პირიქითი ქედი
პირიქითი ქედი, თუშეთის ქედი — კავკასიონის ჩრდილოეთი გამყოლი ქედი, მდინარეების პირიქითი ალაზნისა (ანდის ყოისუს სისტემა) და არღუნის (თერგის სისტემა) წყალგამყოფი, სიგრძე 80 კმ. ვრცელდება საქართველოს — ახმეტის მუნიციპალიტეტისა და რუსეთის — ჩეჩნეთის, ინგუშეთისა და დაღესტნის ფარგლებში. უმაღლესი მწვერვალია თებულოსმთა (4493 მ). 4000 მ-ზე მაღალია მწვერვალები: ქომიტო (4261), დიკლოსმთა (4285 მ), დანოსმთა (4174 მ) და სხვა. უღელტეხილები 3000-3500 მ სიმაღლეზეა, მ.შ. აღსანიშნავია: უყერიჩო (3042 მ), ქერიღო (3140 მ) და ქაჩუ (3550 მ).
| პირიქითი ქედი | |
|---|---|
 პირიქითი ქედის უმაღლესი წერტილი — თებულოსმთა | |
| კოორდინატები: 42°32′27″ ჩ. გ. 45°33′00″ ა. გ. / 42.54083° ჩ. გ. 45.55000° ა. გ. | |
| ქვეყანა |  საქართველო
|
| უმაღლესი წერტილი | თებულოსმთა |
| სიმაღლე | 4493 მ |
| სიგრძე | 80 კმ |
  | |
პირიქითი ქედი აგებულია ქვედაიურული თიხაფიქლებით. ორივე კალთაზეა თანამედროვე მყინვარები და პლეისტოცენური გამყინვარების კვალი. კალთები 3000-3000 მ სიმაღლემდე შემოსილია სუბალპური და ალპური ბალახეულობით. სამხრეთი კალთის აღმოსავლეთ ნაწილში ზღვის დონიდან 1600-2200 მ-მდე, ფიჭვნარ-არყნარია.
იხილეთ აგრეთვე რედაქტირება
ლიტერატურა რედაქტირება
- მარუაშვილი ლ., ქართული საბჭოთა ენციკლოპედია, ტ. 8, თბ., 1984. — გვ. 81.
- Sh. Shetekauri, L. Tsiskarauli, T. Zangurashvili, High mountain flora of Pirikiti Khevsureti and Tusheti (NE Greater Caucasus)