თეია

თეია, თეა (ძვ. ბერძნ. Θεία — „ქალღმერთი“) — ბერძნული მითოლოგიის მიხედვით, ერთ-ერთი ტიტანიდი, ურანოსის და გეას უფროსი ასული. ტიტან ჰიპერიონის და და მეუღლე, პირველი მთვარის ქალღმერთი. გაუმიჯნურდა ჰიპერიონს და შვა დიადი მზე (ჰელიოსი), კაშკაშა მთვარე (სელენე) და აისი (ეოსი), რომელიც ყველა მიწიერისა და უკიდეგანო ზეცის მფლობელი უკვდავი ღმერთისთვის პირველ სინათლეს ჰფენს ქვეყნიერებას.

პერგამონის საკურთხევლის ფრიზში (ბერლინი), ქალღმერთი, რომელიც ჰელიოსის ზურგს უკან ბრძოლობს არის თეია.

რესურსები ინტერნეტში

• თეია, უნივერსალური ენციკლოპედიური ლექსიკონი.
• თეია, ბერძნული მითოლოგია.