ზინობიანი

ზინობიანი
სოფელი
	ზინობიანი;
ქვეყანა	საქართველო
მხარე	კახეთის მხარე
მუნიციპალიტეტი	ყვარლის მუნიციპალიტეტი
თემი	ჭიკაანი
კოორდინატები	41°53′49″ ჩ. გ. 45°55′59″ ა. გ. / 41.89694° ჩ. გ. 45.93306° ა. გ.
ცენტრის სიმაღლე	340 მ
მოსახლეობა	337 კაცი (2014)
ეროვნული შემადგენლობა	ქართველები 49,0 %; უდიები 48,7 %; რუსები 1,8 %
სასაათო სარტყელი	UTC+4
სატელეფონო კოდი	+995
	ზინობიანი ვიკისაწყობში

ზინობიანი (ყოფ. ოქტომბერი) — სოფელი საქართველოში, ყვარლის მუნიციპალიტეტში (ჭიკაანის თემი), ალაზნის ვაკეზე. მდინარე ავანისხევის (ალაზნის მარცხენა შენაკადი) მარჯვენა მხარეს. ზღვის დონიდან 340 მეტრი, ყვარლიდან 12 კილომეტრი.

ისტორია

1920-იანი წლების დასაწყისში აზერბაიჯანის ნუხის მაზრაში მომხდარი ქრისტიანთა დარბევის შედეგად დაზარალდნენ, როგორც ვართაშნელი სომეხი (მონოფიზიტი) უდიები ისე ქართველი (დიოფიზიტი) უდიებიც.^[2]

1922 წელს ქართველი უდიები აზერბაიჯანიდან საქართველოში გადმოსახლდნენ. გავაზის რაიონში მათ დაურიგდათ მიწები, ნაწილობრივ, მანამდე გადმოსახლებული იმერლებისა და ოსების მიწებიც, რომლზეც მალევე წარმოიქმნა სოფელი „ზინობიანი“.^[3]

1925 წლის ოქტომბერში საქართველოს სახკომსაბჭომ გამოიყო 3000 მანეთი ზინობიანში სკოლის ასაშენებლად.^[4]

1932 წლის ალ. ჯავახიშვილის ხელმძღვანელობით გამოცემულ ქართულ რუკაზე (1:200 000) დატანილია სოფელი ზინობიანი. 1938 წლის 16 ნოემბერს ყვარლის რაიონის სოფელ ზინობიანს ეწოდა სახელი „ოქტომბერი“.^[5] სოფელს ძველი სახელი „ზინობიანი“ დაუბრუნდა 2010 წლის 16 ნოემბერს.^[6]

უდიები

სოფელი ზინობიანი საქართველოში მცხოვრები უდიების განსახლების მთავარი ადგილია. უდიები კავკასიელი ალბანელების შთამომავლებად მიიჩნევიან. საქართველოში უდიები 1920-იან წლებში გადმოსახლდნენ. მათ ემიგრაციას ზინობი სილიკაშვილი ხელმძღვანელობდა. სწორედ აქედან მოდის სოფელ ზინობიანის სახელი. 1937 წელს საბჭოთა კავშირში მიმდინარე რეპრესიების დროს სილიკაშვილი დააპატიმრეს და სოფელს „ოქტომბერი“ დაერქვა. საბჭოთა კავშირის დაშლის შემდეგ კი, ადგილობრივების მოთხოვნით, სოფელს თავდაპირველი სახელი დაუბრუნდა.^[7]

ზ. სილიკაშვილის მიმართვა აზერბაიჯანის კპ ცკ-ს უდიების საქართველოში გადმოსახლების თაობაზე
სოფელ ზინობიანის უდიების კულტურის სახლის აბრა შესასვლელში
სოფელ ზინობიანის უდიების კულტურის სახლი (ეთნოგრაფიული მუზეუმი და ბიბლიოთეკა)
სოფელ ზინობიანის უდიების კულტურის სახლის აბრა შესასვლელში
ზ. სილიკაშვილის სკულპტურა სოფელ ზინობიანში