ჯეფრი იუჯინიდისი

ჯეფრი იუჯინიდისი (დ. 8 მარტი, 1960) — ამერიკელი მწერალი. ცნობილია მოთხრობებით, ესეებითა და სამი რომანით: თვითმკვლელი ქალწულები (1993), მიდლსექსი (2002) და The Marriage Plot (2011).

ჯეფრი იუჯინიდისი
დაბადების თარიღი	8 მარტი, 1960(1960-03-08) (64 წლის)
დაბადების ადგილი	დეტროიტი
საქმიანობა	მწერალი , რომანისტი , უნივერსიტეტის პროფესორი და სამეცნიერო მუშაკი
მოქალაქეობა	აშშ
ალმა-მატერი	ბრაუნის უნივერსიტეტი, სტენფორდის უნივერსიტეტი და ლიჯეტის საუნივერსიტეტო სკოლა
ჟანრი	სასიყვარულო რომანი
ჯილდოები	გუგენჰაიმის სტიპენდია , მადამ ფიგაროს გრან-პრი საუკეთესო უცხოური რომანისთვის , პულიცერის პრემია მხატვრული წიგნისათვის , ბერლინის პრემია და Q130553019?
გავლენა მოახდინეს :::ჯორჯ ელიოტი, ჰენრი ჯეიმზი, ვლადიმერ ნაბოკოვი და გაბრიელ გარსია მარკესი
ჯეფრი იუჯინიდისი ვიკისაწყობში

რომანისთვის მიდლსექსი იუჯინიდისმა 2003 წელს მიიღო მხატვრულ ლიტერატურაში პულიცერის პრემია, აგრეთვე წიგნი წარდგენილი იყო დუბლინის საერთაშორისო ლიტერატურულ პრემიასა და მედიჩის პრემიაზე.

თვითმკვლელი ქალწულების მიხედვით სოფია კოპოლამ ამავე სახელწოდების ფილმი გადაიღო.

ბიოგრაფია

იუჯინიდისი მიჩიგანის ქალაქ დეტროიტში ბერძნული წარმოშობის მამისა და ინგლისურ-ირლანდიური წარმოშობის დედის ოჯახში დაიბადა. იგი სამ ვაჟს შორის ყველაზე უმცროსი იყო. მან საშუალო განათლება ქალაქ გროს-პოინტის ლიჯეტის კერძო საუნივერსიტეტო სკოლაში მიიღო, შემდეგ კი სწავლა ბრაუნის უნივერსიტეტში განაგრძნო. 1982 წელს უნივერსიტეტის დასრულების შემდეგ იუჯინიდისმა ერთი წლის მანძილზე დასვენება გადაწყვიტა, რა დროსაც იგი ევროპაში მოგზაურობდა და ინდოეთის ქალაქ კალკუტაში დედა ტერეზას დაარსებულ მოწყალების სახლში მოხალისეობრივ საქმიანობას ეწეოდა. 1986 წელს იუჯინიდისმა სტენფორდის უნივერსიტეტი ინგლისურ ლიტერატურასა და შემოქმედებით წერაში მაგისტრის ხარისხით დაასრულა.

იუჯინიდისს მწერლობის სურვილი ადრეული ასაკიდანვე გაუჩნდა.

მწერლობა ძალიან ადრე, საშუალო სკოლის პირველ წელს გადავწყვიტე. იმ წელს სკოლაში წავიკითხეთ „ხელოვანის პორტრეტი ახალგზარდობისას“, რომელმაც ჩემზე ძალიან დიდი გავლენა მოახდინა, რისი მიზეზებიც ახლა საკმაოდ სახალისოდ მეჩვენება. მე ნახევრად ირლანდიელი და ნახევრად ბერძენი ვარ და სწორედ ამიტომ საკუთარი თავი სტივენ დედალოსთან გავაიგივე. ჩემს მსგავსად, ისიც წიგნების მოყვარული იყო და ძველბერძნული სახელი ჰქონდა... მახსოვს, ვფიქრობდი, რომ მწერლობა საუკეთესო რამ იყო, რაც შეეძლო ადამიანს გაეკეთებინა. მეჩვენებოდა, რომ ეს საქმიანობა ცხოვრებაში მაქსიმალურ სიფხიზლეს მპირდებოდა. მწერლობას საკრალურად, თითქმის რელიგიურად აღვიქვამდი.

