შლისელბურგი

შლისელბურგი (რუს. Шлиссельбург, გერმ. Schlüsselburg — ქალაქი-გასაღები) — ქალაქი რუსეთში, ლენინგრადის ოლქში, კიროვსკის რაიონში. შლისელბურგის დასახლების ადმინისტრაციული ცენტრი და ერთადერთი დასახლებული პუნქტი. ქალაქი მდებარეობს კიროვსკის რაიონის ცენტრალურ ნაწილში, მდინარე ნევისა და ლადოგის ტბის ნაპირას. სანქტ-პეტერბურგის აღმოსავლეთით 24 კმ-ში და კიროვსკის ჩრდილოეთით 5 კმ-ში.

ქალაქი
შლისელბურგი Шлиссельбург
დროშა გერბი
ქვეყანა	რუსეთი
კოორდინატები	59°57′00″ ჩ. გ. 31°02′00″ ა. გ.
მმართველი	ნიკოლაი ხომენკო
დაარსდა	1323
ადრეული სახელები	1611-წლამდე — ორეშეკი, 1712-წლამდე — ნოტებურგი, 1944-წლამდე — შლისელბურგი, 1992-წლამდე — პეტროკრეპოსტი
ამჟამინდელი სტატუსი	1780
ფართობი	16 კმ²
ცენტრის სიმაღლე	15 მ
მოსახლეობა	13 170 კაცი
სასაათო სარტყელი	UTC+4
სატელეფონო კოდი	+7 81362
საფოსტო ინდექსი	187320
საავტომობილო კოდი	47
ოფიციალური საიტი	moshlisselburg.ru
შლისელბურგი ვიკისაწყობში

მსოფლიო მემკვიდრეობა UNESCO, ობიექტი № 540 ინგლ. • რუს. • ფრ.

ქალაქში მდებარეობს ორეშეკის ციხესიმაგრე, რომელიც სანქტ-პეტერბურგის ისტორიის მუზეუმის ფილიალია.

ქალაქი 1323 წელს დააარსა ნოვგოროდელმა თავადმა იური დანილოვიჩმა. ქალაქი თავიდან მდებარეობდა კაკლის კუნძულზე ხის ციხესიმაგრის სახით. სწორედ აქედან წარმოიშვა ციხესიმაგრის სახელიც „ორეშეკი“. 1353 წელს ნოვგოროდელებმა ააგეს ქვის ციხესიმაგრე, რომელიც ბევრად მტკიცე იყო, მას ასევე ჰქონდა დიდი გალავანი და კოშკები. ქალაქის ციხე-კოშკები და ისტორიული ცენტრი შეტანილია იუნესკოს მსოფლიო მემკვიდრეობის ძეგლების სიაში.

იხილეთ აგრეთვე

• იუნესკოს მსოფლიო მემკვიდრეობის ძეგლები რუსეთში

რესურსები ინტერნეტში

• შლისელბურგის ადმინისტრაციის ოფიციალური საიტი დაარქივებული 2018-02-25 საიტზე Wayback Machine.
• შლისელბურგის ისტორიის მუზეუმი დაარქივებული 2009-06-06 საიტზე Wayback Machine.