ასტრიდ ანა ემილია ლინდგრენი (შვედ. Astrid Anna Emilia Lindgren; დ. 14 ნოემბერი, 1907 — გ. 28 იანვარი, 2002) — შვედი მწერალი, რომელსაც ეკუთვნის არაერთი საბავშვო წიგნი და ფილმის სცენარი. მისი ნაწარმოებები თარგმნილია მსოფლიოს 85 ენაზე და გამოცემულია 100-ზე მეტ ქვეყანაში. მის კალამს ეკუთვნის წიგნები: „პეპი გრძელწინდა“, „სახურავის ბინადარი კარლსონი“, „ლიონებერგელი ემილი“ და „ბიულერბიუელი ბავშვები“.

ასტრიდ ლინდგრენი
Astrid Lindgren (cropped).jpg
დაბადების თარიღი 14 ნოემბერი 1907(1907-11-14)[1] [2] [3] [4] [5] [6] [7] [6] [8] [9]
დაბადების ადგილი ვიმერბიუ
გარდაცვალების თარიღი 28 იანვარი 2002(2002-01-28)[1] [2] [3] [4] [5] [6] [7] [6] [8] [9] (94 წლის)
გარდაცვალების ადგილი სტოკჰოლმი[10]
დასაფლავებულია ვიმერბიუ
საქმიანობა სცენარისტი, საბავშვო მწერალი, რომანისტი და მწერალი[4]
ენა შვედური ენა[1]
ეროვნება შვედები
მოქალაქეობა Flag of Sweden.svg შვედეთი[4]
ჟანრი საბავშვო ლიტერატურა და ზღაპარი
Magnum opus პეპი გრძელიწინდა, ლიონებერგელი ემილი, ბიჭუნა და სახურავის ბინადარი კარლსონი, ბიულერბიუელი ბავშვები, ბილ ბერგსონი, ყაჩაღის ასული რონია, ძმები ლომგულები და მიო, ჩემო მიო
ჯილდოები ლიტერატურისა და ხელოვნების მედალი, წლის შვედი, Deutscher Jugendliteraturpreis, ნილს ჰოლგერსონის დაფა, გაზეთ „Svenska Dagbladet“-ის ლიტერატურული პრემია, Expressens Heffaklump, სელმა ლაგერლეფის პრემია, პრემია ცხოვრების სწორი წესისთვის, გერმანიის წიგნის ვაჭრობის მშვიდობის პრემია[11] , ვერცხლის კალამი, ჰანს კრისტიან ანდერსენის პრემია, ხელოვნებისა და ლიტერატურის ოფიცრის ორდენი, Illis Quorum, ღიმილის ორდენი, Royal Order of Vasa და ხელოვნებისა და ლიტერატურის ორდენი
მეუღლე სტურე ლინდგრენი
შვილ(ებ)ი სტურე ლინდგრენი და კარინ ნიმანი
ხელმოწერა Astrid Lindgren signature.svg
საიტი astridlindgren.se[12]

ცხოვრებარედაქტირება

ბიოგრაფიარედაქტირება

ასტრიდი დაიბადა 1907 წლის 14 ნოემბერს, სამხრეთ შვედეთში, პატარა ქალაქ ვიმერბიუში (სმოლანდის პროვინცია), ფერმერის ოჯახში. იგი იყო სამუელ ავგუსტ ერიკსონისა და მისი მეუღლე ჰანას მეორე შვილი. მამა ნესეში სოფლის მეურნეობით იყო დაკავებული. უფროს ძმა გუნართან ერთად, ოჯახში სამი გოგონა იყო — თავად ასტრიდი, სტინა და ინგეგერდი.

თავის ავტობიოგრაფიულ ნაშრომებში ასტრიდი წერს, რომ იგი იზრდებოდა „ცხენის“ და „კაბრიოლეტის“ ხანაში. გადაადგილების მთავარი საშუალება ცხენოსანი ეკიპაჟი იყო, ცხოვრების ტემპი უფრო ნელი იყო, გასართობი საშუალებები — უბრალო, ხოლო ურთიერთობა ბუნებასთან — უფრო მეტი, ვიდრე დღეს. ასეთი გარემო მომავალ მწერალს ბუნებისადმი სიყვარულს უნერგავდა. მისი წიგნების უმრავლესობას ეს თემა მისდევს.

