ვიკიპედია

მარი სკლოდოვსკა-კიური

მარი სკლოდოვსკა-კიური (პოლ. Maria Skłodowska-Curie დაიბადა, როგორც მარი სალომეა სკლადოვსკა; დ. 7 ნოემბერი, 1867, ვარშავა — გ. 4 ივლისი, 1934, სანსელმო, სავოია) — ფრანგი პოლონელი ფიზიკოსი და ქიმიკოსი.

მარი სკლოდოვსკა-კიური
ფრანგ. Marie Curie
პოლ. Maria Skłodowska-Curie
დაბ. თარიღი 7 ნოემბერი, 1867(1867-11-07)[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21]
დაბ. ადგილი ვარშავა, პოლონეთის სამეფო, რუსეთის იმპერია[1] [2] [3] [22]
გარდ. თარიღი 4 ივლისი, 1934(1934-07-04)[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] (66 წლის)
გარდ. ადგილი სანსელმო, Passy[1] [3]
დასაფლავებულია პარიზის პანთეონი
მოქალაქეობა საფრანგეთი[23] [22]
რუსეთის იმპერია
 პოლონეთის მეორე რესპუბლიკა[24] [25] [26] [22]
ეროვნება პოლონელები
საქმიანობა ფიზიკოსი[18] [22] , ქიმიკოსი[27] [23] [28] [22] და უნივერსიტეტის პროფესორი
მუშაობის ადგილი პარიზის უნივერსიტეტი, სორბონა და კიურის ინსტიტუტი
ალმა-მატერი პარიზის უნივერსიტეტის სამეცნიერო ფაკულტეტი, Flying University, პარიზის უნივერსიტეტი, X LO im. Królowej Jadwigi in Warsaw, პარიზის უნივერსიტეტი და პარიზის უნივერსიტეტი
განთქმული მოსწავლეები ელენ გლედიჩი[29] და ირენ ჟოლიო-კიური[29]
სამეცნიერო ხარისხი licentiate და დოქტორის ხარისხი
მეუღლე პიერ კიური[4] [22]
მამა ვლადისლავ სკლოდოვსკი
დედა Bronisława Skłodowska
შვილ(ებ)ი ირენ ჟოლიო-კიური[22] და ევა კიური[22]
ნათესავ(ებ)ი Helena Dłuska, Kazimierz Dłuski, Jacques Curie, Eugène Curie, Sophie-Claire Depouilly და Józef Boguski
ჯილდოები ნობელის პრემია ქიმიაში[30] [31] [32] , ნობელის პრემია ფიზიკაში[33] [31] , უილარდ გიბსის ჯილდო[34] , კრაკოვის იაგელონიის უნივერსიტეტის საპატიო დოქტორი[35] , ჯონ სკოტის მედალი[36] , ელიოტ კრესონის მედალი[37] , დევის მედალი[38] , მატეუჩის მედალი, აქტონის პრემია, ალბერტის მედალი[39] , გეგნერის პრიზი, ბენჯამინ ფრანკლინის მედალი, თეთრი არწივის ორდენი, Cameron Prize of the University of Edinburgh, საპატიო ლეგიონის ორდენის კავალერი და ახალი ზელანდიის სამეფო საზოგადოების საპატიო წევრი[40]
ხელმოწერა

ბიოგრაფია

რედაქტირება

მარი სკლოდოვსკა დაიბადა ვარშავაში 1867 წელს, თავის დროს ცნობილი მათემატიკის მასწავლებლის ოჯახში.

1883 წელს დაამთავრა ვარშავის გიმნაზია, 1895 კი — პარიზის ჩობორნის უნივერსიტეტი, სადაც ის ქიმიას ეუფლებოდა ცნობილ ლეშატელლიეს ხელმძღვანელობით. ცოლად გაჰყვა პიერ კიურის და მუშაობა დაიწყო მის ლაბორატორიაში, ინდუსტრიულ ფიზიკისა და ქიმიის სკოლაში.

როდესაც 1896 წელს ფრანგმა მეცნიერმა ანტუან ანრი ბეკერელმა აღმოაჩინა ურანის რადიოაქტიურობა, შემჩნეულ იქნა, რომ ურანის ყველა მადანის რადიოაქტივობა მათში ურანის მარილების შემცველობის პროპორციულია. გამონაკლისს წარმოადგენდა მხოლოდ ურანის ფისოვანი მადანი იოხიმსტალიდან. აღნიშნული მინერალი რამდენჯერმე უფრო რადიოაქტიური იყო ურანის სხვა მადნებთან შედარებით, რის გამოც გაჩნდა ეჭვი, რომ აღნიშნული მადანი შეიცავდა ურანის გარდა სხვა რადიოაქტიულ ნივთიერებასაც.

