ნოდარ მანაგაძე
ნოდარ მანაგაძე (დ. 19 მარტი, 1943, თბილისი, საქართველოს სსრ — გ. 27 ნოემბერი, 2006, თბილისი, საქართველო) — ქართველი კინორეჟისორი, სცენარისტი, მსახიობი და პროდიუსერი. საქართველოს ხელოვნების დამსახურებული მოღვაწე (1980).
| ნოდარ მანაგაძე | |
|---|---|
 ნოდარ მანაგაძე | |
| დაბადების თარიღი |
19 მარტი 1943 თბილისი, საქართველოს სსრ |
| გარდაცვალების თარიღი |
27 ნოემბერი, 2006 (63 წლის) თბილისი, საქართველო |
| საქმიანობა |
რეჟისორი სცენარისტი მსახიობი პროდიუსერი |
1965 წელს დაამთავრა შოთა რუსთაველის სახელობის თბილისის თეატრალური ინსტიტუტის სარეჟისორო ფაკულტეტი. 1988–1991 წლებში თბილისის სახელმწიფო უნივერსიტეტის ლექტორი; 1990 წლიდან შოთა რუსთაველის თეატრისა და კინოს უნივერსიტეტის დოცენტი. შოთა მანაგაძესთან ერთად გადაიღო ფილმები: „მოლოდინი“ (1969) და „წუთისოფელი“ (1971). დამოუკიდებლად გადაიღო ფილმები: „ივანე კოტორაშვილის ამბავი“ (1974), „ამაღლება“, (1976), „საერთო კედელი“ (1978), „კაშხალი მთაში“ (1978), „გაზაფხული გადის“ (1983), „ეი, მაესტრო“ (1986), „ნოე“ (1991), „ნათლისღება“ (1994), „ანგელოზის გადაფრენა“ (2001). როგორც მსახიობი გამოჩნდა ფილმებში: „თვალი პატიოსანი“ (1976), „რაჭა, ჩემო სიყვარულო“ (1977), „კაშხალი მთაში“ (1978). მინიჭებული ჰქონდა კომკავშირის პრემია და საქართველოს მართლმადიდებელი ეკლესიის პრიზი.
ფილმოგრაფია
რედაქტირებაფილმების დამდგმელი რეჟისორი
რედაქტირება- 1969: „მოლოდინი“ რეჟ. შოთა მანაგაძესთან ერთად.
- 1971: „წუთისოფელი“ რეჟ. შოთა მანაგაძესთან ერთად
- 1972: „საერთო კედელი“
- 1974: „ივანე კოტორაშვილის ამბავი“
- 1977: „ამაღლება“
- 1979: „კაშხალი მთაში“
- 1983: „გაზაფხული გადის“
- 1987: „ეი, მაესტრო!“
- 1991: „ნოე“
- 1994: „ნათლისღება“
- 2000: „ანგელოზის გადაფრენა“
სცენარის ავტორი ფილმებისა
რედაქტირება- 1977: „ამაღლება“ რეჟ. ნოდარ მანაგაძე
- 1979: „კაშხალი მთაში“ რეჟ. ნოდარ მანაგაძე
- 1983: „გაზაფხული გადის“ რეჟ. ნოდარ მანაგაძე
- 1987: „ეი, მაესტრო!“ რეჟ. ნოდარ მანაგაძე
- 1991: „ნოე“ რეჟ. ნოდარ მანაგაძე
- 1994: „ნათლისღება“ რეჟ. ნოდარ მანაგაძე
- 2000: „ანგელოზის გადაფრენა“ რეჟ. ნოდარ მანაგაძე
პროდიუსერი ფილმებისა
რედაქტირება- 1994: „ნათლისღება“ მარკ რიუსკართან ერთად რეჟ. ნოდარ მანაგაძე
- 2000: „ანგელოზის გადაფრენა“ რეჟ. ნოდარ მანაგაძე
გადაღებულია ფილმებში
რედაქტირება- 1976: „თვალი პატიოსანი“ რეჟ. შოთა მანაგაძე
- 1977: „რაჭა, ჩემო სიყვარულო“ რეჟისორები თემურ ფალავანდიშვილი, იოზეფ მედვედი
- 1979: „კაშხალი მთაში“ (ლევანი) რეჟ. ნოდარ მანაგაძე
ჯილდოები, პრემიები და პრიზები
რედაქტირება- 1980: საქართველოს ხელოვნების დამსახურებული მოღვაწე[1]
- საქართველოს კომკავშირის პრემია
- საქართველოს მართლმადიდებელი ეკლესიის პრიზი
- საქართველოს, საკავშირო და საერთაშორისო პრემიები