ვიკიპედია:ვიკიპროექტი:შვედეთი
მოგესალმებით „შვედეთის ვიკიპროექტის“ გვერდზე. „შვედეთის ვიკიპროექტი“ არის ქართული ვიკიპედიის ერთთვიანი პროექტი, რომლის მიზანს ქართულ ვიკიპედიაში შვედეთის შესახებ სტატიების შექმნა, არსებული სტატიების გაუმჯობესება და ზოგადად, ქართველი მკითხველისთვის შვედეთზე სრულფასოვანი ინფორმაციის მიწოდება წარმოადგენს. ჩვენ მივიჩნევთ, რომ დღევანდელ სამყაროში, როდესაც ინტერნეტი და კომუნიკაციის სხვა, სწრაფი და თანამედროვე საშუალებები სულ უფრო და უფრო მნიშნვნელოვან ადგილს იკავებს ჩვენს ცხოვრებაში, უდიდესი მნიშვნელობა ენიჭება სხვადასხვა ქვეყნების კულტურის შესახებ ინფორმაციის განთავსებას ინტერნეტ-სივრცეში. 11 წლის განმავლობაში ჩვენ, ვიკიპედიის რედაქტორები, დაუღალავად ვშრომობთ, რათა განვახორციელოთ ჩვენი მთავარი მიზანი — დედამიწის ნებისმიერ მცხოვრებს შეეძლოს კაცობრიობის მიერ შექმნილი ინფორმაციის მთელი მარაგის გამოყენება პლანეტის ნებისმიერი ადგილიდან მიუხედავად ეროვნების, მრწამსისა თუ კანის ფერისა. ამ მიზნის მიღწევა შეუძლებელი და გარკვეულწილად, აზრს მოკლებულია შვედეთის კულტურის შესაბამის დონეზე წარმოჩენის გარეშე — მოგეხსენებათ, რომ შვედეთის სამეფოში იუნესკოს მსოფლიო მემკვიდრეობის 14 ძეგლია, რომელთა შორის ერთ-ერთი წარმოადგენს კაცობრიობის შემოქმედებითი გენიის შედევრს. აღსანიშნავია ის ფაქტიც, რომ ჩვენდა სამწუხაროდ, ქართულ ვიკიპედიაში შვედეთის თემა არ არის ისე ამომწურავად ასახული, როგორც ეს ჩვენ გვსურს და შვედეთის სამეფოს ეკადრება. ყოველივე ამის გათვალისწინებით, ქართული ვიკიპედიის საზოგადოებამ გადაწყვიტა, 2012 წლის I პროექტად აერჩია შვედეთის სამეფო - ჩვენ მაქსიმალურად შევეცდებით, მივაწოდოთ მკითხველს სრული ინფორმაცია ამ ქვეყნის, მისი კულტურის, ისტორიისა და მოსახლეობის შესახებ. ქართული ვიკიპედიის პრინციპებიდან გამომდინარე, ჩვენ მივიჩნევთ, რომ სტატიების რედაქტირების უფლება ნებისმიერ ადამიანს უნდა ჰქონდეს — და გვჯერა, რომ ქართულ საზოგადოებას აქვს პოტენციალი ერთობლივად შექმნას სრული, სანდო და სერიოზული ენციკლოპედია ქართულ ენაზე, რომლის ანალოგი ქართულ კულტურაში ჯერ არ ყოფილა. ამიტომ, მადლობელნი ვიქნებით ნებისმიერი დახმარებისთვის — თუ თქვენ ფლობთ შვედურ ენას, დაგვეხმარეთ შვედური სახელების ტრანსლიტერაციაში, კარგად იცნობთ შვედეთის ისტორიას — დაგვეხმარეთ ისტორიული სტატიების დაწერაში, უბრალოდ გიყვართ ან გაინტერესებთ შვედეთი?
მაშინ გადაიკითხეთ სტატიები და შეგვატყობინეთ უზუსტობები. თქვენ თავისუფლად შეგიძლიათ დაგვიკავშირდეთ ფეისბუკის - www.facebook.com/kawikipedia ან ნებისმიერი სხვა საშუალების მეშვეობით. გახსოვდეთ, თუ თქვენ იღებთ მონაწილეობას ვიკიპედიის დამუშავებაში, თქვენ არამარტო კარგ საქმეს აკეთებთ — დღეს ცოდნაზე უფრო ძვირი საგანძური არ არსებობს, მისი გაზიარებით კი თქვენ „ვეფხისტყაოსნისეულ“ პრინციპს — „რასაცა გასცემ, შენია, რაც არა — დაკარგულია“ — რეალობად აქცევთ.
დიდი მადლობა, თუ გეყოთ დრო და ნებისყოფა და ეს ტექსტი წაიკითხეთ — თუ ჩვენი არგუმენტაცია პროექტში ჩასართველად საკმარისი აღმოჩნდა, ქვემოთ განთავსებულია დასაწერი და გასაუმჯობესებელი სტატიების სია. იმედია, მათ დაწერაში და გაუმჯობესებაში თქვენც დაგვეხმარებით. პატივისცემით, ქართული ვიკიპედიის რედაქტორები.
ვიკიპროექტის ფარგლებში გადაკეთებული სტატიების განხილვის გვერდებს დაუმატეთ თარგი {{პროექტ შვედეთის გაუმჯობესებული სტატია}}
ვიკიპროექტის ფარგლებში ახლად შექმნილი თარგების განხილვის გვერდებს დაუმატეთ თარგი {{პროექტ შვედეთის თარგი}}
ვიკიპროექტის ფარგლებში ახლად ატვირთული სურათების განხილვის გვერდებს დაუმატეთ თარგი {{პროექტ შვედეთის ფაილი}}
აუცილებელი სტატიების ნუსხა
სახელმწიფო
- შვედეთის გერბი en:Coat of arms of Sweden
- შვედეთის დროშა en:Flag of Sweden
- შვედეთის ჰიმნი en:Du gamla, Du fria
- შვედეთის პოლიტიკური სისტემა en:Politics of Sweden
- შვედეთის მონარქების სია en:List of Swedish monarchs
გეოგრაფია
ადმინისტრაციული დაყოფა
დემოგრაფია
ტერიტორიები
ისტორია
წყლის რესურსები
მდინარეები
განათლება
ეკონომიკა
თავდაცვა
სხვა
თარგები
სია შვედი კოლეგებისგან
| ||||||||||||||||
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
