მთავარი მენიუს გახსნა

ანაკლია[5] — სოფელი და ზღვისპირა კლიმატური კურორტი ზუგდიდის მუნიციპალიტეტში, თემის ცენტრი (სოფლები: ანაკლია, თიქორი). მდებარეობს შავი ზღვის პირას, მდინარე ენგურის შესართავთან, მარცხენა ნაპირას, აფხაზეთის ავტონომიური რესპუბლიკის საზღვართან, ზღვის დონიდან 3 მ., ზუგდიდიდან 30 კმ. სოფელში დგას 1703 წელს აგებული ციხის ნანგრევები, პოლიცია, სპორტული მოედანი, საბავშვო ბაღი, სასტუმროები.

სოფელი
ანაკლია
Anaklia (Photo A. Muhranoff, 2011).jpg
ქვეყანა საქართველოს დროშა საქართველო
მხარე სამეგრელო-ზემო სვანეთის მხარე
მუნიციპალიტეტი ზუგდიდის მუნიციპალიტეტი
თემი ანაკლია
კოორდინატები 42°23′37″ ჩ. გ. 41°34′09″ ა. გ. / 42.39361° ჩ. გ. 41.56917° ა. გ. / 42.39361; 41.56917
პირველი ხსენება 1703
ცენტრის სიმაღლე 3
მოსახლეობა 1 331[1] კაცი (2014)
ეროვნული შემადგენლობა ქართველები 99%[2]
სასაათო სარტყელი UTC+4
სატელეფონო კოდი +995 415[3]
საფოსტო ინდექსი 2100[4]
ანაკლია — საქართველო
ანაკლია
ანაკლია — სამეგრელო-ზემო სვანეთის მხარე
ანაკლია

სექციების სია

ეტიმოლოგიარედაქტირება

ლეგენდის თანახმად ამ ადგილას დედას (ანას) შვილი მოსტაცეს და გემით მიჰყავდათ, დედა კი ზღვის ნაპირას სასოწარკვეთილი მოთქვამდა. ხალხმა რომ გაიგო ქალის კივილი ერთმანეთს კითხეს – „რა ხდებაო“ „ანა რკიანს“-ო (მეგრ. ანა კივისო) იყო პასუხი. ამიტომ ამ ლეგენდით ამ ადგილას „ანარკია“ (აკივლებული) ეწოდა, ვინაიდან ხშირი იყო ამდაგვარი შემთხვევები დღეს კი – „ანაკლია“ ეწოდება.

ისტორიარედაქტირება

ანაკლია პონტოს სამეფოს ქალაქ ჰერაკლეას ერთ-ერთი კოლონია იყო. XV-XVII საუკუნეებში ანაკლია ოდიშის სამთავროს მნიშვნელოვანი ნავსადგური იყო და ტრაპიზონთან და კონსტანტინოპოლთან აწარმოებდა ვაჭრობას. ანაკლიაში ასევე განვითარებული იყო მეთევზეობა. XVIII საუკუნის დასაწყისში ანაკლია ოსმალეთის იმპერიამ დაიკავა და 1703 წელს ააგო ციხე, რომელიც 1725 წელს განაახლეს. ოსმალთა ხელში ანაკლია ტყვეებით ვაჭრობის ბუდედ გადაიქცა. 1805 წელს ანაკლია რუსეთის იმპერიამ დაიკავა, მაგრამ 1820 წელს რუსეთის ჯარმა ანაკლია და შეკვეთილი დატოვა. ანაკლია ოსმალეთიდან რუსეთს გადაეცა 1812 წლის ბუქარესტის საზავო ხელშეკრულებით, რაც დაადასტურ 1826 წლის აკერმანის კონვენციამ. საბჭოთა პერიოდში ანაკლიის სასოფლო საბჭოში შედიოდნენ აგრეთვე სოფლები ეგრეტა და ცვანე, მოქმედებდა მეცხოველეობის მეურნეობა, რძისა და ყველის საამქრო.

