იაგო ხვიჩია
იაგო ხვიჩია (დ. 19 მაისი, 1982, დიდი ჭყონი, საქართველოს სსრ) — ქართველი იურისტი და პოლიტიკოსი. 2018 წლის 23 ივნისიდან „ახალი პოლიტიკური ცენტრი - გირჩის“ თავმჯდომარე. საქართველოს მეათე მოწვევის პარლამენტის წევრი.
| იაგო ხვიჩია | |
|---|---|
 | |
| დაბადების თარიღი |
19 მაისი, 1982 დიდი ჭყონი, მარტვილის მუნიციპალიტეტი, საქართველო |
| მოქალაქეობა |
 საქართველო |
| განათლება | თბილისი სახელმწიფო უნივერსიტეტის სამართლის ბაკალავრისა და მაგისტრის ხარისხი |
| საქმიანობა | პოლიტიკოსი |
| პარტია | ახალი პოლიტიკური ცენტრი — გირჩი |
ბიოგრაფია
რედაქტირება2004 წელს იაგო ხვიჩიას მიენიჭა იურისტის კვალიფიკაცია თბილისის სახელმწიფო უნივერსიტეტში. იაგო არის იურიდიული კომპანია „Tbilisi Legal Consulting“-ის დამფუძნებელი და ადვოკატი, იგი იყო ახალგაზრდა ეკონომისტთა ასოციაციის, ლიცენზიებისა და ნებართვების დანერგვის პროექტის იურისტი. მოგვიანებით იაგო ხვიჩია მუშაობდა თბილისის მერიის, განათლებისა და კულტურის საქალაქო სამსახურის იურისტად. იგი ასევე იყო საქართველოს იუსტიციის სამინისტროს სსიპ საჯარო რეესტრის ეროვნული სააგენტოს თბილისის სარეგისტრაციო სამსახურის იურიდიული განყოფილების უფროსის მოადგილე, შემდგომ კი 2009-2013 წლებში იურიდიული დეპარტამენტის უფროსი.[1][2]
2015 წელს შეუერთდა ახლადშექმნილ პოლიტიკურ პარტია „გირჩს“.
2018 წლის 23 ივნისიდან „გირჩის“ თავმჯდომარე.[3]
საქართველოს პარლამენტის წევრი
რედაქტირება2020 წლიდან საქართველოს მე-10 მოწვევის პარლამენტის წევრი.
2021 წლის 19 აპრილს იაგო ხვიჩიამ და „გირჩის“ ორმა დეპუტატმა, ვახტანგ მეგრელიშვილმა და ალექსანდრე რაქვიაშვილმა შარლ მიშელის შეთანხმების დოკუმენტს ხელი მოაწერა. [4]
2022 წლის 20 სექტემბერს იაგო ხვიჩიამ პარლამენტის სხდომაზე საკუთარი კანდიდატურა დაასახელა საქართველოს სახალხო დამცველის თანამდებობაზე. [5] 2022 წლის 22 დეკემბერს საქართველოს პარლამენტმა იაგო ხვიჩიას კანდიდატურას სხვა კანდიდატებთან ერთად უყარა კენჭი, მაგრამ მან არჩევისთვის საჭირო ხმების რაოდენობის მოგროვება ვერ შეძლო. [6]
2023 წლის 13 აპრილს საქართველოს პარლამენტმა 100 ხმით იაგო ხვიჩია საპროკურორო საბჭოს წევრად 4-წლიანი ვადით აირჩია. [7] [8]
2024 წლის 1 აპრილს „გირჩი“ საარჩევნო სიების ფორმირების პროცესში გენდერული კვოტირების გაუქმების ინიციატივით გამოვიდა. საკანონმდებლო ინიციატივის თანაავტორთა შორის იყო იაგო ხვიჩიაც. [9] იაგო ხვიჩიამ 2024 წლის 4 აპრილს ინიციატივას მესამე მოსმენით მხარი დაუჭირა. [10]
2022 წლის მარტიდან მიჰყავს გადაცემა „საქართველოს დაბადება“. [11]
რესურსები ინტერნეტში
რედაქტირება- იაგო ხვიჩია — საქართველოს პარლამენტის ოფიციალური საიტი (მოძველებული / არქივი / ახალი არქივი)
- იაგო ხვიჩია — საქართველოს ბიოგრაფიული ლექსიკონი
სქოლიო
რედაქტირება- ↑ იაგო ხვიჩია. დაარქივებულია ორიგინალიდან — 2019-03-29. ციტირების თარიღი: 2018-09-22.
- ↑ ადმინისტრაციული სამართლის კლინიკის ხელმძღვანელი.[მკვდარი ბმული]
- ↑ „გირჩის“ თავმჯდომარედ იაგო ხვიჩია აირჩიეს.[მკვდარი ბმული]
- ↑ გირჩის სამმა დეპუტატმა შარლ მიშელის ახალ დოკუმენტს ხელი მოაწერა
- ↑ იაგო ხვიჩიამ სახალხო დამცველის კანდიდატად საკუთარი თავი დაასახელა
- ↑ პარლამენტმა ახალი სახალხო დამცველი ვერ აირჩია
- ↑ პარლამენტმა საპროკურორო საბჭოს წევრად იაგო ხვიჩია აირჩია
- ↑ პარლამენტმა საპროკურორო საბჭოს წევრად იაგო ხვიჩია აირჩია
- ↑ გირჩი საარჩევნო სიების ფორმირებისას გენდერული კვოტირების გაუქმების ინიციატივით გამოდის
- ↑ პარლამენტმა გენდერული კვოტირება გააუქმა. დაარქივებულია ორიგინალიდან — 2022-07-04. ციტირების თარიღი: 2024-05-11.
- ↑ „საქართველოს დაბადება“