ჟვანიას კაბინეტი წარმოადგენს 2004 წლის 4 იანვარს ჩატარებული რიგგარეშე არჩევნების შედეგად დაკომპლექტებულ მინისტრთა კაბინეტს. 2004 წლის 6 თებერვალს მიღებული საკონსტიტუციო ცვლილებებით აღდგენილ იქნა პრემიერმინისტრის თანამდებობა, რის შედეგადაც 2004 წლის 17 თებერვალიდან პრემიერმინისტრის პოსტი დაიკავა გაერთიანებული დემოკრატების ლიდერმა ზურაბ ჟვანიამ.[1] საკონსტიტუციო ცვლილებებით ასევე შეიქმნა მინისტრებით დაკომპლექტებული მთავრობა, პრემიერმინისტრის ხელმძღვანელობით. აღსანიშნავია, რომ ახალი კონსტიტუციის მიხედვით, ძალოვანი მინისტრები არა პრემიერმინისტრის, არამედ პრეზიდენტის უფლებამოსილებას ექვემდებარებოდნენ. პრეზიდენტს შეეძლო ასევე მთავრობის დამოუკიდებლად მოწვევა და წარმართვა. 2005 წელს, ზურაბ ჟვანიას მოულოდნელი გარდაცვალების შემდეგ პრემიერმინისტრის თანამდებობა ფინანსთა მინისტრმა ზურაბ ნოღაიდელმა დაიკავა.[1]
↑ 1.01.1მაცაბერიძე, მალხაზ (2019). "საქართველოს პოლიტიკური სისტემა". თბილისი: ივანე ჯავახიშვილის სახელობის თბილისის სახელმწიფო უნივერსიტეტის გამომცემლობა ISBN 978-9941-13-830-0
.jpg)
.jpg)
.jpg)
.jpg)
