მაისი

მაისი (ლათ. Maius) — გრიგორიანული კალენდრის მეხუთე თვე. მასში 31 დღეა.

სახელი ეწოდა ნაყოფიერების რომაული ღვთაების, მერკურის დედის, მაიას მიხედვით. მაისის ძველქართული სახელწოდებაა ვარდობისა, ვარდობისთვე.

მაისი არის გაზაფხულის თვე ჩრდილოეთ ნახევარსფეროში და შემოდგომისა — სამხრეთ ნახევარსფეროში.

მაისის ზოდიაქოს ნიშნებია კურო და მარჩბივი.

არცერთი თვე არ იწყება კვირის იმ დღით, რითაც მაისი.

ვარდობისა

მთავარი სტატია: ძველი ქართული წარმართული კალენდარი.

კორნელი კეკელიძე ვარდობისას 3 აპრილი — 2 მაისით საზღვრავდა^[1].

კ. კეკელიძის აზრით^[2] „ვარდობისაჲ“ (თთუე) წმინდა ქართული სახელია, რომელიც აღნიშნავს ვარდის ან ზოგადად ყვავილის გაშლის სეზონს. ამიტომაცაა რომ მას ბიბლიის ძველ ვერსიებში ეწოდება აგრეთვე „თვე ყვავილობისაჲ“^[3]. ვარდობისა და ყვავილობის თვის შესატყვისად ბიბლიის სხვა ადგილებში გამოიყენება თთუე ახალთაჲ ანუ ახლისაჲ^[4], რაც უდრის ბერძნული ბიბლიის — „έν μηνί τών“, სლავურის — „месяц новых плодов“, ხოლო ებრაულ ბიბლიაში, აქედან რუსულშიც, ამ სახელებს უდრის თვის სახელი „ავივ“.

	„ჟამსა მას თთჳსა ვარდობისასა, რამეთუ თთუესა მას ყუავილობისასა გამოხუედ შენ ქუეყანით ეგჳპტით^[5].“

	„და კუალად ტანჯვაჲ ვარდობისა თთუესა ათცხრამეტსა^[6].“

	„თთუესა ივნისსა კთ. ჴსენებაჲ წმიდათა მოციქულთა პეტრჱსი და პავლჱსი ჰრომეს შინა უწინარჱს რვისა დღისა ვარდობისა^[7].“

საყურადღებოა, რომ ებრაელების მეორე თვეს, რომელიც დაახლოებით იმავე სეზონში მოდიოდა, ეწოდება „ზიფ“, რაც ყვავილთა თვეს ნიშნავს.

	„თთუესა შინა ზიფს, თთუესა მეორესა^[8].“

მაისის მნიშვნელოვანი მოვლენები

ეს არის სტატიის ან სექციის ესკიზი.
თქვენ შეგიძლიათ შეავსოთ იგი.

ლიტერატურა

ქართული საბჭოთა ენციკლოპედია, ტ. 6, თბ., 1983. — გვ. 367.

სქოლიო

↑ კ. კეკელიძე, „ეტიუდები ძველი ქართული ლიტერატურის ისტორიიდან“, ტ. 1, გვ. 116
↑ კ. კეკელიძე, „ეტიუდები ძველი ქართული ლიტერატურის ისტორიიდან“, ტ. 1, გვ. 101
↑ გამოსვლ. 34, 18
↑ ბაქარის გამოც. გამოსვლ. 13, 4; 23, 15; 34, 18; მეორე შჯ. 16, 1
↑ გამოსვლ. 34, 18. ხელნაწ. №1207
↑ „შუშანიკის მარტვილობა“, ი. აბულაძის გამოცემა, გვ. 46
↑ ხელნაწ. ათონ. № 57, გვ. 29, სინას მთის № 83, ფ. 174
↑ 3 მეფ. 6, 37

[1] კ. კეკელიძე, „ეტიუდები ძველი ქართული ლიტერატურის ისტორიიდან“, ტ. 1, გვ. 116

[2] კ. კეკელიძე, „ეტიუდები ძველი ქართული ლიტერატურის ისტორიიდან“, ტ. 1, გვ. 101

[3] გამოსვლ. 34, 18

[4] ბაქარის გამოც. გამოსვლ. 13, 4; 23, 15; 34, 18; მეორე შჯ. 16, 1

[5] გამოსვლ. 34, 18. ხელნაწ. №1207

[6] „შუშანიკის მარტვილობა“, ი. აბულაძის გამოცემა, გვ. 46

[7] ხელნაწ. ათონ. № 57, გვ. 29, სინას მთის № 83, ფ. 174

[8] 3 მეფ. 6, 37

[1]

[2]

[3]

[4]

[5]

[6]

[7]

[8]

<<	მაისი					>>
ორშ	სამ	ოთხ	ხუთ	პარ	შაბ	კვი
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2024