საშა ბარონ კოენი

საშა ნოემ ბარონ კოენი (ინგლ. Sacha Noam Baron Cohen; 13 ოქტომბერი, 1971, სარის საგრაფო, დიდი ბრიტანეთი) — ბრიტანელი კომედიური ჟანრის მსახიობი, ცნობილია როლებით ალი ჯი (ინგლისელი ჯანგლისტი და კოკნი), ბორატ საგდიევი (ყაზახი რეპორტიორი), ადმირალ-გენერალი ალადინი (აფრიკული ქვეყნის - ვადიის დიქტატორი) და ბრუნო (ავსტრიელი მოდების შოუს ჰომოსექსუალი წამყვანი).

საშა ბარონ კოენი
დაბადების სახელი	საშა ნოემ ბარონ კოენი
დაბადების თარიღი	13 ოქტომბერი, 1972 (1972-10-13) სარის საგრაფო, დიდი ბრიტანეთი
საქმიანობა	მსახიობი
სიმაღლე	191 სმ
მეუღლე(ები)	აილა ფიშერი (იქ. 2010)
შვილ(ებ)ი	2
მშობლები	მამა: ჟერალდ ბარონ კოენი დედა: დანიელა ნაომი ბარონ კოენი
ოქროს გლობუსი	საუკეთესო მსახიობი კაცი მიუზიკლსა ან კომედიაში 2006 — ბორატი

ბიოგრაფია

საშა ნოემ ბარონ კოენი დაიბადა 1971 წლის 13 ოქტომბერს, სარის საგრაფოს ევროპულ ოჯახში. მშობლები — ჯერალდ და დანიელ ბარონ კოენები იყვნენ. მისი დიდი ბაბუა წარმოშობით ლიტვიდან, ქალაქ კაუნასიდან იყო, ხოლო ბებია, – უკანასკნელი ებრაელი ბალერინა ფაშისტურ გერმანიაში და მეორე მსოფლიო ომის პერიოდში, – ჰაიფაში გაიქცა. მამა – უელსელი ებრაელი, ჯერალდ ბარონ კოენი ლონდონის შუაგულში ძვირადღირებულ ტანსაცმლის მაღაზიას ფლობდა, დედა კი, დანიელა ვაიზერი, წარმოშობით ირანელი ებრაელია. საშა შუათანაა ძმებს შორის. ოჯახი ლონდონის პრესტიჟულ უბანში, ჰემფსთედ-გარდენში ცხოვრობდა. სასკოლო განათლება საშამ ესლტრის კერძო სკოლაში მიიღო და მისი დასრულების შემდეგ, სწავლა კემბრიჯის უნივერსიტეტში ისტორიის ფაკულტეტზე განაგრძო. ცნობილია მისი სადიპლომო ნაშრომის თემა, რომელიც ეხებოდა ებრაელების როლს სამოქალაქო უფლებების გაუმჯობესების საქმეში ამერიკის შეერთებულ შტატებში. იმავე პერიოდში ის გახდა ებრაული ახალგაზრდული მოძრაობის, „ჰაბონიმ დრორის” წევრი. სწორედ კემბრიჯის უნივერსიტეტში შედგა კოენის დებიუტი სცენაზე. უნივერსიტეტის დასრულების შემდგომ, საშამ საკუთარ ძმასთან ერთად კომედიური კლუბი ჩამოაყალიბა და სხვადასხვა ღამის კლუბში კომიკური შოუებით ართობდა მაყურებელს.

1995 წელს საშას სატელევიზიო დებიუტი შედგა ბრიტანულ არხ Channel 4-ზე კომედიურ შოუში - „ჯეკ დი და ჯერემი ჰარდი”, სადაც ის გამოგონილი ალბანელი ჟურნალისტის, კრისტოს როლში წარუდგა საზოგადოებას. 1998 წელს საშამ თავისი ერთ-ერთი ყველაზე ცნობილი პერსონაჟი, რეპერი ალი ჯი წარუდგინა საზოგადოებას.

კოენის ყველაზე პოპულარული სასცენო როლი რეპერი ალი ჯია. მსახიობს MTV-ზე «ალი ჯის შოუს ერთად» უძღვებოდა, ამავდროულად მან მრავალ ფილმში მიიღო მონაწილეობა (მან გაახმოვანა ლემური ჯულიანა მულტიპლიკაციურ ფილმში „მადაგასკარი“) და მუსიკალურ კლიპებში, გადაიღეს მადონას კლიპში «Music».

2012 წელს გადაიღეს ფილმში დიქტატორი, სადაც კოენი აფრიკული ქვეყნის - ვადიის დიქტატორის როლში მოგვევლინა.

