ვენესუელის დროშა

ვენესუელის სახელმწიფო დროშა — ვენესუელის ერთ-ერთი ეროვნული სიმბოლო. ამჟამინდელი ვერსია მიღებულ იქნა 2006 წელს. ძირითადი მონახაზი ჰორიზონტალური სამფეროვანია: ყვითელი, ლურჯი და წითელი, რაც ემთხვევა ქვეყნის თავდაპირველ დროშას, რომელიც 1811 წელს, ვენესუელის დამოუკიდებლობისათვის ომის დროს მიიღეს. შემდგომი ცვლილებების დროს მას დაემატა ვარსკვლავები, მრავალჯერ შეიცვალა მათი რაოდენობა და განლაგება, ასევე დაემატა გერბი მარცხენა ზედა კუთხეში.

დროშის ძირითადი ნახაზი შექმნილია ფრანსისკო დე მირანდას მიერ ვენესუელის განთავისუფლებისათვის თავის წარუმატებელი ექსპედიციისას. შემდგომში, 1811 წელს იგი ვენესუელის ეროვნულმა კონგრესმა მიიღო. დროშა შედგებოდა სამი თანაბარი, ჰორიზონტალური — ყვითელი, ლურჯი და წითელი ზოლისგან. მირანდას დროშა გახდა კოლუმბიისა და ეკვადორის დროშების შთაგონების წყაროც. აღნიშნული თავდაპირველი ვერსია პირველად 1806 წლის 12 მარტს, იამაიკის ქალაქ ჯაკმელში აფრიალდა, როდესაც მირანდას ექსპედიცია ვენესუელაზე საბოლოო დარტყმისთვის ემზადებოდა. დროშა ვენესუელის მიწაზე პირველად ამავე წლის 3 აგვისტოს, ქალაქ სანტა-ანა-დე-კოროში აფრიალდა. 2006 წლის 3 აგვისტომდე, ვენესუელაში დროშის დღე 12 მარტს აღინიშნებოდა, 2006 წლიდან კი დღესასწაულმა 3 აგვისტოს გადაინაცვლა.

თავისი დროშის შთაგონების წყაროდ მირანდამ ორი წყარო გამოიყენა. როგორც ის 1792 წელს რუს გრაფსა და დიპლოპატს, სემიონ ვორონცოვს წერს, სამი ფერი ემყარებოდა თავდაპირველი ფერების თეორიას, რომელიც მას გერმანელმა მწერალმა და ფილოსოფოსმა იოჰან ვოლფგანგ ფონ გოეთემ მიაწოდა. მირანდა აღწერს გვიანი საღამოს საუბარს გოეთესთან, რომელიც მას 1785 წლის ზამთარში, ვაიმარში გამართულ წვეულებაზე ჰქონდა. მირანდას მიერ ამერიკის რევოლუციურ ომში გამოჩენილი გმირობებისა და მისი ამერიკული და ევროპული მოგზაურობების ამბების მოსმენის შემდეგ, გოეთეს მისთვის უთქვამს: „შენი მოვალეობაა შენს მიწაზე შექმნა ადგილი, სადაც ძირითდი ფერები არ იქნება გამრუდებული“.

XIX საუკუნის პირველ ნახევარში, დროშას დაემატა შვიდი ვარსკვლავი, რომლებიც განასახიერებდნენ შვიდ კოლონიურ პროვინციას: ბარსელონას, ბარინასს, კარაკასს, კუმანას, მარგარიტას, მერიდასა და ტრუხილიოს, რომლებიც ესპანელთა წინააღმდეგ გაერთიანდნენ დამოუკიდებლობისათვის ომის დროს. გაიანის რეგიონში დაბანაკების შემდეგმ სიმონ ბოლივარმა ახლად გათავისუფლებული პრევინციის აღმნიშვნელად დროშას მერვე ვარსკვლავი დაამატა.

1954 წლის 19 თებერვალს, ეროვნული დროშის, გერბისა და ჰიმნის კანონის საფუძველზე დროშას დაემატა გერბი. იგი არ დამატებია სამოქალაქო და საზღვაო დროშას, რომლებიც არასამთავრობო მიზნებისთვის გამოიყენება.

2006 წელს პრეზიდენტმა უგო ჩავესმა გაახმოვანა გეგმა დროშაზე მერვე ვარსკვლავის დამატების თაობაზე, რასაც ბოლივარის 1817 წლის დეკრეტის ძლიერ დაგვიანებულ შესრულებად მიიჩნევდა. მიუხედავად იმისა, რომ მთავრობამ ცვლილება დაამტკიცა, ზოგიერთი ოპოზიციური პარტია მის გამოყენებაზე დღემდე უარს აცხადებს.

სილამაზის კონკურს მის სამყარო 2010 წლის დახურვის ცერემონიალზე, წინა წლის ვენესუელელმა გამარჯვებულმა სტეფანია ფერნანდესმა ვენესუელის შვიდვარსკვლავიანი დროშა ააფრიალა.

ისტორიული დროშები

• 
  16 აპრილი 1836 — თებერვალი 1859
• 
  თებერვალი 1859 — ივნისი 1859
• 
  ივნისი 1859 — 29 ივლისი 1863
• 
  29 ივლისი 1863 — 28 მარტი 1905
• 
  28 მარტი 1905 — 15 სექტემბერი 1930
• 
  15 სექტემბერი 1930 — 7 მარტი 2006

იხილეთ აგრეთვე

• ვენესუელის გერბი
• ვენესუელის ჰიმნი

რესურსები ინტერნეტში

• Venezuela at Flags of the World
• Venezuela Historical flag
• Ley de Bandera, Escudo, e Himno Nacionales - Law of the National Flag, Coat of Arms and Anthem.
• BBC Report on change of flag

სქოლიო

სამხრეთი ამერიკა

სუვერენული სახელმწიფოები არგენტინა · ბოლივია · ბრაზილია · გაიანა · ეკვადორი · ვენესუელა კოლუმბია · პანამა* · პარაგვაი · პერუ · სურინამი · ტრინიდადი და ტობაგო* · ურუგვაი · ჩილე · დამოკიდებული არუბა* (ნიდერლანდები) · ფოლკლენდის კუნძულები (გაერთიანებული სამეფო) · საფრანგეთის გვიანა (საფრანგეთი) · ნიდერლანდების ანტილის კუნძულები* (ნიდერლანდები) · სამხრეთ გეორგია და სამხრეთ სენდვიჩის კუნძულები (გაერთიანებული სამეფო) * აქვს ტერიტორიის ნაწილი სხვა კონტინენტზეც (ჩრდილოეთი ამერიკა).