გუთური

გუთური — სოფელი საქართველოში, გურიის მხარის ჩოხატაურის მუნიციპალიტეტში. თემის ცენტრი (სოფელი გუთური). მდებარეობს მდინარე სუფსის მარცხნივ, ზღვის დონიდან 140 მ., ჩოხატაურიდან 2 კმ., საჯავახოს რკინიგზის სადგურიდან 22 კმ. სოფელში არის საჯარო სკოლა. გუთური ორ უბნად იყოფა: ზემო გუთური და ქვემო გუთური.

სოფელი
გუთური
ქვეყანა	საქართველო
მხარე	გურიის მხარეგურიის მხარე
მუნიციპალიტეტი	ჩოხატაურის მუნიციპალიტეტი
თემი	გუთური
კოორდინატები	42°00′10″ ჩ. გ. 42°14′12″ ა. გ.
დაარსდა	გვიან-ბრინჯაო-ადრე რკინის ხანა
ცენტრის სიმაღლე	140 მ
ოფიციალური ენა	ქართული ენა
მოსახლეობა	880 კაცი (2014)
ეროვნული შემადგენლობა	ქართველები 99,2 %, რუსები 0,45 %
სასაათო სარტყელი	UTC+4
სატელეფონო კოდი	+995
გუთური ვიკისაწყობში

ისტორია

სოფელი დასახლებული იყო გვიანბრინჯაო-ადრერკინის ხანიდან, რაც დასტურდება სუფსა-ოსკოჯურის შუამდინარეთში აღმოჩენილი გუთურის განძებით. გუთური ერგეს ნაწილს წარმოადგენდა. გუთური კოლხთა ერთ-ერთ მნიშვნელოვან ნამოსახლარად მიიჩნევა. აქ დადასტურებულია გვიან ბრინჯაოსა და ადრე რკინის წარმოება. რუსეთის იმპერიის დროს შედიოდა ჯვარცხმის სასოფლო საზოგადოებაში. საბჭოთა პერიოდში შედიოდა ჩოხატაურის სადაბო საბჭოში, სოფელში მოქმედებდა ჩაის ფაბრიკა.

დემოგრაფია

2014 წლის აღწერის მონაცემებით სოფელში ცხოვრობს 880 ადამიანი.

აღწერის წელი	მოსახლეობა	კაცი	ქალი
1908	553
1911	418
2002	1111	519	592
2014	880	430	450

ცნობილი ადამიანები

სოფელში დაიბადნენ:

• ზებედე ჩხიკვიშვილი — ინჟინერ-გეოლოგი
• დავით ჩხიკვიშვილი — ისტორიკოსი
• ზაურ ბოლქვაძე — პოეტი
• ავთანდილ ჩხიკვიშვილი — მწერალი

ლიტერატურა

• სიხარულიძე ი., ქართული საბჭოთა ენციკლოპედია, ტ. 3, თბ., 1978. — გვ. 297.