კოენი დაქორწინებულია აილა ფიშერზე და ჰყავს ორი ქალიშვილი : ოლივი, რომელიც დაიბადა 2007 წლის 19 ოქტომბერს, ლოს-ანჯელესში, და ენულა, რომელიც ქვეყანას 2010 წლის ზაფხულში მოევლინა.

2010 წლის 15 მარტს საშა ბარონ კოენი ავსტრალიელ მსახიობზე, აილა ფიშერზე დაქორწინდა, რომელთანაც 2005 წლიდან სამოქალაქო ქორწინებაში ცხოვრობდა. სპეციალურად ქორწინებისთვის, აილამ იუდაიზმი მიიღო და შემდგომ საშას მშობლების ნებართვით, მისი ცოლობის უფლებაც მიიღო. საშას და აილას ორი ქალიშვილი ჰყავთ.

პერსონაჟები

ბორატი

საშა ბარონ კოენი ბორატ საგდიევის როლში

• 2000-იანი წლების დასაწყისში საშა ამერიკის შეერთებულ შტატებში საკაბელო ტელევიზია HBO-ში გადავიდა სამუშაოდ, სადაც მას საკუთარი შოუს „ალი ჯი შოუს” გაკეთების უფლება მისცეს. სწორედ ამ შოუში შედგა მისი კიდევ ერთი გამოგონილი პერსონაჟის, ყაზახი ბორატ საგდიევის დებიუტი. საშამ მთავარი აქცენტი ბორატზე გააკეთა და მხატვრულ ფილმზე დაიწყო მუშაობა, რომელიც ბორატის პერსონაჟს პოპულარულს გახდიდა. 2006 წელს ფილმი ეკრანებზე გამოვიდა და უმალ სკანდალური გახდა. ფილმის ჩვენება უამრავ ქვეყანაში აიკრძალა, მათ შორის ყაზახეთსა და რუსეთში. პრემიერას დაემთხვა საპრეზიდენტო არჩევნების პერიოდი ყაზახეთში და პრეზიდენტობის კანდიდატმა ნურსულთან ნაზარბაევმა ფილმს სამარცხვინო უწოდა, საგარეო საქმეთა სამინისტროს კი, ფილმის ჩვენების აკრძალვა დაავალა. ფილმის ძირითადი არსია, რომ იდიოტი ყაზახი ჟურნალისტი, ბორატ საგდიევი ამერიკაში მიემგზავრება პამელა ანდერსონთან სექსისთვის. ამერიკაშიც ფილმი ძალიან ცოტა კინოთეატრში აჩვენეს, მაგრამ ამ ფაქტს ხელი არ შეუშლია მას დიდი ფინანსური მოგება მოეტანა. ყაზახეთში დღემდე აქტუალურია ბორატის გარშემო ატეხილი აურზაური. ასტანაში ცნობილმა მუსიკოსმა, ჟანტიარ ბაიმუჰამედოვმა განაცხადა, რომ ის ბორატ საგდიევის ნამდვილი ძმაა და ფილმის შემოსავლიდან მიღებული წილიც კი მოითხოვა.

ბრუნო

• საშას კიდევ ერთი სკანდალური როლი ფილმ „ბრუნოს” უკავშირდება, სადაც მან ავსტრიელი „ცისფერი” ფეშენ-ჟურნალისტის, ბრუნოს როლი შეასრულა. პრემიერამდე რამდენიმე თვით ადრე, ცნობილი გახდა, რომ ამერიკელ კინომწარმოებელთა ასოციაციამ ფილმს NC-17 რეიტინგი მიაკუთვნა. ეს კი იმას ნიშნავდა, რომ ფილმის შინაარსი პორნოგრაფიასთან იყო მიახლოებული და მისი ჩვენება ფართო ეკრანზე არ შეიძლებოდა. ამის მიუხედავად, ფსევდოდოკუმენტურ ჟანრში გადაღებულმა ბრუნომ, ბარონ კოენს დიდი წარმატება მოუტანა. ფილმის სკანდალურობაზე რამდენიმე ფაქტი მეტყველებს: ერთ-ერთი სცენის გადაღების დროს საშა ალაბამის სამხედრო აკადემიაში შეიპარა უბრალო ჟურნალისტის სახელით და იქ თითქოს ამერიკელი სამხედროების მომზადებაზე აკეთებდა სიუჟეტს. სინამდვილეში კი, საშას თავისი ჰომოსექსუალი პერსონაჟისთვის რეალობასთან მიახლოებული სამხედრო ოპერაციაში მონაწილეობის მიღება ჰქონდა ჩაფიქრებული. მეორე სკანდალური ეპიზოდი მილანში მოხდა. ესპანელი დიზაინერის, აგათა რუის-დე-ლა-პრადას ჩვენების დროს, საშა სცენაზე გამოვარდა და ნასვამი „ცისფერი” ადამიანის გამომეტყველებით ცდილობდა პროვოკაციის მოწყობას. ჩვენების ორგანიზატორები, რა თქმა უნდა, არ იყვნენ საქმის კურსში, რომ ეს ყველაფერი გათამაშებული იყო და ფარული კამერით მიმდინარეობდა ფილმის სცენის გადაღება.

