ზაზა ლებანიძე

ზაირა (ზაზა) ლებანიძე (დ. 30 ნოემბერი, 1935, სოფ. ბუკნარი, დღევანდელი ჩოხატაურის მუნიციპალიტეტი — გ. 1 დეკემბერი, 2019, თბილისი) — ქართველი მსახიობი.

ზაზა ლებანიძე
დაბადების სახელი	ზაირა ლებანიძე
დაბადების თარიღი	30 ნოემბერი, 1935 ბუკნარი
გარდაცვალების თარიღი	1 დეკემბერი, 2019 (84 წლის) თბილისი, საქართველო
საქმიანობა	მსახიობი

1958 წელს დაამთავრა შოთა რუსთაველის სახელობის საქართველოს სახელმწიფო თეატრალური ინსტიტუტი და სხვადასხვა წლებში მუშაობდა: სოხუმის ქართულ დასში (1958–1960), მარჯანიშვილის (1960–1967), რუსთავის (1967–1975) თეატრებში. 1975 წლიდან სიკვდილის ბოლომდე იყო რუსთაველის თეატრის მსახიობი. აღსანიშნავი როლებია: ელენე ( ალექსანდრე ჩხაიძის „თავისუფალი თემა“), ბებია (ნოდარ დუმბაძის „მე, ბებია, ილიკო და ილარიონი“), დედა (თამაზ ჭილაძის „როლი დამწყები მსახიობი გოგონასათვის“), გიორგის ქალიშვილი (რობერტ სტურუას, ლილი ფოფხაძის, ავთანდილ ვარსიმაშვილის „ვარიაციები თანამედროვე თემაზე“), თამრო („აღდგომა გაუქმებულ სასაფლაოზე“), მეცხრე (ანტონ ჩეხოვის „პალატა #6“).

ფილმოგრაფია

• 1961: „განძი“ რეჟ. რევაზ (რეზო) ჩხეიძე
• 1973: „გაგიმარჯოს, მეზობელო! (ზღვარი)“ რეჟ. თამაზ გომელაური
• 1975: „ერთი ნახვით შეყვარება“ რეჟ. რეზო ესაძე
• 1977: „რაჭა ჩემო სიყვარულო“ რეჟისორები თემურ ფალავანდიშვილი, იოზეფ მედვედი
• 1978: „იტალიამდე არც ისე შორსაა“ (კატო) რეჟ. არმაზ ბურნაძე
• 1981: „წისქვილი ქალაქის გარეუბაში“ რეჟ. რეზო ესაძე

ნათამაშები როლები

სოხუმის თეატრი

• ალექსანდრე ყაზბეგის „მოძღვარი“ (მაყვალა)
• მაქსიმ გორკის „მზის შვილები“ (ლიზა)
• ნიკოლოზ გოგოლის „რევიზორი“ (მარია ანტონოვნა)

მარჯანიშვილის თეატრში

• კარლ გუცკოვის „ურიელ აკოსტა“ (სპინოზა)
• ნიკოლას პერიალისის „ბაფთიანი გოგონა“ (ჰარა)
• გიორგი მდივნის „კონსული მოიპარეს“ (ლოლა)

რუსთავის თეატრი

• ალექსანდრე ჩხაიძის „ხიდი“ (ნატო ჩოდრიშვილი)
• ვადიმ კოროსტილიოვის „ასი წლის შემდეგ“ (დედაბერი)
• დეილ ვასერმანის, ჯო დერიონის „ლამანჩელი“ (ალდონსა-დულცინეა)
• მაქსიმ გორკის „ფსკერზე“ (ნასტია)
• ნოდარ დუმბაძის „საბრალდებო დასკვნა“ (ნუნუ ექიმი)
• ო. ასენას „შიში“ (ქალი)
• ვლადიმერ მაიაკოვსკის „აბანო“ (ფოსფორიული ქალი)

რუსთაველის თეატრი

• ალექსანდრე ჩხაიძის „თავისუფალი თემა“ (ელენე)
• ნოდარ დუმბაძის „მე, ბებია, ილიკო და ილარიონი“ (ბებია)
• ალექსანდრე ტოლსტოის „მეუფება წყვდიადისა“ (მატრიონა)
• თამაზ ჭილაძის „როლი დამწყები მსახიობი გოგონასათვის“ (ნატო და ანოს დედა)
• რობერტ სტურუას, ლილი ფოფხაძის, ავთანდილ ვარსიმაშვილის „ვარიაციები თანამედროვე თემაზე“ (გიორგის ქალიშვილი)
• ლეონიდ ზორინის „რომაული კომედია“ (მესალინა)
• ნოდარ წულეისკირის „ძველი სამრეკლო“ (ნათელა)
• ირაკლი სამსონაძის „აღდგომა გაუქმებულ სასაფლაოზე“ (თამრო)
• ანტონ ჩეხოვის „პალატა #6“ (მეცხრე)

ჯილდოები, პრემიები და პრიზები

• 1976: საქართველოს სსრ-ის დამსახურებული არტისტი
• 2015: საქართველოს თეატრალური საზოგადოების პრემია, ქალის როლის საუკეთესო შესრულებისათვის (სპექტაკლი „ასულნი“ , რეჟ. რობერტ სტურუა)

რესურსები ინტერნეტში

• ზაზა ლებანიძე — საქართველოს ბიოგრაფიული ლექსიკონი