ბეკერელის წინადადებით სკლოდოვსკაია-კიური შეუდგა იოხიმსტალის მადნის შესწავლას და გამოჰყო მისგან ახალი რადიოაქტიური ელემენტი, რომელიც თან ახლდა ბისმუტს და რომელსაც კიურიმ თავის სამშობლოს პატივსაცემად პოლონიუმი უწოდა.

ურანის საღებავების ნარჩენების ანალიზის დროს კიურიმ შეამჩნია, რომ ამ ნარჩენებიდან დალექილი ბარიუმი ძლიერ რადიოაქტიულ თვისებებს იჩენდა. ვინაიდან ბარიუმი არ იყო რადიოაქტიური ნივთიერება, კიურიმ დაასკვნა, რომ იგი შეიცავდა რადიოაქტიურ ნივთიერებას, რომელიც მან შემდეგში გამოჰყო და რადიუმი უწოდა.

1903 დაიცვა სადოქტორო დისერტაცია თემაზე: „ რადიოაქტიურ ნივთიერებათა გამოკვლევა“ . პ. კიურის სიკვდილის შემდეგ (1906) დაიკავა მისი კათედრა პარიზის უნივერსიტეტში. იყო ამ უნივერსიტეტის პირველი პროფესორი ქალი. 1914 წლიდან ხელმძღვანელობდა პარიზის რადიუმის ინსტიტუტის ფიზიკა-ქიმიის განყოფილებას. აქ მასთან მუშაობდნენ თავისი ქალიშვილი ირენ ჟოლიო-კიური და ფრედერიკ ჟოლიო-კიური.

მარი სკლოდოვსკა-კიურის შრომები რადიოაქტიურ ნივთიერებათა შესწავლის შესახებ საფუძვლად დაედო ფიზიკისა და ქიმიის ახალ დარგებს. 1898 წლის ივლისში ცოლ-ქმარმა კიურებმა აღმოაჩინეს ახალი ქიმიური ელემენტი პოლონიუმი, ხოლო ამავე წლის დეკემბერში — რადიუმი. 1902 წელს მარი სკლოდოვსკა-კიურიმ მიიღო რადიუმის სუფთა მარილის დეციგრამი, რამაც მას საშუალება მისცა განესაზღვრა რადიუმის ატომური მასა, დაედგინა მისი ზოგიერთი ფიზიკური და ქიმიური თვისება, აგრეთვე მისი ადგილი ელემენტთა პერიოდულ სისტემაში. 1910 წელს სკლოდოვსკა-კიურიმ ფრანგ ფიზიკოს ა. დებიერნთან ერთად მიიღო ლითონური რადიუმი და განმეორებით დიდი სიზუსტით განსაზღვრა მისი ატომური მასა. 1911 წელს მან პირველმა მოამზადა რადიუმის ეტალონი, რომელიც 24 წლის განმავლობაში მსოფლიოში ერთადერთი იყო. შრომები აქვს აგრეთვე რადიოლოგიისა და რენტგენოლოგიის საკითხებზე. 1914 წელს რენტგენოლოგიურად გამოიკვლია დაჭრილები ჰოსპიტლებში, იყო პარიზის სამედიცინო აკადემიის პირველი წევრი ქალთა შორის (აირჩიეს 1922).

სკლოდოვსკა-კიურის ორჯერ მიენიჭა ნობელის პრემია: 1903 (ფიზიკაში: პიერ კიურისა და ბეკერელთან ერთად) და 1911 (ქიმიაში). იყო მსოფლიოს მრავალი აკადემიის და სამეცნიერო საზოგადოების წევრი, მათ შორის პეტერბურგის მეცნიერებათა აკადემიის წევრ-კორესპონდენტი (1907) და სსრკ მეცნიერებათა აკადემიის საპატიო წევრი (1926). 1923 წლიდან საპატიო დირექტორი იყო ვარშავის რადიუმის ინსტიტუტისა, რომელიც მისი ინიციატივით შეიქმნა.