თავის ადრეულ ლიტერატურულ გავლენებად იუჯინიდისმა დაასახელა:

დიდი მოდერნისტები: ჯოისი, პრუსტი, ფოლკნერი. ამის შემდეგ მუზილი და ვულფი აღმოვაჩინე, ხოლო მალევე მე და ჩემმა მეგობრება პინჩონისა და ჯონ ბარტის წიგნების კითხვა დავიწყეთ. ჩემი თაობა პირიქით გაიზარდა, რადგან პოსტმოდერნისტულ და მოდერნისტულ ლიტერატურას მეცხრამეტე საუკუნის ლიტერატურამდე გავეცანით.

იუჯინიდისი თავისი შემოქმდების გავლენად მშობლოურ ქალაქს, დეტროიტს და თავის საშუალო სკოლის გამოცდილებას ასახელებს.

1986 წელს იუჯინიდისმა კინემატოგრაფიული ხელოვნებისა და მეცნიერების აკადემიისგან სტიპენდია მიიღო. ავტორი რამდენიმე წელი სან-ფრანცისკოში ცხოვრობდა, შემდეგ კი ნიუ-იორკში, ბრუკლინში, გადავიდა, სადაც ამერიკელი პოეტების აკადემიაში მდივნად მუშაობდა. ნიუ-იორკში მან არაერთი მწერალი გაიცნო, მათ შორის ჯონათან ფრენზენი.

1999-2004 წლებში იუჯინიდისი გერმანიაში, ბერლინში, ცხოვრობდა, სადაც იგი ერთწლიანი სამწერლო გაცვლითი პროგრამის გრანტის მოპოვების შემდეგ გადავიდა. 2007 წლიდან იუჯინიდისი ცხოვრობდა ნიუ-ჯერსის ქალაქ პრინსტონში, სადაც პრინსტონისი უნივერსიტეტის შემოქმედებითი წერის ფაკულტეტზე ასწავლიდა.

2018 წელს იუჯინიდისი ნიუ-იორკის უნივერსიტეტში შემოქმედებითი წერლის პროფესორი გახდა.

სამწერლო მოღვაწეობა

მიდლსექსი

„მიდლსექსი“ იუჯინიდისის მეორე რომანია, რომელიც 2002 წელს გამოქვეყნდა, 2003 წელს კი მიენიჭაპულიცერის პრემია მხატვრულ ლიტერატურაში. აგრეთვე წარდგენილი იყო წიგნის კრიტიკოსთა ეროვნული წრის, მედიჩისა და დუბლინის საერთაშორისო ლიტერატურულ პრემიებზე. რომანი კალიოპე, იგივე კალ სტეფანიდისის ცხოვრებისა და თვითშემეცნების გზაზე მოგვითხრობს, რომელიც გოგოდ აღიზარდა, თუმცა გენეტიკურად ბიჭია. ნაწარმოები იკვლევს ინტერსექსუალური ადამიანის გამოცდილებას აშშ-ში. მასში ასევე ასახულია ბერძენ ემიგრანტთა გამოცდილება აშშ-ში და ქალაქ დეტროიტის აღმავლობა და დაცემა.

ჯილდოები და აღიარება

• 1986 — კინემატოგრაფიული ხელოვნებისა და მეცნიერების აკადემიის ნიკოლის სტიპენდია
• 1991 — აგა ხანის პრემია რომანისთვის „თვითმკვლელი ქალწულები“
• 1993 — უაითინგის პრემია
• 1995 — გუგენჰაიმის სტიპენდია
• 1994-1996 — მაკდოუელის სტიპენდია
• 2000-2001 — ბერლინის პრემია
• 2002 — წიგნის კრიტიკოსთა ეროვნული წრის პრემიის ფინალისტი (რომანისთვის მიდლსექსი)
• 2003 — პულიცერის პრემია მხატვრულ ლიტერატურაში (რომანისთვის მიდლსექსი)
• 2003 — Die Welt-ის პრემია
• 2004 — დუბლინის საერთაშორისო ლიტერატურული პრემიის ნომინაცია (რომანისთვის მიდლსექსი)

