ახალი პოლიტიკური ცენტრი - გირჩი
ახალი პოლიტიკური ცენტრი – გირჩი — მემარჯვენე-ლიბერტარიანული პარტია საქართველოში. მისი თავმჯდომარეა იაგო ხვიჩია. პარტიის მიზანია ინდივიდის თავისუფლების ხარისხის გაზრდა, დეცენტრალიზაციის, თავისუფალი ბაზრის, მცირე მთავრობის, გადასახადების შემცირებისა და რეგულაციების გაუქმების გზით. ტრადიციულად მემარჯვენე ეკონომიკურ პოზიციებთან ერთად, გირჩი მხარს უჭერს სავალდებულო სამხედრო გაწვევის გაუქმებას, ნარკოტიკების დეკრიმინალიზაციას და ლეგალიზაციას.
| ახალი პოლიტიკური ცენტრი - გირჩი | |
|---|---|
.png){kind=logo} | |
| ქვეყანა |
 საქართველო |
| ხელმძღვანელობა | |
| თავმჯდომარე | იაგო ხვიჩია |
| ისტორია | |
| დაფუძნდა | 16 აპრილი, 2016 |
| პოზიციები | |
| იდეოლოგია |
მემარჯვენე ლიბერტარიანიზმი კლასიკური ლიბერალიზმი პროევროპეიზმი |
| პოლიტიკური პოზიცია | მემარჯვენე-ცენტრიზმი |
| წარმომადგენლობითობა | |
| პარლამენტი |
0 / 150 |
| საკრებულოები |
1 / 2 068 |
| თბილისის საკრებულო |
0 / 50 |
| ფერები | |
| შტაბ-ბინა | 9 აპრილის ქ. #3/5, თბილისი |
| girchi.com | |
2020 წელს პარტია გაიყო — შეიქმნა გირჩი — მეტი თავისუფლება, რომლის თავმჯდომარე გახდა ზურაბ გირჩი ჯაფარიძე.[1]
ისტორია
რედაქტირება„ახალი პოლიტიკური ცენტრი — გირჩი“ შეიქმნა 2015 წელს, „ერთიანი ნაციონალური მოძრაობიდან“ ოთხი დეპუტატის — ზურაბ ჯაფარიძის, პავლე კუბლაშვილის, გოგა ხაჩიძისა და გიორგი მელაძის წამოსვლის შემდეგ. პარტია საქართველოს საჯარო რეესტრის ეროვნულ სააგენტოში დარეგისტრირდა 18 მაისს, დამაფუძნებელი ყრილობა კი ჩაატარა 2016 წლის 16 აპრილს.[2]
გირჩმა სხვა პარტიებისაგან განსხვავებული პოლიტიკური საქმიანობის სტრატეგია და ფორმები აირჩია. პარტიამ გამოიყენა საქართველოსათვის არატრადიციული პოლიტიკური აქტივიზმი. მკაცრი ნარკოპოლიტიკა გააპროტესტა კანაფის საჯაროდ დათესვით.[3] დააფუძნა ეკლესია — ბიბლიური თავისუფლება, ახალგაზრდა მამაკაცებისთვის გაწვევის თავიდან ასაცილებლად.[4] გირჩის მნიშვნელოვანი სამართლებრივი გამარჯვება იყო მოგებული საკონსტიტუციო სარჩელები, რამაც კანაფის/მარიხუანას მოხმარების კონსტიტუციურობა აღიარა საქართველოში.[5]
2016 წლის საპარლამენტო არჩევნებამდე, 2016 წლის 18 აგვისტოს „გირჩმა“ პარტიებთან: „ახალი საქართველო“, „სახელმწიფო ხალხისთვის“ და „ახალი მემარჯვენეები“ შექმნა ბლოკი „პაატა ბურჭულაძე — სახელმწიფო ხალხისთვის“, რომლის ლიდერიც ამავე სახელწოდების პარტიის ლიდერი, ყოფილი საოპერო ბანი, პაატა ბურჭულაძე იყო. 27 სექტემბერს, არჩევნებამდე 13 დღით ადრე, „გირჩმა“ ბლოკი დატოვა და ბურჭულაძე შანტაჟში დაადანაშაულა, შედეგად პარტია არჩევნებს გამოეთიშა.[6]
პარტიამ 2017 წლის თვითმმართველობის არჩევნებში არ მიიღო მონაწილეობა.[7]
2018 წლის საპრეზიდენტო არჩევნებში პარტიის კანდიდატი მისი ლიდერი, ზურაბ ჯაფარიძე იყო. ჯაფარიძემ არჩევნებში 2,26% (36 034 ხმა) აიღო და მეექვსე ადგილი დაიკავა.[8]
2019 წელს, გირჩის კანდიდატმა ჰერმან საბომ მონაწილეობა მიიღო დედაქალაქის მთაწმინდის რაიონში გამართულ რიგგარეშე მაჟორიტარულ არჩევნებში და ხმების 4,79% მიიღო.
