ჟანრი ლოლაშვილი

ჟანრი ლოლაშვილი (დ. 22 აპრილი, 1942, თბილისი, საქართველოს სსრ) — ქართველი მსახიობი.

ჟანრი ლოლაშვილი
დაბადების თარიღი	22 აპრილი, 1942 (1942-04-22) თბილისი, საქართველოს სსრ
საქმიანობა	მსახიობი,მხატვარი
აქტიური	1966-დან

1963 წელს დაამთავრა მოსკოვის კინემატოგრაფისტთა უმაღლესი კურსები. 1958–1961 წლებში იყო კინოსტუდია „ქართული ფილმის“ მხატვარი-მულტიპლიკატორი; 1961–1963 წლებში კინემატოგრაფიის ინსტიტუტის მხატვარი, ხოლო 1963–1964 ზუგდიდის სახელმწიფო თეატრის მსახიობი; 1965 წლიდან რუსთაველის თეატრის მსახიობია. აღსანიშნავი როლებია: გრენგოლი ( „გუშინდელნი“ ), მწერალი („ყვარყვარე“), მერკუციო („რომეო და ჯულიეტა“), მთხრობელი („კავკასიური ცარცის წრე“), ავშაროვი („ქალის ტვირთი“), მასხარა („ლირი“), ლუარსაბი („კაცია-ადამიანი?!“). ჟანრი ლოლაშვილს ასევე შესრულებული აქვს კინოფილმებში შემდეგი როლები: თავადი („ნუცა“), ედისონი („მოხეტიალე რაინდები“), მხატვარი („მწვანე მდელო“), იონა („გზა შინისკანენ“), ნაპოლეონი („ბაგრატიონი“), ფოტორეპორტიორი („რამდენიმე ინტერვიუი პირად საკითხებზე“), ხოსე („ფაქიზად საყვარელი დეტექტივი“), მმართველი („გაქცევა ქვეყნის დასალიერში“), მამა („მიახლოვება“), ხოსე-გარსია („დონ-კიხოტი“), ხიუზი („ჩემი ინგლისელი პაპა“), ძმა („ვინ ამიყვანს იალბუზზე“), ილია ილიას ძე („სტალინის მოგზაურობა აფრიკაში“), ყადი („სიბრძნე-სიცრუისა“), მამა („საფეხურები“), ქურდი („საბედისწერო გასროლა“), და სხვა.

ფილმოგრაფია

• 1971: „ნუცა“ რეჟ. ალექსანდრე (საშა) რეხვიაშვილი
• 1975: „ერთი ნახვით შეყვარება“ რეჟ. რეზო ესაძე
• 1975: „მოხეტიალე რაინდები“ (ედისონა) რეჟ. თემურ ფალავანდიშვილი
• 1976: „ქალაქი ანარა“ რეჟ. ირაკლი კვირიკაძე
• 1978: „რამდენიმე ინტერვიუ პირად საკითხებზე“ (ირაკლი) რეჟ. ლანა ღოღობერიძე
• 1981: „მომეხმარეთ იალბუზზე ასვლაში“ რეჟ. ნანა ჯორჯაძე
• 1981: „გზა შინისაკენ“ რეჟ. ალექსანდრე (საშა) რეხვიაშვილი
• 1983: „გმადლობთ რატილი“ (თუმანოვი) რეჟ. გიორგი კალატოზიშვილი
• 1984: „ქართველები ცაში“ (მგზავრი) რეჟ. ომარ გვასალია
• 1985: „ბაგრატიონი“ რეჟისორები ყარამან (გუგული) მგელაძე, გიული ჭოხონელიძე
• 1986: „საფეხური“ რეჟ. ალექსანდრე (საშა) რეხვიაშვილი
• 1986: „რობინზონიადა ანუ ჩემი ინგლისელი პაპა“ (ქრისტოფერ ჰიუსტი) რეჟ. ნანა ჯორჯაძე
• 1988: „ჭა“ (ხრინგაძე) რეჟ. პავლე ჩარკვიანი
• 1989: „ცხოვრება დონ კიხოტისა და სანჩოსი“ (გარსია პედრო, სულით ავადმყოფი) რეჟ. რევაზ (რეზო) ჩხეიძე
• 1989: „მიახლოება“ რეჟ. ალექსანდრე (საშა) რეხვიაშვილი
• 1990: „საბედისწერო გასროლა“ (გაიოზი) რეჟ. ოთარ კობერიძე
• 1990: „ამხანაგ სტალინის მოგზაურობა აფრიკაში“ (ილია ილიჩი) რეჟ. ირაკლი კვირიკაძე
• 1991: „სიბრძნე სიცრუისა“ (ყადი) რეჟ. ნანა ხატისკაცი
• 1994: „ნათლისღება“ რეჟ. ნოდარ მანაგაძე
• 1994: „ერთაწმინდა“ რეჟ. ზურაბ თუთბერიძე
• 2008: „სამი სახლი“ (ფსიქიატრი, ჯემალი) რეჟ. ზაზა ურუშაძე
• 2011: „დარჩი ჩემთან“ რეჟ. ზაზა ურუშაძე

