თემიდა (ძვ. ბერძნ. Θέμις, Θέμιδος, ლათ. Themis) — მართლმსაჯულებისა და სამართლიანობის ქალღმერთი ძველ ბერძნულ მითოლოგიაში.

თემიდა ნემესის ტაძრიდან, რამნუსი. სკულპტორი: ჩარესტრატოსი. დაახლოებით 300 წელი ჩვენს წელთაღრიცხვამდე.

ურანოსისა და გეას ასული, ზევსის ცოლი. თემისი წინასწარმეტყველი იყო და კაცთა მოდგმას ზევსის ნებასურვილს აუწყებდა.

რომაულ მითოლოგიაში მის ანალოგისაგან, იუსტიციასგან განსხვავებით, მიუმხრობლობისა და ნეიტრალურობის ნიშნად თვალახვეულს გამოსახავდნენ, თემიდა ფართოდგახელილი თვალებით იყო წარმოდგენილი, რათა სიმართლე კარგად დაენახა.

იუსტიციასა და თემიდას შორის ამ მნიშვნელოვან განსხვავებაზე დღეს ხშირად მიუთითებენ, როდესაც სამართლისა და სამართლიანობის სხვადასხვაგვარ გაგებაზე საუბრობენ[1]. თემიდა წარმოდგენილი იყო სიუხვის რქითა და სასწორით ხელში.

ხშირად იურისტებსა და მოსამართლეებს თემიდას მსახურს უწოდებენ.

ლიტერატურარედაქტირება

  • ქსე, ტ. 4, გვ. 650-651, თბ., 1979

რესურსები ინტერნეტშირედაქტირება

  ვიკისაწყობში არის გვერდი თემაზე: თემიდა

სქოლიორედაქტირება

  1. გ. ხუბუა, სამართლის თეორია, გვ. 67, ნაწ. 185