2020 წლის საპარლამენტო არჩევნებში პარტიამ დამოუკიდებლად მიიღო მონაწილეობა და 2,89% (55 598 ხმა) აიღო, გადალახა 1%-იანი ბარიერი და პარლამენტში 4 დეპუტატი გაიყვანა.[9][10]
ამავე წელს, საპარლამენტო არჩევნების შემდეგ, პარტია დატოვა მისმა ლიდერმა ზურაბ ჯაფარიძემ, რომელმაც ახალი პარტია გირჩი — მეტი თავისუფლება დააარსა.[11] ეს გადაწყვეტილება მან ახსნა პარტიის სხვა ლიდერებთან პიროვნული კონფლიქტით. ლიდერის მიერ პარტიის დატოვებამ და პარტიის გაყოფამ რეიტინგის ვარდნა გამოიწვია.
2021 წლის თვითმმართველობის არჩევნებში პარტიამ 0,95% (16 683 ხმა) აიღო და მხოლოდ აბაშის საკრებულოში გადალახა 3%-იანი ბარიერი, სადაც 1 დეპუტატი გაიყვანა – კოკი ჩაჩავა.[12]
პარტიის სიმბოლიკის ნაწილია მწვანე გირჩი თეთრ ფონზე, როგორც სიახლის სიმბოლო.
სახელი
რედაქტირებასახელი „გირჩი“ აირჩა, როგორც სიახლის, სიმწვანის, ახალი სიცოცხლის დასაწყისის სიმბოლო (იხ. გირჩა).[13]
ორგანიზაციული სტრუქტურა
რედაქტირებაშიდაპარტიული მმართველობა
რედაქტირებაგირჩის მოწყობა და საქმიანობის პრინციპები დადგენილია 2021 წელს მიღებულ პარტიის კონსტიტუციაში.[14] პარტიას მართავს მმართველი საბჭო, რომელიც შედგება პოლიტიკოსებისაგან, უმსხვილესი აქციონერებისა (ქართული დოლარი ან GeD) და დონორებისგან.[15] პარტია იმართება მერიტოკრატიული პრინციპით. მერიტოკრატია გამოიხატება პარტიის საქმიანობაში შეტანილი წვლილის შესაბამისად მიიღონ მონაწილეობა გადაწყვეტილებების მიღების პროცესში, GeD სისტემის გამოყენებით.
