ჭანდრები

ჭანდრები — სოფელი საქართველოში, შიდა ქართლის მხარის ქარელის მუნიციპალიტეტში (ზემო ხვედურეთის თემი). მდებარეობს თრიალეთის ქედის ჩრდილოეთ კალთაზე, მდინარე ხვედრულის (მტკვრის მარჯვენა შენაკადი) ნაპირებზე, ზღვის დონიდან 750 მეტრი, ქარელიდან 7 კილომეტრი.

სოფელი
ჭანდრები
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	ქარელის მუნიციპალიტეტი
თემი	ზემო ხვედურეთი
კოორდინატები	41°58′14″ ჩ. გ. 43°55′07″ ა. გ.
ცენტრის სიმაღლე	750 მ
მოსახლეობა	276 კაცი (2014)
ეროვნული შემადგენლობა	ქართველები (96,7 %) ოსები (2,9 %)
სასაათო სარტყელი	UTC+4
სატელეფონო კოდი	+995
ჭანდრები ვიკისაწყობში

დემოგრაფია

2014 წლის აღწერის მონაცემებით სოფელში ცხოვრობს 276 ადამიანი.

აღწერის წელი	მოსახლეობა	კაცი	ქალი
2002	412	201	211
2014	276	145	131

ისტორიული ძეგლები

სოფლის დასავლეთით, მთის ფერდობზე, დგას შუა საუკუნეების ქართული ხუროთმოძღვრების ძეგლი — კვირაცხოვლის დარბაზული ეკლესია. ამჟამად თითქმის მთლიანად დანგრეულია. ქვიშაქვის ბლოკებით აშენებულ, გეგმით სწორკუთხა, ნაგებობას აღმოსავლეთით ნახევარწრიული აფსიდა აქვს. ინტერიერში, საკურთხევლის აფსიდის ორივე მხარეს, თითო სწორკუთხა ნიშია. გარედან შენობა სადაა, ძუნწადაა მორთული. აღმოსავლეთ ფასადზე სარკმლის თავზე, რელიეფური ჯვარია, რომლის ორივე მხარეს ანგელოზები და ადამიანთა ფიგურებია გამოსახული. ეკლესიას სამხრეთით მინაშენი ჰქონდა, ახლა დანგრეულია, ჩამოქცეულია გადამხური კამარაც.

ჭანდრების ჩრდილო-დასავლეთით შემორჩენილია ასევე ძლიერ დაზიანებული კოშკი (9X8 მ). სოფლის მახლობლად დგას ნახევრად დანგრეული „მწვანე საყდარი“, ფაფელაანთ ეკლესია, ქაშვეთის ეკლესია, წმ. გიორგის, ღვთისმშობლისა და ჭეშმარიტას ეკლესიები.

იხილეთ აგრეთვე

• მწვანე საყდარი
• ფაფელაანთ ეკლესია
• ჭანდრების კვირაცხოვლის ეკლესია
• ჭანდრების ქაშვეთის ეკლესია
• ჭანდრების ღვთისმშობლის ეკლესია
• ჭანდრების წმინდა გიორგის ეკლესია
• ჭეშმარიტას ეკლესია
• ჭანდრების კოშკი

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 381.
• საქართველოს ისტორიისა და კულტურის ძეგლთა აღწერილობა, ტ. 5, გვ. 411-13. თბ., 1990