რელიგია შვედეთში

რელიგია შვედეთში (შვედ. Religion i Sverige) — რელიგიური წარმოდგენების ერთობლიობა, რომლის აღმსარებლობა შვედეთის მოქალაქეთათვის ქვეყნის კონსტიტუციით არის განმტკიცებული. ევრობარომეტრის კვლევით, შვედების მხოლოდ 18%-ს სწამს რაიმე სახის ღმერთის.^[1] ასევე აღსანიშნავია, რომ რელიგიას მნიშვნელოვნად მოსახლეობის მხოლოდ 10% თვლის. ^[2]

ქრისტიანობა

წელი	მოსახლეობა	წევრთა ოდენობა	%-ში
შვედეთის ეკლესია^[3]
1972	8,146,000	7,754,784	95.2 %
1980	8,278,000	7,690,636	92.9 %
1990	8,573,000	7,630,350	89.0 %
2000	8,880,000	7,360,825	82.9 %
2005	9,048,000	6,967,498	77.0 %
2006	9,119,000	6,893,901	75.6 %
2007	9,179,000	6,820,161	74.3 %
2008	9,262,000	6,751,952	72.9 %
2009	-	6,664,064	71.3 %^[4], ^[5] ^[6]
2010	-	6,589,769	70.0 %

ქრისტიანობა შვედეთში X საუკუნეში შევიდა ანსგარის საგანმანათლებლო მოღვაწეობის შედეგად. მანვე მოაქცია პირველი შვედები ქრისტიანულ რჯულზე.

ლუთერანობა

მთავარი სტატია: შვედეთის ეკლესია.

შვედეთის ევანგელისტურ-ლუთერანულ ეკლესიას ქვეყნის მოსახლეობის უდიდესი ნაწილი მიეკუთვნება, თუმცა აღსანიშნავია, რომ შვედეთის ეკლესიის წევრად ითვლება ყველა მონათლული ადამიანი, 1990-იან წლებში კი ამისთვის საკმარისი იყო, ერთი მშობელი მაინც ყოფილიყო ეკლესიის წევრი. ამიტომ წლიდან წლამდე ამ საეკლესიო დენომინაციის ოფიციალურ წევრთა რაოდენობის შემცირება შეინიშნება.^[7] შვედეთის ევანგელისტურ-ლუთერანულ ეკლესიის წევრთა 4%-ზე ნაკლები დადის ყოველკვირეულად ეკლესიაში, ხოლო აქტიურად - მხოლოდ 2%.^[8]

მართლმადიდებლობა

მთავარი სტატია: მართლმადიდებლობა შვედეთში.

წმინდა ანსგარს, რომელმაც ქრისტიანობას პირველმა გაუდგა ფესვები ქვეყანაში, საკუთარ წმინდანად აღიარებს როგორც ორთოდოქსული, ასევე ლუთერანული ეკლესია და ერთიანი, განუყოფელი ეკლესიის წარმომადგენლად მიიჩნევს.

დღესდღეობით ქვეყანაში მართლმადიდებელთა საერთო რაოდენობა 100 ათასს არ აჭარბებს, რაც მოსახლეობის 1%-ს არ აღემატება. მართლმადიდებელთა შორის ყველაზე მრავალრიცხოვანნი არიან სერბები, ბერძნები, რუმინელები და რუსები. გვხვდება ასევე მცირერიცხოვანი მართლმადიდებლური ჯგუფები ესტონელების, ფინელებისა და ქართველების სახით.