გიორგი თოდაძე
გიორგი (გოგი) თოდაძე (დ. 21 თებერვალი, 1945, თბილისი, საქართველოს სსრ, სსრკ — გ. 23 იანვარი, 2020) — ქართველი მსახიობი, რეჟისორი. საქართველოს სსრ ხელოვნების დამსახურებული მოღვაწე (1982). საქართველოს შოთა რუსთაველის თეატრისა და კინოს სახელმწიფო უნივერსიტეტის ასოცირებული პროფესორი.
1968 წელს დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი, ხოლო 1977 წელს ამავე ინსტიტუტის სარეჟისორო ფაკულტეტი. 1968 წლიდან მუშაობდა კოტე მარჯანიშვილის თეატრში. 90-მდე სპექტაკლის დამდგმელი რეჟისორი (კოტე მარჯანიშვილის სახელობის თეატრი, ნოდარ დუმბაძის სახელობის მოზარდ მაყურებელთა თეატრი, გორის გიორგი ერისთვის სახელობის თეატრი, თავისუფალი თეატრი, თეატრი ათონელზე, ტელევიზია, სასოფლო-სამეურნეო ინსტიტუტის თეატრი, გრიბოედოვის სახელობის თეატრი, სკოლა-სტუდია „ბერიკები“, თეატრისა და კინოს უნივერსიტეტი); იყო სკოლა-სტუდია „ბერიკების“ დირექტორი და სამხატვრო ხელმძღვანელი; მოსწავლე ახალგაზრდობის სასახლის სამხატვრო ხელმძღვანელი. ევროპის ახალგაზრდა შემოქმედთა სწავლების სემინარის (ქ. ანკარა) პედაგოგი; მსოფლიოს მრავალი თეატრალური ფესტივალის მონაწილე და პრიზიორი (რუსეთი, გერმანია, ინდოეთი, იაპონია, კორეა, მონაკო), მრავალი სამთავრობო და სახალხო ზეიმების რეჟისორი (თბილისობა, საახალწლო ნაძვის ხის ზეიმი და სხვ.).
ნათამაშები როლებირედაქტირება
მარჯანიშვილის თეატრირედაქტირება
- შალვა დადიანის „გუშინდელნი“ (ალეკო)
- კონსტანტინე გამსახურდიას „მთვარის მოტაცება“ (ქელეში)
- ალექსანდრე კორნეიჩუკის „ხსოვნა გულისა“ (ანტონი )
- ალექსანდრე ოსტროვსკის „ტალანტები და თაყვანისმცემლები“ (ვასია)
- ნიკოლოზ გოგოლის „ქორწინება“ (სტეპანი)
- იაროსლავ ჰაშეკის „გულადი ჯარისკაცი შვეიკი“ ( კაპიტანი ლუკაში)
- ნოდარ დუმბაძის „ნუ გეშინია დედა“ (შერბინა)
- რევაზ გაბრიაძის „ფეოლა“ (ბოგოლუბოვი)
დადგმული სპექტაკლებირედაქტირება
მარჯანიშვილის თეატრირედაქტირება
- ჯემალ მონიავას „აღუვსებელი საწყაული“
- ლაშა თაბუკაშვილის „ჭრილობა“
- კიტა ბუაჩიძის „ეზოში ავი ძაღლია“
- რობერტ ტომასის „რვა მოსიყვარულე ქალი“
- თამაზ ჭილაძის „ბუდე მეცხრე სართულზე“ (გრიგოლ ლორთქიფანიძესთან ერთად),
- ფილიპ დიუმანუას და ადოლფ ფილიპ დენერის „დონ სეზარ დე ბაზანი“
- დავით კლდიაშვილის „დარისპანის გასაჭირი“ (თემურ ჩხეიძესთან ერთად)
- ოტია იოსელიანის „ადამიანი იბადება ერთხელ“ (თემურ ჩხეიძესთან ერთად)
- ნოდარ დუმბაძის „მარადისობის კანონი“
- ალექსანდრე ჩხაიძის „ჩემი ეიფელის კოშკი“
- ჟან ანუის „ევრიდიკე“
- შადიმან შამანაძის „ერთხელ მხოლოდ ისიც ძილში“
- ედუარდო დე ფილიპოს „ნეაპოლი - მილიონერთა ქალაქი“
- რაფიელ ერისთავის „ისევ ვოდევილები“
- უილიამ შექსპირის „ფოლსტაფი“
- ალბერ კამიუს „კალიგულა“
- ქეთევან ქუჩუკაშვილის „გოგო ხოხესია“
- გიორგი ნახუცრიშვილის „ნაცარქექია“
- პამელა ტრევერსის „მერი პოპინსი“
თეატრალური უნივერსიტეტირედაქტირება
- ნოდარ დუმბაძე „ბოშები“
- მიხეილ ჯავახიშვილი „კურკას ქორწილი“
თავისუფალი თეატრირედაქტირება
- ევგენი შვარცი „თოვლის დედოფალი“
- მორის მეტერლინკი „ლურჯი ფრინველი“
- ანა ფრანკი „ანა ფრანკის დღიური“
- ევგენი შვარცი „ჩვეულებრივი სასწაული“
ჯილდოები, პრემიები და პრიზებირედაქტირება
- 1982: საქართველოს ხელოვნების დამსახურებული მოღვაწე