თავად მწერალი ყოველთვის აღნიშნავდა, რომ ბედნიერი ბავშვობა ჰქონდა. მშობლები ყოველთვის ზრუნავდნენ მათზე, უფრო მეტიც — არასოდეს ერიდებოდათ თავისი უზომო სიყვარულის გამოვლენა, რაც იმ დროს იშვიათი მოვლენა იყო. შემდგომში ასტრიდმა მათ მიუძღვნა წიგნი „სამუელ ავგუსტი სევედსტორპიდან და ჰანა ჰულტიდან“ (1973).

შემოქმედებითი მოღვაწეობის დასაწყისირედაქტირება

ბავშვობაში ასტრიდს მოიცავდა ფოლკლორი და სხვადასხვა ხუმრობა, ზღაპარი თუ ისტორია, რომელიც მამისგან თუ მეგობრებისგან მოუსმენია, იქცა მისი საკუთარი წიგნების ელემენტებად. წიგნებისა და კითხვის სიყვარული, როგორც იგი ამტკიცებდა, გაჩნდა კრისტინის, მისი მეგობრის სამზარეულოში. კრისტინმა მას წიგნების კითხვა შეაყვარა.

ასტრიდის შესაძლებლობები გამოვლინდა უკვე დაწყებით სკოლაში, სადაც მას „ვიმერბიუელი სელმა ლაგერლოფის“ სახელით იცნობდნენ. თუმცა, მისი აზრით, იგი ამ წოდებას არ იმსახურებდა.

16 წლის ასაკში მან დაიწყო მუშაობა გაზეთში „Wimmerby Tidningen“. ორი წლის შემდეგ ჯერ კიდევ ოფიციალურად გაუთხოვარი, იგი დაფეხმძიმდა და საცხოვრებლად სტოკჰოლმში გადავიდა. მან მდივნის კურსები დაამთავრა და 1931 წელს ამ სპეციალობით დაიწყო მუშაობა. 1926 წლის დეკემბერში მას ეყოლა შვილი ლარსი. ასტრიდს არ ჰქონდა საკმარისი ფული, რათა ერჩინა შვილი და იძულებული იყო, იგი დანიურ ოჯახში საცხოვრებლად დროებით გაეშვა. 1928 წელს მას მისცეს მდივნის ადგილი სამეფო ავტოკლუბში, სადაც მან გაიცნო სტურე ლინდგრენი. 1931 წელს მათ იქორწინეს და ასტრიდმა (რომელიც გვარით უკვე ლინდგრენი იყო) დანიიდან ლარსი ჩამოიყვანა.

ბიბლიოგრაფიარედაქტირება

ყველაზე ცნობილი წიგნები და სერიები

რესურსები ინტერნეტშირედაქტირება

სქოლიორედაქტირება

  1. 1.0 1.1 1.2 Bibliothèque nationale de France BnF authorities: პლატფორმა ღია მონაცემები — 2011.
  2. 2.0 2.1 Encyclopædia Britannica
  3. 3.0 3.1 SNAC — 2010.
  4. 4.0 4.1 4.2 4.3 https://web.archive.org/web/20171006140953/http://jeugdliteratuur.org/auteurs/astrid-lindgren
  5. 5.0 5.1 Internet Speculative Fiction Database — 1995.
  6. 6.0 6.1 6.2 6.3 NooSFere — 1999.
  7. 7.0 7.1 filmportal.de — 2005.
  8. 8.0 8.1 ბროკჰაუზის ენციკლოპედია
  9. 9.0 9.1 Vegetti Catalog of Fantastic Literature
  10. გერმანიის ეროვნული ბიბლიოთეკა, ბერლინის სახელმწიფო ბიბლიოთეკა, ბავარიის სახელმწიფო ბიბლიოთეკა და სხვ. Record #118573217 // ინტეგრირებული ნორმატიული ფაილი — 2012—2016.
  11. https://www.friedenspreis-des-deutschen-buchhandels.de/alle-preistraeger-seit-1950/1970-1979/astrid-lindgren
  12. http://www.astridlindgren.se