ზურაბ ნოღაიდელი

საქართველოს პრემიერ-მინისტრი (2.2005-11.2007)
Disambig-dark.svg სხვა მნიშვნელობებისთვის იხილეთ ნოღაიდელი.

ზურაბ ნოღაიდელი (დ. 22 ოქტომბერი, 1964, ქობულეთი) — ქართველი პოლიტიკოსი, საქართველოს პრემიერ-მინისტრი 2005 წლის თებერვლიდან 2007 წლის ნოემბრამდე.

ზურაბ ნოღაიდელი
Zurab Nogaideli.jpg
დაბადების თარიღი 22 ოქტომბერი 1964(1964-10-22) (56 წლის)
დაბადების ადგილი ქობულეთი, საქართველოს სსრ–ის დროშა საქართველოს სსრ, საბჭოთა კავშირის დროშა სსრკ
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება მოსკოვის ლომონოსოვის სახელობის სახელმწიფო უნივერსიტეტი
ეროვნება ქართველი
ჯილდოები წმინდა გიორგის სახელობის გამარჯვების ორდენი

ბიოგრაფიარედაქტირება

1988 წელს დაამთავრა მოსკოვის ლომონოსოვის სახელობის სახელმწიფო უნივერსიტეტის ფიზიკის ფაკულტეტი. 1988-1989 წლებში საქართველოს მეცნიერებათა აკადემიის ვახუშტის სახელობის გეოგრაფიის ინსტიტუტის უფროსი ლაბორანტი. 1989-1990 წლებში ესტონეთის მეცნიერებათა აკადემიის გეოლოგიის ინსტიტუტის სტაჟიორი. 1989-1992 წლებში მუშაობდა საქართველოს მეცნიერებათა აკადემიის ბათუმის ნიკო ბერძენიშვილის სახელობის სამეცნიერო კვლევითი ინსტიტუტის უმცროს მეცნიერ თანამშრომლად, მეცნიერ-თანამშრომლად, ლაბორატორიის ხელმძღვანელად.1992-1995 წლებში იყო საქართველოს მე-3 მოწვევის პარლამენტის წევრი პარტიული სიით, საარჩევნო ბლოკი „ საქართველოს მწვანეთა პარტია “, საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე. 1995-1999 წლებში იყო საქართველოს მე-4 მოწვევის პარლამენტის წევრი პარტიული სიით, საარჩევნო ბლოკი „საქართველოს მოქალაქეთა კავშირი“. 1996-1997 წლებში აჭარის ავტონომიური რესპუბლიკის უზენაესი საბჭოს წევრი. 1999 წლის ნოემბრიდან — 2000 წლის მაისამდე იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი „საქართველოს მოქალაქეთა კავშირი“, გადასახადებისა და შემოსავლების კომიტეტის თავმჯდომარე. 2000, მაისი - 2001, 1 ნოემბერისაქართველოს ფინანსთა მინისტრი. 2002-2003 წლებში სააქციო საზოგადოების „სახალხო ბანკი“ სამეთვალყურეო საბჭოს წევრი. 2003, აპრილი - ნოემბერი — სოლიდარული პასუხისმგებლობის საზოგადოების „დამენია, ვარშალომიძე, ნოღაიდელი და ქავთარაძე“ პარტნიორი. 2003, ნოემბერი - 2005, თებერვალი —- საქართველოს ფინანსთა მინისტრი.

საქართველოს პრემიერ-მინისტრირედაქტირება

2005 წელს ზურაბ ჟვანიას მოულოდნელი დაღუპვის შემდეგ საქართველოს პრეზიდენტმა, მიხეილ სააკაშვილმა ნოღაიდელი დანიშნა საქართველოს პრემიერ-მინისტრად. ამ პოსტზე ნოღაიდელმა 2007 წლის 16 ნოემბრამდე იმუშავა.

ამის შემდეგ ის დროებით ჩამოშორდა პოლიტიკას და კახა კალაძის ბიზნესს ჩაუდგა სათავეში. 2008 წლის შემოდგომაზე ნოღაიდელმა პოლიტიკაში დაბრუნება გადაწყვიტა და დაიწყო პარტიის - მოძრაობა სამართლიანი საქართველოსთვის - ჩამოყალიბება. ნოღაიდელის პარტიის მიზანი ვადამდელი საპარლამენტო არჩევნების ჩატარებაა. ის განსაკუთრებით აქტიურობს აჭარასა და გურიაში. 2010 წლის 23 დეკემბერს პარტიის რიგგარეშე ყრილობამ[1][2][3] ზურაბ ნოღაიდელი პარტიის თავმჯდომარის პოსტიდან გადააყენა ფინანსური პრობლემის გამო, თუმცა დავალიანების გასტუმრებამდე გამგეობის რიგით წევრად დატოვა[4][5]. მოგვიანებით ზურაბ ნოღაიდელმა განცხადება გააკეთა ახალი მოძრაობის დაფუძნებასთან დაკავშირებით[6].

რესურსები ინტერნეტშირედაქტირება

სქოლიორედაქტირება

  1. „მოძრაობა „სამართლიანი საქართველოსთვის“ წევრები რიგგარეშე ყრილობას გამართავენ“. რუბრიკა პოლიტიკა. კახეთის საინფორმაციო ცენტრი. 2010-12-22. ციტირების თარიღი: 2011-01-10. |publisher=-ში არის გარე ბმული (დახმარება)
  2. „”მოძრაობა სამართლიანი საქართველოსთვის” რიგგარეშე ყრილობას 23 დეკემბერს გამართავს“. ნიუსი, რუბრიკა პოლიტიკა. პირველი არხი. 2010-12-21. ციტირების თარიღი: 2011-01-10.
  3. „ნატო ხოხიაშვილი: "მოძრაობის სამართლიანი საქართველოსთვის" რიგგარეშე ყრილობის ჩატარება საკუთარი სახსრებით უზრუნველვყავით". საინტერესო სააგენტო პირველი. 2010-12-23. ციტირების თარიღი: 2011-01-10. |publisher=-ში არის გარე ბმული (დახმარება)
  4. „ჭადრაკის სასახლეში "სამართლიანი საქართველოსთვის" რიგგარეშე ყრილობა მიმდინარეობს“. ნიუსი > პოლიტიკა. GeoNews.ge. 2010-12-23. ციტირების თარიღი: 2011-01-10. |publisher=-ში არის გარე ბმული (დახმარება)
  5. „ზურაბ ნოღაიდელს პარტიის თავმჯდომარის პოსტი ოფიციალურად დაატოვებინეს“. საინფორმაციო სააგენტო ინტერპრესნიუსი. 2011-01-11. ციტირების თარიღი: 2011-01-11. |publisher=-ში არის გარე ბმული (დახმარება)
  6. „ნოღაიდელი ახალი პოლიტიკური მოძრაობის დაფუძნებას აპირებს“. Daily News Online. Civil.Ge, ახალი ამბები საქართველოდან. ციტირების თარიღი: 2011-01-14. |publisher=-ში არის გარე ბმული (დახმარება)


წინამორბედი:
ზურაბ ჟვანია
საქართველოს პრემიერ-მინისტრი
2005 – 2007
შემდეგი:
ლადო გურგენიძე