ალექსანდრე რეხვიაშვილი

ალექსანდრე (საშა) რეხვიაშვილი (დ. 17 იანვარი, 1938, მოსკოვი — გ. 10 დეკემბერი 2020, თბილისი) — ქართველი კინორეჟისორი.

ალექსანდრე რეხვიაშვილი
დაბადების თარიღი	17 იანვარი, 1938 მოსკოვი, რსფსრ, სსრკ
გარდაცვალების თარიღი	10 დეკემბერი, 2020 (82 წლის) თბილისი, საქართველო
ეროვნება	ქართველი
მოქალაქეობა	სსრკ →  საქართველო
ალმა-მატერი	საკავშირო კინემატოგრაფიის ინსტიტუტი
საქმიანობა	კინორეჟისორი
აქტიური	1971–2020

ბიოგრაფია

1955 წელს დაამთავრა მოსკოვის 167-ე საშუალო სკოლა. 1962 წელს — საკავშირო კინემატოგრაფიის ინსტიტუტის საოპერატორო ფაკულტეტი (ალექსანდრე გალპერინის სახელოსნო), ხოლო 1971 წელს — ამავე ინსტიტუტის სარეჟისორო ფაკულტეტი (სერგეი გერასიმოვის სახელოსნო). 1971 წლიდან მოღვაწეობდა კინოსტუდია „ქართულ ფილმში“, ასწავლიდა რეჟისურას თბილისის თეატრალურ ინსტიტუტში. საქართველოს კინემატოგრაფისტთა შემოქმედებითი კავშირის წევრი.

არის მანჰეიმის საერთაშორისო კინოფესტივალის გრან-პრის, კინოპრესის საერთაშორისო ფედერაცია „ფიპრესის“ პრიზის, გერმანიის კათოლიკური ეკლესიის პრიზის (ფილმისთვის „მეცხრამეტე საუკუნის ქართული ქრონიკა“) მფლობელი (1979); საქართველოს ხელოვნების დამსახურებული მოღვაწე (1988); მიუნხენის საერთაშორისო კინოფესტივალის პრიზიორი (ჟიურის სპეციალური პრიზი ფილმისთვის „მიახლოება“, 1990); ღირსების ორდენის კავალერი (1998); მიხეილ თუმანიშვილის სახელობის პრიზის მფლობელი (კინოში გაწეული ღვაწლისთვის, კინოფესტივალი „საჩუქარი“, 2007).

ალექსანდრე რეხვიაშვილი გარდაიცვალა 2020 წლის 10 დეკემბერს, COVID-19 კორონავირუსით.

ფილმოგრაფია

დამდგმელი რეჟისორი და სცენარის ავტორი:

• „ნუცა“ (1971)
• „XIX საუკუნის ქართული ქრონიკა“ (1978)
• „გზა შინისაკენ“ (1981)
• „საფეხური“ (1986)
• „მიახლოება“ (1989)
• „სამკუთხა წრეში“ (დოკუმენტური, 1992)
• „აღქმული მიწა“ (დოკუმენტური, 1999-2000)
• „რუსული პალესტინა“ (დოკუმენტური, 2000)
• „უკანასკნელნი“ (დოკუმენტური, 2006)
• „იგორ სანოვიჩი, ესკიზი პორტრეტისთვის“ (დოკუმენტური, 2008)
• „რამაზ ჩხიკვაძე“ (დოკუმენტური, 2013-2015)
• „ჩუბჩიკა თოჯინები და სხვა“ (დოკუმენტური, 2017)
• „დროის აღდგომა“ (დოკუმენტური, 2019)

პროდიუსერი:

• „რამაზ ჩხიკვაძე“ (დოკუმენტური, 2013)

დამდგმელი ოპერატორი:

• „ალავერდობა“ (1962)
• „მიქელა“ (1965)
• „ფიროსმანი“ (1969)
• „ძაღლი“ (1974)
• „რამაზ ჩხიკვაძე“ (დოკუმენტური, 2013)

გადაღებულია ფილმში:

• „ფიროსმანი“ (1969)

ლიტერატურა

• ენციკლოპედია „თბილისი. ქუჩები, გამზირები, მოედნები“, თბ., 2008. — გვ. 750, ISBN 978-99928-20-35-3.

რესურსები ინტერნეტში

• ალექსანდრე რეხვიაშვილი [დაარქივებული] — ეროვნული ფილმოგრაფია
• ალექსანდრე რეხვიაშვილი — საქართველოს ბიოგრაფიული ლექსიკონი
• ალექსანდრე რეხვიაშვილი კინოფილმების ინტერნეტ-მონაცემთა ბაზაში