აეროპორტებს შორის. აეროპორტი აღჭურვილი იქნება უმაღლესი ხარისხის სანავიგაციო და მეტეოროლოგიური სისტემებით[4].

მიზანირედაქტირება

ქუთაისის საერთაშორისო აეროპორტის მიზანი დაბალბიუჯეტიანი ავიაკომპანიების მოზიდვა და კონკურენტული გარემოს შექმნაა. ბილეთის ხელმისაწვდომი ფასი საქართველოს ტურისტულად აქტიურ ზონას ხდის და საშუალებას აძლევს ადგილობრივ მგზავრებს სხვადასხვა მიმართულებით დაბალ ფასად იმოგზაურონ.

შესაძლებლობებირედაქტირება

აეროპორტის ასაფრენი ბილიკის სიგრძე 2 600 მეტრს შეადგენს და სრულიად აკმაყოფილებს თანამედროვე სტანდარტებს. გარდა ამისა, აეროპორტი აღჭურვილია უმაღლესი ხარისხის სანავიგაციო და მეტეოროლოგიური სისტემებით.

აეროპორტს ადგილმდებარეობით რეგიონში საკვანძო მნიშვნელობა აქვს. თბილისიდან ორას კილომეტრში მდებარე ქუთაისის საერთაშორისო აეროპორტი, 300 კმ რადიუსით უკავშირდება თურქეთს, სომხეთს, აზერბაიჯანსა და რუსეთს. ხელსაყრელი კლიმატური პირობების და ინფრასტრუქტურის გამო, ქუთაისის საერთაშორისო აეროპორტი სათადარიგო მნიშვნელობისაა. აქ ნებისმიერი ამინდის და ხილვადობის პირობებში შესაძლებელია რეისის მართვა. აეროპორტის შესაძლებლობებში ერთდროულად 600 მგზავრის მომსახურება შედის. მას შეუძლია ერთდროულად მიიღოს ორი და გაამგზავროს სამი რეისი.

ავიაკომპანიები და დანიშნულებებირედაქტირება

სტატისტიკარედაქტირება

მგზავრთა ნაკადის საგრძნობი მატება 2012 წელს, აეროპორტის ხელახლა გახსნიდან მალევე აღინიშნა, ძირითადად ეს განაპირობა Wizz Air-ის ფრენებმა ქუთაისიდან პოლონეთის და უკრაინის აეროპორტების მიმართულებით.

ქუთაისის საერთაშორისო აეროპორტის მგზავრთა წლიური გადაზიდვის სტატისტიკა[13][14]
წელი მგზავრები სხვაობა წინა წელთან
2010
7,446
 
2011
4,527
  40.3%
2012
12,932
  185.7%
2013
187,939
  1353.3%
2014
218,003
  16.0%
2015
182,954
  16.8%
2016
271,363
  48.3%
2017
405,173
  49.3%

ფაქტირედაქტირება

  • ქუთაისის საერთაშორისო აეროპორტის სამეთვალყურეო კოშკი, სიმაღლით მეხუთე ყველაზე მაღალი აეროპორტის სამეთვალყურეო კოშკია მსოფლიოში[15].

რესურსები ინტერნეტშირედაქტირება

სქოლიორედაქტირება

  1. საქართველის სამოქალაქო ავიაციის სააგენტო
  2. Airport information for UGKO from DAFIF (effective October 2006)
  3. აეროპორტ KUT-ის ინფორმაცია „Great Circle Mapper“-ზე. Source: DAFIF (effective Oct. 2006).
  4. 4.0 4.1 4.2 The President of Georgia opened the runway at the David the Builder Kutaisi International Airport. Releases. The Administration of the President of Georgia. წაკითხვის თარიღი: 30 August 2012.
  5. N., Kirtskhalia. “Georgia's president, Hungarian PM to open new airport in Kutaisi“, 27 September 2012. წაკითხვის თარიღი: 27 September 2012. 
  6. Wizz Air запустил авиарейсы из Киева в Кутаиси“, 27 September 2012. წაკითხვის თარიღი: 27 September 2012. 
  7. Wizz Air запустил авиарейсы из Киева в Кутаиси.
  8. flydubai adds new destinations in S18“, Routesonline, 4 December 2017. წაკითხვის თარიღი: 4 December 2017. 
  9. http://vanillasky.ge/index.php?action=gverdi&gverdi_id=237&Lang=
  10. 10.0 10.1 10.2 10.3 Rome, Paris, Barcelona, Prague: Wizz Air launches new direct flights from Kutaisi“, agenda.ge, 6 October 2017. წაკითხვის თარიღი: 6 October 2017. 
  11. Timetable. Wizz Air Hungary Ltd..
  12. OF THE INFORMATION AGENCY BASHINFORM
  13. Georgian Civil Aviation Agency - Number of Passengers Served, United Airports of Georgia - Passenger statistics
  14. United Airports of Georgia - Passenger statistics
  15. Statika.hu