2011 წელს იგეგმებოდა ანაკლიისთვის ქალაქის სტატუსის მინიჭება.[6]დასახლებას ქალაქის სტატუსი ოფიციალურად არ მინიჭებია, თუმცა 2012 წელს საქართველოს მთავრობამ გაახმოვანა ინიციატივა, რომლის მიხედვით ანაკლიის ტერიტორიაზე ყულევამდე ახალი საპორტო ქალაქი ლაზიკა უნდა გაშენებულიყო.[7].იგი საქართველოში სიდიდით მეორე ქალაქი უნდა ყოფილიყო თბილისის შემდეგ. საქართველოს ხელისუფლების გათვლებით 2024 წლისათვის ლაზიკას ნახევარი მილიონი მცხოვრები ეყოლებოდა[8].ქალაქის სავარაუდო გაშენების ტერიტორია მოიცავდა კოლხეთის ეროვნული პარკის ანაკლია-ჭურიის უბანს, რომელიც ფრინველთა ყველაზე დიდი მიგრაციის მარშრუტია[9], ხოლო „საერთაშორისო მნიშვნელობის ჭარბტენიან წყლის ფრინველთა საბინადროდ ვარგის ტერიტორიებს“ კი გაეროს რამსარის კონვენცია იცავს, რომელსაც საქართველო 1996 წელს მიუერთდა[10]. დაიწყო რამდენიმე შენობის მშენებლობა, მაგრამ პროექტი შეწყდა.[11] ამჟამად ანაკლიაში მიმდინარეობს ღრმაწყლოვანი პორტის მშენებლობა[12]

დემოგრაფიარედაქტირება

2014 წლის აღწერის მონაცემებით სოფელში ცხოვრობს 1 331 ადამიანი.

აღწერის წელი მოსახლეობა კაცი ქალი
2002[2] 2 522 1 244 1 278
2014[1]   1 331 659 672

კურორტირედაქტირება

ანაკლია კლიმატური კურორტია. აქ ზღვისპირა ნოტიო ჰავაა, მის ნათების ხანგრძლივობაა 2208 სთ წელიწადში, არის დაფერდებული წმინდა სილის პლაჟი (სიგრძე 10-12 კმ, სიგანე 50-80 მ.) ანაკლიაში რამდენიმე მაღალი კლასის სასტუმროა აშენებული. სოფელ განმუხურთან დაკავშირებულია 552-მეტრიანი საფეხმავლო ხიდით. ანაკლიაში 2014 წელს ჩატარდა ელექტრონული მუსიკის ფესტივალი კაზანტიპი. მას შემდეგ, რაც იგი დაიხურა, საფუძველი ჩაეყარა GEM Fest-ს, რომელიც 2015 წლიდან დღემდე იმართება.

ანაკლიის ციხერედაქტირება

ანაკლიის ციხე აშენებულია 1703 წელს და განახლებულია 1725 წელს. ციხეს ჰქონდა კვადრატული ფორმა. ოთხივე კუთხეში კოშკები იყო აღმართული. გალავანი ორიარუსიანია. ქვედა იარუსი ყრუ კედლითაა ამოყვანილი, ზედაში სათოფურების დატანებული.

გალერეარედაქტირება

იხილეთ აგრეთვერედაქტირება

ლიტერატურარედაქტირება

სქოლიორედაქტირება

  1. 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). წაკითხვის თარიღი: 7 ნოემბერი, 2016.
  2. 2.0 2.1 საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II
  3. საქართველოს სატელეფონო კოდები — „სილქნეტი“
  4. საქართველოს საფოსტო ინდექსები — „საქართველოს ფოსტა“
  5. საქართველოს სსრ გეოგრაფიული სახელების ორთოგრაფიული ლექსიკონი, გვ. 16, თბ., 1987.
  6. ანაკლია საკურორტო ქალაქი ხდება
  7. მიხეილ სააკაშვილი: ანაკლიიდან ყულევამდე ახალი ქართული ქალაქი - ლაზიკა აშენდება
  8. საქართველოში ახალი ქალაქი ლაზიკა აშენდება
  9. Ramsar Sites Information Service
  10. რა ბედი ელის კოლხეთის ეროვნულ პარკს?!
  11. ლაზიკა აღარ აშენდება
  12. რადიო თავისუფლება