ტელესერიალები

• 2003–2009: „ცხელი ძაღლი“

სატელევიზიო სპექტაკლები

• 1975: „კაცი, რომელსაც ლიტერატურა ძლიერ უყვარდა“ რეჟ. ზურაბ კანდელაკი

ნათამაშები როლები

რუსთაველის თეატრი

• სულხან-საბა ორბელიანი „სიბრძნე სიცრუისა“ (მგელი, ბიჭი)
• ავქსენტი ცაგარელი „ხანუმა“ (ტიმოთე)
• შალვა დადიანი „გუშინდელნი“ (გრენგოლი)
• არჩილ სულაკაური „სალამურა“ (მეორე ვეზირი)
• პოლიკარპე კაკაბაძე „ყვარყვარე“ (მწერალი)
• უილიამ შექსპირი „რომეო და ჯულიეტა“ (მერკუციო)
• ალექსანდრე ტოლსტოი „ივანე მრისხანეს სიკვდილი“ (თედორე)
• ბერტოლდ ბრეხტი „კავკასიური ცარცის წრე“ (მთხრობელი)
• ნოდარ წულეისკირი „თუთარჩელა“ (გიორგი)
• მიხეილ ჯავახიშვილი „ქალის ტვირთი“ (ავშაროვი)
• იაკობ ცურტაველი „შუშანიკის მარტვილობა“ (ვარსქენი)
• ალექსანდრე გელმანი „დასაწყისი“ (ბრიგადირი)
• მიხეილ შატროვი „ლურჯი ცხენები წითელ ბალახზე“ (ლენინი, ექიმი ობუხი, ტიხონოვ-ლუგოვოი)
• რობერტ სტურუა, ავთანდილ ვარსიმაშვილი, ლილი ფოფხაძე „ვარიაციები თანამედროვე თემაზე“ (გოგი, ბანდიტი, დავითი)
• ლაშა თაბუკაშვილი „ათვინიერებენ მიმინოს“ (იონა)
• უილიამ შექსპირი „მეფე ლირი“ (მასხარა)
• ილია ჭავჭავაძე „კაცია-ადამიანი?!“ (ლუარსაბი)

ჯილდოები, პრემიები და პრიზები

• 1976 — საქართველოს სსრ-ის დამსახურებული არტისტი
• 1979 — სსრკ-ის სახელმწიფო პრემია
• 1981 — საქართველოს სსრ-ის სახალხო არტისტი
• 2000 — პრიზი მამაკაცის როლის საუკეთესო შესრულებისათვის („კაცია-ადამიანი?!“ , რუსთავის საერთაშორისო თეატრალური ფესტივალი „ოქროს ნიღაბი“)
• 2023 — თბილისის საპატიო მოქალაქე

რესურსები ინტერნეტში

• ჟანრი ლოლაშვილი კინოფილმების ინტერნეტ-მონაცემთა ბაზაში
• ჟანრი ლოლაშვილი [დაარქივებული] — ეროვნული ფილმოგრაფია
• ჟანრი ლოლაშვილი — საქართველოს ბიოგრაფიული ლექსიკონი