შალვა გოგოლაშვილი
შალვა სიმონის ძე გოგოლაშვილი (ხონელი) (დ. 13 იანვარი [ძვ. სტ. 1 იანვარი], 1887, ქუთაისი — გ. 1 ნოემბერი, 1972, იქვე) — ქართველი მსახიობი, საქართველოს სსრ-ის სახალხო არტისტი (1961).
შალვა ხონელი | |
---|---|
დაბადების სახელი | შალვა გოგოლაშვილი |
დაბადების თარიღი |
13 იანვარი, 1887 ქუთაისი |
გარდაცვალების თარიღი |
1 ნოემბერი, 1972 (85 წლის) ქუთაისი |
ეროვნება | ქართველი |
საქმიანობა | მსახიობი |
ბიოგრაფია რედაქტირება
დაამთავრა თბილისის სათავადაზნაურო გიმნაზია (1904). სასცენო მოღვაწეობა დაიწყო 1905 წელს ხონში. შემდეგ მსახიობად და რეჟისორად მუშაობდა თბილისის (1910–12), ქუთაისის (1912–1917), ბაქოს ქართულ (1917–1920), ბათუმის (1920–1923), ფოთის (1923–1926), ჭიათურის (1926–1928) თეატრებში. 1928 წლიდან გარდაცვალებამდე ქუთაისის თეატრის წამყვანი მსახიობი იყო. შესრულებული აქვს 200-მდე როლი, მათ შორის: პარასკიდი და კოწია (შალვა დადიანის „კაკალ გულში“ და „გუშინდელნი“), ლომკაცა (პოლიკარპე კაკაბაძის „კოლმეურნის ქორწინება“), კოსტაია (ავქსენტი ცაგარლის „რაც გინახავს, ვეღარ ნახავ“), ელიზბარი (გიორგი შატბერაშვილის „ფიქრის გორა“), პასტორი (ფრიდრიხ შილერის „ყაჩაღები“), ბენ აკიბა (კარლ გუცკოვის „ურიელ აკოსტა“), ხლესტაკოვი (ნიკოლაი გოგოლის „რევიზორი“) და სხვ.
1926 წლიდან იღებდნენ კინოში. აღსანიშნავია როლები: მიკიტანი („სამანიშვილის დედინაცვალი“, 1927), ფრანგი ოფიცერი („კომუნარის ჩიბუხი“, 1929), მამულოვი („საკანი №79“, 1930), მამასახლისი („უკანასკნელი მასკარადი“, 1934), პრისტავი („დაკარგული სამოთხე“, 1937), ნესტორი („კოლხეთის ჩირაღდნები“, 1941). გოგოლაშვილმა ქართული თეატრისათვის თარგმნა და გადმოაკეთა 80-ზე მეტი პიესა.
ფილმოგრაფია რედაქტირება
- 1926: „სამანიშვილის დედინაცვალი“ (მიკიტანი) რეჟისორები კოტე მარჯანიშვილი, ზაქარია ბერიშვილი
- 1929: „კომუნარის ჩიბუხი“ (ფრანგი ოფიცერი) რეჟ. კოტე მარჯანიშვილი
- 1929: „საკანი N79“ (მამულოვი-ფაბრიკანტი) რეჟ. ზაქარია ბერიშვილი
- 1933: „უკანასკნელი ჯვაროსნები“ (მამასახლისი) რეჟ. სიკო დოლიძე
- 1937: „დაკარგული სამოთხე“ (ბოქაული) რეჟ. დავით რონდელი
- 1940: „კოლხეთის ჩირაღდნები“ (ნესტორი — კოლმეურნეობის თავმჯდომარე) რეჟ. დავით რონდელი
- 1957: „საბუდარელი ჭაბუკი“ (ალმასხანის მეზობელი) რეჟ. შოთა მანაგაძე
- 1958: „მაიაკოვსკი იწყებოდა ასე...“ რეჟ. კონსტანტინე პიპინაშვილი
ნათამაშები როლები რედაქტირება
მესხიშვილის თეატრი რედაქტირება
ჭიათურის თეატრი რედაქტირება
ლიტერატურა რედაქტირება
- გვენცაძე ა., ენციკლოპედია „საქართველო“, ტ. 2, თბ., 2012. — გვ. 68.