დიქტატორი

• 2012 წელს ბარონ კოენის მორიგი სკანდალური ფილმი გამოვიდა, რომელიც მსახიობმა ჩრდილოეთ კორეის აწ განსვენებული ლიდერის, კიმ ჩენ ირის ხსოვნას მიუძღვნა. „დიქტატორი” თანამედროვე მსოფლიოს დიქტატორებზე გადაღებული კომედიაა, სადაც ყველა დიქტატორი გაქილიკებულია საშა ბარონ კოენისთვის დამახასიათებელი იუმორით. ცნობისთვის, ფილმის ჩვენება აიკრძალა ისეთ ქვეყნებში, როგორიცაა ტაჯიკეთი, თურქმენეთი, აზერბაიჯანი და ბელარუსი.

ფილმოგრაფია

წელი	ქართული დასახელება	ორიგინალი სახელწოდება	როლი	შენიშვნა
1995	ჯეკისა და ჯერემის პოლიცია 4	Jack and Jeremy's Police 4	ჯალათი
1995		Pump TV	წამყვანი	დიდი ბრიტანეთის რეგიონული საკაბელო მაუწყებელი
1996		Punch	უსახელო პერსონაჟი	მოკლემეტრაიანი ფილმი
1998		Live from the Lighthouse	ალი ჯი
1998–99		The 11 O'Clock Show	ალი ჯი	სცენარის ავტორი
2000	ჯოლის ბიჭები: უკანასკნელი წინააღმდეგობა	Jolly Boys Last Stand	ვინი
2000	ალი ჯის შოუ	Da Ali G Show	ალი ჯი / ბორატ საგდიევი / ბრუნო	ნაწილი მეექვსე სცენარის ავტორი
2002		Ali G Indahouse	ალი ჯი/ბორატ საგდიევი	სცენარის ავტორი და აღმასრულებელი პროდიუსერი
2003		Spyz	ჯეიმზ ბონდი (ალი ჯი)	მოკლემეტრაჟიანი ფილმი სცენარის ავტორი და აღმასრულებელი პროდიუსერი
2003–2004		Ali G Show	ალი ჯი / ბორატ საგდიევი / ბრუნო	მეთორმეტე ნაწილი სცენარის ავტორი და აღმასრულებელი პროდიუსერი
2005	მოკალი შენი ენთუზიაზმი	Curb Your Enthusiasm	ლარის გზამკვლევი	მეზუთე სეზონი 5, მეათე ნაწილი: "დასასრული"
2005	მადაგასკარი	Madagaskar	მეფე ჯულიენი XIII	გამხმოვანებელი
2006	ტალადეგას ღამეები: თქმულება რიკი ბობიზე	Talladega Nights: The Ballad of Ricky Bobby	ჟან ჟირარი
2006		Night of Too Many Stars: An Overbooked Event for Autism Education	ბორატ საგდიევი
2006	ბორატი	Borat	ბორატ საგდიევი	სცენარის ავტორი და პროდიუსერი ოქროს გლობუსი - საუკეთესო მსახიობი – მიუზიკლი ან კომედიური ფილმი
2007	სუინი ტოდი: დემონი-დალაქი ფლიტ-სტრიტიდან	Sweeney Todd: The Demon Barber of Fleet Street	სინიორ ადოლფო პირელი
2008	მადაგასკარი: გაქცევა აფრიკაში 2		მეფე ჯულიენ XIII	გამხმოვანებელი
2009	ბრუნო	Brüno	ბრუნო	სცენარის ავტორი და პროდიუსერი
2010	სიმფსონები	The Simpsons	ჯაკობი	21-ე სეზონი, 16-ე ნაწილი: "დიოჰედის ბრწყინვალე ისტორიები" გამხმოვანებელი
2011	ჰიუგო	Hugo	ინსპექტორი გუსტავი
2012	დიქტატორი	The Dictator	გენერალ-ადმირალ ჰაფაზ ალადინი	სცენარის ავტორი და პროდიუსერი
2012	მადაგასკარი 3	Madagascar 3: Europe's Most Wanted	მეფე ჯულიენ XIII	გამხმოვანებელი
2012	საბრალონი	Les Misérables	ტენარდიე

რესურსები ინტერნეტში

• შეგიძლიათ იხილოთ მედიაფაილები თემაზე „საშა ბარონ კოენი“ ვიკისაწყობში.
• საშა ბარონ კოენი კინოფილმების ინტერნეტ-მონაცემთა ბაზაში