ელენე ყიფშიძე

ელენე ყიფშიძე
ელენე ყიფშიძე
დაბადების თარიღი	5 თებერვალი, 1925; თბილისი, საქართველოს სსრ, ასფსრ, სსრკ
გარდაცვალების თარიღი	1 აგვისტო, 2004 (79 წლის)
დაკრძალულია	დიდუბის პანთეონი
ეროვნება	ქართველი
მოქალაქეობა	სსრკ →; საქართველო
ალმა-მატერი	შოთა რუსთაველის სახელობის სახელმწიფო თეატრალური ინსტიტუტი
პროფესია	მსახიობი
აქტიური	1948–2004
ჯილდოები

სხვა მნიშვნელობებისთვის იხილეთ ყიფშიძე.

ელენე ყიფშიძე (დ. 5 თებერვალი, 1925, თბილისი, საქართველოს სსრ, სსრკ — გ. 1 აგვისტო, 2004) — ქართველი მსახიობი. საქართველოს სახალხო არტისტი (1973), ღირსების ორდენის კავალერი (1999).

ბიოგრაფია

1948 წელს დაამთავრა შოთა რუსთაველის სახელობის სახელმწიფო თეატრალური ინსტიტუტი.

1948 წლიდან იყო კოტე მარჯანიშვილის სახელობის სახელმწიფო თეატრის მსახიობი. ქმნიდა ჰეროიკულ დრამატულ და კომედიურ სახეებს, რომლებიც გამსჭვალული იყო დიდი შინაგანი სითბოთი, ადამიანურობით, გულწრფელობით, უშუალობით, მგზნებარე ტემპერამენტით, გამოირჩევა მუსიკალობითა და დიდი სცენური მომხიბვლელობით. მის მიერ შესრულებული როლებიდან აღსანიშნავია: ნუცკია (მ. მრევლიშვილის „ხარატაანთ კერა“), ლილი (ვ. გაბესკირიას „გაზაფხულის დილა“), ვიოლა (უ. შექსპირის „მეთორმეტე ღამე“), მაია (ვ. კანდელაკის „მაია წყნეთელი“), სონა, კეკელა („ძველი ვოდევილები“), ფოფია (კ. ბუაჩიძის „ეზოში ავი ძაღლია“), მაგდა (ო. ჩხეიძის „ვისია ვისი?!“), მარგო (ლ. როსებას „პრემიერა“) და სხვ. გადაღებულია ფილმებში: „ჩარი რამა“, „თოჯინები იცინიან“, „ბოდიში, თქვენ გელით სიკვდილი“, „ასი გრამი გამბედაობისათვის“ და სხვ. მონაწილეობდა რადიო და ტელეგადაცემებში. მიღებული აქვს სახელმწიფო ჯილდოები.

გარდაიცვალა 2004 წელს 79 წლის ასაკში. დაკრძალულია დიდუბის პანთეონში.

ფილმოგრაფია

1961: „ჭიაკოკონა“ რეჟ. იური ქავთარაძე
1961: „კეთილი ადამიანები“ (ცნობათა ბიუროს თანამშრომელი) რეჟ. შოთა მანაგაძე
1962: „პიანისტი“ (პიანისტი) რეჟ. ნიკოლოზ სანიშვილი
1964: „გზაში“ (ქალი) რეჟ. ნანა მჭედლიძე
1965: „პიერი მილიციის თანამშრომელი“ (მობინადრე) რეჟ. დავით რონდელი
1965: „რაც გინახავს, ვეღარ ნახავ“ (სტუმარი) რეჟ. მიხეილ ჭიაურელი
1965: „ბოდიში, თქვენ გელით სიკვდილი“ (ელეონორა) რეჟ. ყარამან (გუგული) მგელაძე
1965: „მე ვხედავ მზეს“ (ქსენია) რეჟ. ლანა ღოღობერიძე
1966: „შეხვედრა მთაში“ რეჟ. ნიკოლოზ სანიშვილი
1967: „მალე გაზაფხული მოვა“ რეჟ. ოთარ აბესაძე
1972: „ჩარი რამა“ (ქსენია) რეჟ. ნიკოლოზ სანიშვილი
1973: „მზე შემოდგომისა“ (ეკას მეზობელი) რეჟ. თემურ ფალავანდიშვილი
1975: „ივანიკა და სიმონიკა“ (მონადირე ცოლი) რეჟ. პავლე ჩარკვიანი
1979: „მედეა“ რეჟისორები გიორგი ალექსიძე, ელგუჯა ჟღენტი
1984: „ამბავი სურემის ციხისა“ რეჟისორები დოდო აბაშიძე, სერგო (სარგის) ფარაჯანოვი
1984: „ადამიანთა სევდა“ რეჟ. გოდერძი ჩოხელი
1986: „თოვლის ბაბუა“ (დირექტორი) რეჟ. მიხეილ ანთაძე
1987: „ბრავო, ალბერ ლოლიშ!“ რეჟ. მერაბ თავაძე

ნათამაშები როლები

მარჯანიშვილის თეატრი

მიხეილ მრევლიშვილის „ხარატაანთ კერა“ (ნუცკია)
ვიქტორ გაბესკირიას „გაზაფხულის დილა“ (ლილი)
უილიამ შექსპირის „მეთორმეტე ღამე“ ( ვიოლა)
ვალერიან კანდელაკის „მაია წყნეთელი“ ( მაია)
ავქსენტი ცაგარელი, აკაკი წერეთელი, ქაქუცა ბახუტაშვილი „ძველი ვოდევილები“ (სონა, კეკელა )
კიტა ბუაჩიძის „ეზოში ავი ძაღლია“ (ფოფია)
ოთარ ჩხეიძის „ვისია ვისი?!“ (მაგდა)
ლალი როსებას „პრემიერა“ (მარგო)

ჯილდოები, პრემიები და პრიზები

ლიტერატურა

ცუცქირიძე შ., ქართული საბჭოთა ენციკლოპედია, ტ. 10, თბ., 1986. — გვ. 656.
ენციკლოპედია „თბილისი“, გვ. 913, თბ., 2002.