ნაშრომები

რომანები

• თვითმკვლელი ქალწულები New York : Hachette Book Group, 1993. ISBN 9780446670258, OCLC 678684783
• მიდლსექსი New York, New York : Random House, 2002. ISBN 9780374199692, OCLC 779600800 პულიცერის პრემია მხატვრულ ლიტერატურაში;
• The Marriage Plot London : Fourth Estate, 2011. ISBN 9780007441297, OCLC 751711083

მოთხრობების კრებულები

• ახალი სარჩელი New York : Farrar, Straus and Giroux, 2017. ISBN 9780374717384, OCLC 1004663495. შეიცავს ათ მოთხრობას:
  • „მოსარჩელეები“ (2017)
  • „საჰაერო შეტყობინება“ (1996)
  • „ბასტერი“ (The New Yorker, 1996)
  • "ადრეული მუსიკა" (The New Yorker, 2005)
  • „Timeshare“
  • „იპოვე ცუდი ბიჭი“ (The New Yorker, 2013)
  • „ორაკულის ვულვა“ (1999)
  • „ცვალებადი ბაღები“ (The Gettysburg Review, 1988)
  • „დიდი ექსპერიმენტი“ (The New Yorker, 2008)
  • „ახალი მოსარჩელე“ (2017)

მოთხრობები

მოთხრობები, რომლებიც კრებულში არაა შესული.

• „სპერმის სიჩქარე“. Granta (54 (Best of Young American Novelists)). Summer 1996. (გამოწერა სავალდებულოა)
• „ჩემი ბებია-ბაბუის გენეტიკური ისტორია“ (The New Yorker, 1997)
• „სმირნის ხანძარი“ (The New Yorker, 1998)
• „ანტიკური მითები“ (The Spatial Uncanny, James Casebere, Sean Kelly Gallery, 2001)
• „ამოუცნობი ობიექტი“ (The New Yorker, 2002)
• „ექსტრემალური მარტოობა“ (The New Yorker, 2010)
• „მძინარე ბატონი“ (The New Yorker, 2011)
• „ბრინჯაო“ (The New Yorker, 2018)

რესურსები ინტერნეტში

ვიკისაწყობში არის გვერდი თემაზე:

ჯეფრი იუჯინიდისი

• Jeffrey Eugenides, Princeton University Creative Writing Program
• Articles by Jeffrey Eugenides on the 5th Estate blog
• Works by Jeffrey Eugenides on The New Yorker
• "Great Experiment", The New Yorker, 31 March 2008
• Read "Extreme Solitude" story in New Yorker
• ჯეფრი იუჯინიდისი კინოფილმების ინტერნეტ-მონაცემთა ბაზაში
• Profile at The Whiting Foundation
• 2012 Whiting Writers' Award Keynote Speech დაარქივებული 2015-09-04 საიტზე Wayback Machine.

ინტერვიუები

• Video of Eugenides with Salman Rushdie, "LIVE", New York Public Library, June 27, 2008
• Video of Eugenides with Daniel Kehlmann, PEN World Voices, May 4, 2008
• Fresh Air, "Interview with Terry Gross", WHYY, aired on 2002-09-24
• James Gibbons (Winter 2011). „Jeffrey Eugenides, The Art of Fiction No. 215“. Paris Review.
• "Interview", 3am Magazine, 2003
• Salon.com interview დაარქივებული 2011-08-12 საიტზე Wayback Machine.
• "Interview", Guardian Unlimited Books
• Editor & Author, Jonathan Galassi and Jeffrey Eugenides "Works in Progress", 21 July 2010
• A Conversation with Jeffrey Eugenides "Oprah", 5 June 2007
• Nine Years After Middlesex "Wall Street Journal", 30 September 2011
• Interview: Jeffrey Eugenides on writing in C major "LA Times", 29 October 2011
• Marriage, plot and Jeffrey Eugenides – 2012 Brisbane Writers Festival – (Interview and Q&A) – Australian Broadcasting Corporation
• Jeffrey Eugenides: The Excitement of Writing – 2012 Louisiana Literature festival – Video by Louisiana Channel.