მთავარი მენიუს გახსნა

სტაროვერები (რუს. „სტაროვერი“ („ძველი სარწმუნოების მიმდევარი“) ან „სტაროობრიადცი“ („ძველი წესის მიმდევარი“) — რელიგიური სექტის მიმდევრები რუსეთის იმპერიაში.

ისტორიარედაქტირება

სტაროვერები არიან რუსი საეკლესიო და საერო პირები, რომლებმაც 1653 წელს რუსულ ეკლესიაში პატრიარქ ნიკონის მიერ შემოღებულ ბერძნულ მართლმადიდებლურ ლიტურგიაზე დაფუძნებულ რეფორმებს წინააღმდეგობა გაუწიეს.

წინააღმდეგობის შედეგი იყო დიდი სქიზმა („რასკოლ“) და შუა საუკუნეთა მრავალი ტრადიციის დაკარგვა რუსულ ეკლესიაში. რუსული ეკლესიის მიერ გაჩაღებულმა დევნამ გააღვივა სახელმწიფოს მიმართ მტრული განწყობა და ხელი შეუწყო სამყაროს აპოკალიფსური ხედვების გავრცელებას, რომელთა არსიც სახელმწიფოსა და ეკლესიის უარყოფა იყო. თვით პატრიარქი ნიკონი ანტიქრისტეს მეფობის ინიციატორად იქნა წარმოჩენილი. მოგვიანებით სტაროვერები ფრაქციებად დაიყვნენ და მხოლოდ 1952 წელს შედგა მორიგების კრება, რომელმაც სხვადასხვა ჯგუფები ერთმანეთთან დააზავა. 1960 წელს მოსკოვში მყოფ მთავარეპისკოპოსს ექვემდებარებოდა ძველი წესების მიმდევარი 300 საკრებულო, სადაც 200 მღვდელი მსახურობდა.

რესურსები ინტერნეტშირედაქტირება