ნატანები (ოზურგეთის მუნიციპალიტეტი)

Disambig-dark.svg სხვა მნიშვნელობებისთვის იხილეთ ნატანები.

ნატანები — თემი ოზურგეთის მუნიციპალიტეტში, მოიცავს სოფლებს: ზემო ნატანები, ქვემო ნატანები (თემის ცენტრი) და შეკვეთილი. ნატანებში დაიბადა ქართველი საბჭოთა ფილოსოფოსი ილია თავაძე.

თემი
ნატანები
Natanebi School.jpg
ნატანების სკოლა
ქვეყანა საქართველოს დროშა საქართველო
მხარე გურიის მხარე
მუნიციპალიტეტი ოზურგეთის მუნიციპალიტეტი
თემი ნატანები
ფართობი 46,7 კმ²
ცენტრის სიმაღლე 2-20
მოსახლეობა 4448 კაცი (2014)
სიმჭიდროვე 95 კაცი/კმ²

ისტორიარედაქტირება

დღევანდელი ნატანების ტერიტორია შედიოდა მიქელგაბრიელის სასოფლო საზოგადოებაში. ამ ტერიტორიას ფლობდნენ თავადი ნაკაშიძეები, ასევე აზნაური ქარცივაძეები და წითლიძეები. 1883 წელს თბილისი-ბათუმის რკინიგზის გაყვანის შემდეგ აშენდა რკინიგზის სადგური ნატანები. რკინიგზის სადგურთან მოქმედებდა ხე-ტყის საწყობი და ტელეგრაფი, იყო ეტლითად და დილიჟანსებით მიმოსვლა ოზურგეთიდან სადგურ ნატანებამდე. 1885-1900 წელს ნატანებში იაკობის მთაზე ნავთობის მოპოვებას ცდილობდა ელიზავეტოპოლის გუბერნატორი ალექსანდრე ნაკაშიძე.[1][2]

ნატანები საბჭოთა პერიოდში ოზურგეთის რაიონის ერთ-ერთი ყველაზე მდიდარი კოლმეურნეობა იყო. 1951 წელს ნატანების სასოფლო საბჭოს ცენტრი მოეწყო ყოფილ სოფელ შავაში. 1953 წელს აშენდა ნატანების კოლმეურნეობის კანტორის შენობა, 50-იანების მეორე ნახევარში კი კულტურის სახლის შენობა. სოფელში მოქმედებდა საავადმყოფო, ციტრუსების შემფუთავი ქარხანა, ჩაის ფაბრიკა, ტუნგის საშრობი ფარდული, დაწყებითი, რვაწლიანი და საშუალო სკოლები, ბიბლიოთეკა. ნატანების ლენინის სახელობის კოლმეურნეობა ფლობდა 382 ჰა ჩაის და 380 ჰა სიმინდის ფართობს, მისი წლიური ფულადი შემოსავალი 1954 წლისთვის 10 მილიონ მანეთზე მეტს შეადგენდა.[3] ნატანები დამეგობრებული იყო უკრაინის სსრ-ს ხერსონის ოლქის გენიჩესკის რაიონის შევჩენკოს კოლმეურნეობასთან და სომხეთის სსრ-ს სოფელ ნალბანდიანთან. 1954 წელს ნატანების მერვე ბრიგადაში ერთ ჰექტარზე გაშენდა „მეგობრობის ბაღი“ და დაიდგა მეგობრობის ობელისკი.[4]1977 წელს ნატანების კოლმეურნეობა ფლობდა 335 ჰა ჩაისა და 115 ჰა ციტრუსის პლანტაციებს. 1980 წელს სოფელში აშენდა გამწმენდი კოლექტორი, რომელიც მახარაძის და ქობულეთის რაიონის დასახლებულ პუნქტებს ემსახურებოდა.

მოსახლეობარედაქტირება

აღწერის წელი მოსახლეობა კაცი ქალი ქვემო ნატანები ზემო ნატანები შეკვეთილი
1971 6193
1977   5958
2002   5653 3750 1837 66
2014[5]   4448 2177 2271 3099 1174 175

გალერეარედაქტირება

ლიტერატურარედაქტირება

სქოლიორედაქტირება

  1. გაზეთი „ივერია“ N130 გვ. 2 1887 წ.
  2. გაზეთი „ივერია“ N232 გვ. 2 1892 წ.
  3. პ. სალუქვაძე, ნ. ქინქლაძე, გაზეთი „ლენინის დროშა“, N1 გვ. 3 — 1955 წ.
  4. მ. კილაძე, ნ. ქინქლაძე, „სამი ხალხის ძმობის სოფელი — მეგობრობის ბაღი“, გაზეთი „ლენინის დროშა“, N105 გვ. 2 — 1958 წ.
  5. მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.