ქართული დოლარი
რედაქტირებაქართული დოლარი (GeD) არის გირჩის მიერ შექმნილი ციფრული ვალუტა, რომლის ღირებულება 0,01 აშშ დოლარია, გამოიყენება პარტიის მხარდამჭერების დაფინანსების აღრიცხვისათვის და შიდა პარტიულ საკითხებისათვის ხმის მიცემისთვის. პარტია ხაზს უსვამს გამჭვირვალობას, ყველა ტრანზაქცია საჯაროა.[16]
შედეგები არჩევნებში
რედაქტირებასაპარლამენტო
რედაქტირება| არჩევნები | ხმები | % | მანდატები | +/– | სტატუსი |
|---|---|---|---|---|---|
| 2020 | 55 598 | 2,89 | 4 / 150 |
ახალი | ოპოზიცია |
| 2024 | 62 223 | 3,00 | 0 / 150 |
 4
|
ოპოზიცია |
საპრეზიდენტო
რედაქტირება| არჩევნები | კანდიდატი | ხმები | % | შედეგი |
|---|---|---|---|---|
| 2018 | ზურაბ ჯაფარიძე | 36 034 | 2,26 | მეექვსე ადგილი |
ადგილობრივი
რედაქტირება| არჩევნები | ხმები | % | მანდატები | +/– |
|---|---|---|---|---|
| 2021 | 16 683 | 0,95 | 1 / 2 068 |
ახალი |
რესურსები ინტერნეტში
რედაქტირებასქოლიო
რედაქტირება- ↑ „ზურაბ ჯაფარიძემ ახალი პარტია - „გირჩი - მეტი თავისუფლება” დააფუძნა“. www.interpressnews.ge. 26 დეკემბერი, 2020. ციტირების თარიღი: 10 აგვისტო, 2024. შეამოწმეთ თარიღის პარამეტრი
|access-date=და|date=-ში (დახმარება) - ↑ მაჭავარიანი, ქეთი (16 აპრილი, 2016). „"ახალი პოლიტიკური ცენტრი - გირჩის" თავმჯდომარედ ზურაბ ჯაფარიძე აირჩიეს - Netgazeti“. netgazeti.ge. ციტირების თარიღი: 10 აგვისტო, 2024. შეამოწმეთ თარიღის პარამეტრი
|access-date=და|date=-ში (დახმარება) - ↑ „გირჩმა მარიხუანა დათესა“. tabula.ge. 31 დეკემბერი, 2016. ციტირების თარიღი: 10 აგვისტო, 2024. შეამოწმეთ თარიღის პარამეტრი
|access-date=და|date=-ში (დახმარება) - ↑ მანდარია, თორნიკე (20 აპრილი, 2017). „გირჩის რელიგიური ორგანიზაცია წვევამდელებს სამხედრო სამსახურის გადავადებაში ეხმარება“. On.ge. ციტირების თარიღი: 10 აგვისტო, 2024. შეამოწმეთ თარიღის პარამეტრი
|access-date=და|date=-ში (დახმარება) - ↑ „საკონსტიტუციო სასამართლომ მარიხუანის მოხმარებაზე „გირჩის“ სარჩელის არსებითი განხილვა დაიწყო“. 1tv.ge. ციტირების თარიღი: 10 აგვისტო, 2024. შეამოწმეთ თარიღის პარამეტრი
|access-date=-ში (დახმარება) - ↑ „გირჩმა“ პაატა ბურჭულაძის საარჩევნო ბლოკი დატოვა. ციტირების თარიღი: 2023-01-21.
- ↑ “გირჩი” 2017 წლის არჩევნებში მონაწილეობას აღარ მიიღებს. ციტირების თარიღი: 2023-01-21.
- ↑ 2018 წლის საქართველოს საპრეზიდენტო არჩევნების შედეგები. ციტირების თარიღი: 2023-01-21.
- ↑ 2020 წლის საპარლამენტო არჩევნების შედეგები. ციტირების თარიღი: 2023-01-21.
- ↑ „19 აპრილიდან "გირჩი" პარლამენტში შედის“. europetime.eu (ინგლისური). ციტირების თარიღი: 17 აგვისტო, 2024. შეამოწმეთ თარიღის პარამეტრი
|access-date=-ში (დახმარება) - ↑ „ზურაბ ჯაფარიძემ ახალი პარტია - „გირჩი - მეტი თავისუფლება“ დააფუძნა“. www.interpressnews.ge. ციტირების თარიღი: 21 თებერვალი, 2021. შეამოწმეთ თარიღის პარამეტრი
|access-date=-ში (დახმარება) - ↑ 2021 წლის ადგილობრივი თვითმმართველობის ორგანოების არჩევნების შედეგები. ციტირების თარიღი: 2023-01-21.
- ↑ „გირჩი - ახალი პოლიტიკური ცენტრის წევრებმა პარტიის ახალი სახელწოდება გაამხილეს“. Rustavi 2. 5 November 2015. დაარქივებულია ორიგინალიდან — 6 ნოემბერი 2015. ციტირების თარიღი: 18 March 2016.
- ↑ გირჩის კონსტიტუცია en. girchi.com. ციტირების თარიღი: 17 აგვისტო, 2024
- ↑ ჯედების და საბიუჯეტო ფულის ამბავი en. girchi.com. ციტირების თარიღი: 17 აგვისტო, 2024
- ↑ გირჩის მოწყობა და ჯედი en. girchi.com. ციტირების თარიღი: 17 აგვისტო, 2024