ავრაამ ბურგი
ავრაამ ბურგი (ებრ. אברהם בורג, დ. 19 იანვარი, 1955, იერუსალიმი, ისრაელი) — ისრაელელი პოლიტიკოსი და მწერალი. ქნესეთის ყოფილი წევრი და სპიკერი, ებრაული სააგენტოს თავმჯდომარე.
| ავრაამ ბურგი | |
|---|---|
.jpg)  | |
| დაბადების თარიღი | 19 იანვარი, 1955[1] [2] [3] [4] (69 წლის) |
| დაბადების ადგილი | იერუსალიმი[1] |
| მოქალაქეობა |
 ისრაელი |
| განათლება | იერუსალიმის ებრაული უნივერსიტეტი |
| მამა | Joseph Burg |
ბიოგრაფია
რედაქტირებაავრაამ ბურგი დაიბადა იერუსალიმის რაიონში, რეჰავიაში. მამამისი, რაბი იოსეფ ბურგი, წარმოშობით დრეზდენიდან, 1939 წელსემიგრაციაში წავიდა პალესტინაში და ქნესეთის პირველი მოწვევის დღიდან აქტიურად ჩაერთო პოლიტიკაში. აბრაამის დედა, რივკა, დაიბადა ჰებრონში, სადაც ის გადაურჩა 1929 წლის არაბულ პოგრომს.
ავრაამ ბურგმა არმიაში მსახური დაამთავრა პარაშუტისტ-მედესანტის ლეიტენანტის წოდებით, რის შემდეგაც ჩაირიცხა იერუსალიმის ებრაულ უნივერსიტეტში, სადაც სწავლობდა სოციოლოგიას.
დღეს ავრაამ ბურგი მეუღლესთან იელთან და ექვს შვილთან ერთად ცხოვრობს სოფლად, იერუსალიმის მახლობლად.
პოლიტიკური მოღვაწეობა
რედაქტირებაუკვე 1980-იანი წლების დასაწყისში ავრაამ ბურგი მონაწილეობდა ქვეყნის პოლიტიკურ ცხოვრებაში. „Peace Now“-ს მემარცხენე წევრი, ის 1983 წლის თებერვალში ლიბანის ომის წინააღმდეგ იერუსალიმში გამართულ დემონსტრაციაზე დაბომბვისას დაშავდა, როდესაც მემარჯვენე ტერორისტმა ომის საწინააღმდეგო დემონსტრანტებს ყუმბარა ესროლა. 1985 წელს ბურგი გახდა პრემიერ-მინისტრის შიმონ პერესის მრჩეველი დიასპორის საკითხებში, ხოლო 1988 წელს აირჩიეს ქნესეთში „ისრაელის შრომის პარტიიდან“. ზოგადად, ბურგი იყო მე-12, მე-13, მე-15 და მე-16 მოწვევის ქნესეთის წევრი. 1995 წელს ბურგი აირჩიეს მსოფლიო სიონისტური ორგანიზაციისა და ებრაული სააგენტოს თავმჯდომარედ. მისი მთავარი საქმიანობა ამ საზოგადოებებში იყო მესამე რაიხის დროს დაკარგული ებრაული საკუთრების აღდგენა, ასევე დსთ-ს მოქალაქეების რეპატრიაციის საკითხები. 1999 წლიდან 2003 წლამდე ავრაამ ბურგს ეკავა ქნესეთის თავმჯდომარის პოსტი.
2003 წლის ოქტომბერში ბურგმა კრიტიკის ტალღა გამოიწვია ბრიტანულ გაზეთ „The Guardian“-ში სტატიის გამოქვეყნებით სათაურით „სიონიზმის დასასრული“, რომელშიც ის მოითხოვდა დაუყოვნებლივ გაყვანას პალესტინის ტერიტორიებიდან.[5]
2004 წელს ბურგმა დატოვა პოლიტიკური ასპარეზი. 2007 წელს გაზეტ „Ha'Aretz“-თან ინტერვიუში მან შესთავაზა უარი ეთქვა დაბრუნების კანონის შესახებ და განმარტა, რომ „ისრაელის, როგორც ებრაული სახელმწიფოს განსაზღვრა — მისი დასასრულის გასაღებია. ებრაული სახელმწიფო ფეთქებადია. ეს არის დინამიტი“.[6] კრიტიკის ტალღის შემდეგ, ბურგმა განმარტა, რომ მისი გაგებით, ისრაელი არ უნდა განისაზღვროს როგორც „ებრაული სახელმწიფო“, არამედ როგორც „ებრაელთა სახელმწიფო“.[7] 2008 წლის აპრილში ავრაამ ბურგმა მხარი დაუჭირა J Street ორგანიზაციას, რომელიც ახლახან შეიქმნა ამერიკის შეერთებულ შტატებში.
2015 წლის იანვარში, ქნესეთის მე-20 არჩევნების მოლოდინში, ბურგი შეუერთდა ისრაელის მემარცხენე პოლიტიკურ პარტიას „Hadash“.[8]
2023 წლის აგვისტოში, ბურგი იყო ერთ-ერთი იმ 1500-ზე მეტ ამერიკელ, ისრაელელ, ებრაელ და პალესტინელ აკადემიკოსთა და საზოგადოების ლიდერთაგან, რომლებმაც ხელი მოაწერეს ღია წერილს, რომელშიც ნათქვამია, რომ ისრაელი იმყოფებოდა „აპართეიდის რეჟიმის“ ქვეშ და მოუწოდებდნენ აშშ-ს ებრაულ ჯგუფებს, გამოსულიყვნენ პალესტინის ტერიტორიების ოკუპაციის წინააღმდეგ.[9]
სქოლიო
რედაქტირება- ↑ 1.0 1.1 חה"כ אברהם בורג — ქნესეთი.
- ↑ SNAC — 2010.
- ↑ Roglo — 1997. — 10000000 ეგზ.
- ↑ Munzinger Personen
- ↑ Avraham Burg: «The end of Zionism» დაარქივებული 2009-09-21 საიტზე Wayback Machine. , The Guardian(ინგლისური) თარგი:Проверено
- ↑ Burg: «Defining Israel as a Jewish state is the key to its end» დაარქივებული 2009-12-03 საიტზე Wayback Machine. , Haaretz(ინგლისური) თარგი:Проверено
- ↑ «דרך אחרת להבין את הספר שלי — TheMarker Cafe» დაარქივებული 2012-07-07 საიტზე Archive.isCategory:Webarchive template archiveis links თარგი:Архивировано, cafe.themarker.com(ინგლისური) თარგი:Проверено
- ↑ „Former Knesset speaker Burg joins far-left Jewish-Arab party Hadash“ (ინგლისური). The Jerusalem Post. 2015-01-03. დაარქივებულია ორიგინალიდან — 2015-01-15. ციტირების თარიღი: 2015-01-17.
- ↑ McGreal, Chris (2023-08-15). „US Jews urged to condemn Israeli occupation amid Netanyahu censure“. The Guardian (ინგლისური). 0261-3077. დაარქივებულია ორიგინალიდან — 2023-12-04. ციტირების თარიღი: 2023-10-30.