ლიტერატურა

რედაქტირება

რესურსები ინტერნეტში

რედაქტირება

სქოლიო

რედაქტირება
  1. ↑ 1.0 1.1 1.2 1.3 Рожанский И. Д. Склодовская-Кюри Мария // Большая советская энциклопедия: [в 30 т.] / под ред. А. М. Прохорова — 3-е изд. — Москва: Советская энциклопедия, 1976. — Т. 23 : Сафлор — Соан. — С. 512.
  2. ↑ 2.0 2.1 2.2 კრუგოსვეტი — 2000.
  3. ↑ 3.0 3.1 3.2 3.3 Encyclopædia Britannica
  4. ↑ 4.0 4.1 4.2 Bibliothèque nationale de France BnF authorities: პლატფორმა ღია მონაცემები — 2011.
  5. ↑ 5.0 5.1 SNAC — 2010.
  6. ↑ 6.0 6.1 Biographie Nationale de Belgique / Académie royale des sciences, des lettres et des beaux-arts de Belgique — BXL.
  7. ↑ 7.0 7.1 KNAW Past Members
  8. ↑ 8.0 8.1 FemBio database
  9. ↑ 9.0 9.1 ბროკჰაუზის ენციკლოპედია
  10. ↑ 10.0 10.1 ბროკჰაუზის ენციკლოპედია
  11. ↑ 11.0 11.1 Gran Enciclopèdia Catalana — Grup Enciclopèdia, 1968.
  12. ↑ 12.0 12.1 GeneaStar
  13. ↑ 13.0 13.1 Roglo — 1997. — 10000000 ეგზ.
  14. ↑ 14.0 14.1 Internetowy Polski Słownik Biograficzny
  15. ↑ 15.0 15.1 Pas L. v. Genealogics — 2003.
  16. ↑ 16.0 16.1 Proleksis enciklopedija, Opća i nacionalna enciklopedija — 2009.
  17. ↑ 17.0 17.1 Babelio — 2007.
  18. ↑ 18.0 18.1 18.2 The Fine Art Archive
  19. ↑ 19.0 19.1 Académie nationale de médecine
  20. ↑ 20.0 20.1 Base biographique — BIU Santé.
  21. ↑ 21.0 21.1 Munzinger Personen
  22. ↑ 22.0 22.1 22.2 22.3 22.4 22.5 22.6 22.7 Catalog of the German National Library
  23. ↑ 23.0 23.1 http://www.nndb.com/event/068/000086807/
  24. ↑ http://www.nytimes.com/1995/04/21/world/marie-curie-enshrined-in-pantheon.html
  25. ↑ http://www.nytimes.com/2010/12/22/books/22book.html
  26. ↑ http://collection.britishmuseum.org/id/person-institution/146156
  27. ↑ http://www.nndb.com/edu/746/000068542/
  28. ↑ http://www.nndb.com/lists/426/000072210/
  29. ↑ 29.0 29.1 Venkatraman V. Curie’s intellectual offspring The Elements of Marie Curie: How the Glow of Radium Lit a Path for Women in Science Dava Sobel Atlantic Monthly Press, 2024. 336 pp. // Science / H. Thorp — Northern America: AAAS, 2024. — Vol. 386, Iss. 6719. — P. 278–278. — ISSN 0036-8075; 1095-9203 — doi:10.1126/SCIENCE.ADR2515
  30. ↑ http://www.nobelprize.org/nobel_prizes/chemistry/laureates/1911/
  31. ↑ 31.0 31.1 https://www.nobelprize.org/nobel_prizes/about/amounts/
  32. ↑ https://www.nobelprize.org/uploads/2018/06/curie_diploma.jpg
  33. ↑ The Nobel Prize in Physics 1903 — Nobel Foundation.
  34. ↑ https://chicagoacs.org/Willard_Gibbs_Award
  35. ↑ http://www.archiwum.uj.edu.pl/kartki-z-dziejow-uniwersytetu-jagiellonskiego/-/journal_content/56_INSTANCE_25Bq/1445705/136370890
  36. ↑ https://thejohnscottaward.github.io/jsc/1901-1950.html
  37. ↑ https://www.fi.edu/laureates/marie-curie
  38. ↑ Award winners : Davy Medal
  39. ↑ https://www.thersa.org/about/albert-medal/past-winners
  40. ↑ https://www.royalsociety.org.nz/who-we-are/our-people/our-fellows/all-honorary-fellows/
მოძიებულია „https://ka.wikipedia.org/w/index.php?title=მარი_სკლოდოვსკა-კიური&oldid=4680524“-დან