ლასანა დიარა
ვიკიპედიის სტანდარტების დასაკმაყოფილებლად, ეს სტატია გამართვას საჭიროებს. |
ლასანა დიარა (ფრანგ. Lassana Diarra; დ. 10 მარტი, 1985, პარიზი) – ყოფილი ფრანგი ფეხბურთელი, საფრანგეთის ეროვნული ნაკრების ნახევარმცველი. აგრეთვე შეეძლო მარჯვენა მცველის პოზიციაზე თამაში. კარიერის განმავლობაში ნათამაშები აქვს „ჩელსიში“, „არსენალში“, „პორტსმუთში“, „მარსელსა“, „რეალ მადრიდში“ და „პარი სენ-ჟერმენში“, ისევე როგორც რუსულ კლუბებში, მაჰაჩყალის „ანჟისა“ და მოსკოვის „ლოკომოტივში“.
 დიარა 2014 წელს | |||
| პირადი მონაცემები | |||
|---|---|---|---|
| სრული სახელი | ლასანა დიარა[1] | ||
| დაბადების თარიღი | 10 მარტი, 1985[2] | ||
| დაბადების ადგილი | პარიზი, საფრანგეთი | ||
| სიმაღლე | 1.73 სმ[3] | ||
| სათამაშო პოზიცია | ნახევარმცველი | ||
| საკლუბო ინფორმაცია | |||
| მიმდინარე კლუბი | პარი სენ-ჟერმენი | ||
| ნომერი | 19 | ||
| ახალგაზრდული კარიერა | |||
| 2003–2004 | ჰავრი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2004–2005 | ჰავრი | 29 | (0) |
| 2005–2007 | ჩელსი | 13 | (0) |
| 2007–2008 | არსენალი | 7 | (0) |
| 2008–2009 | პორთსმუთი | 24 | (1) |
| 2009–2012 | რეალ მადრიდი | 87 | (1) |
| 2012–2013 | ანჟი მაჰაჩყალა | 18 | (0) |
| 2013–2014 | ლოკომოტივი მოსკოვი | 17 | (1) |
| 2015–2017 | ოლიმპიკი მარსელი | 37 | (1) |
| 2018–2019 | პარი სენ-ჟერმენი | 13 | (0) |
| სულ | 250 | (4) | |
| ეროვნული ნაკრები | |||
| 2005–2006 | საფრანგეთი 21 წლ. | 18 | (0) |
| 2007–2016 | საფრანგეთი | 34 | (0) |
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
სპორტული კარიერა
რედაქტირებამადრიდის „რეალმა“ 2009 წლის ზამთრის სატრანსფერო პერიოდში კიდევ ერთ ფეხბურთელთან გააფორმა კონტრაქტი. სიმართლეა თუ არა, მაინც ამბობენ: „მეორე რედონდო“ - გაგო, „მეორე ნისტელროი“ - ჰუნტელაარი, ახლა კი „რეალის“ სპორტულმა დირექციამ შეიძინა „მეორე მაკელელე“ - ლასანა დიარა. ასევე ლასს ადარებენ „მეორე დიარასაც“, რადგან მამადუც და ლასიც მოგვარეები არიან და ერთ პოზიციაზე თამაშობენ. ზამთრის სატრანსფერო პერიოდში ფრანგი ლასანა დიარა შეიძინეს მალელი მამადუ დიარას შემცვლელად. შეგახსენებთ, რომ ამ უკანასკნელს მთელი სეზონის გამოტოვება უწევდა უმძიმესი ტრავმის გამო.
მოთამაშემ, რომელმაც სამი სეზონი გაატარა ინგლისურ პრემიერ ლიგაში გადაწყვიტა, რომ გამოეცვალა გარემო და გადასულიყო მადრიდის „რეალში“. „სამეფო კლუბი“ არის მეოთხე გუნდი ლასანასთვის ბოლო 3,5 წელიწადში. ფეხბურთელი არის სულ რაღაც 23 წლისა და შეგვიძლია მას ვუწოდოთ ახალგაზრდა მოთამაშე, მაგრამ 23 წლის ლასანას უკვე აქვს იმხელა საფეხბურთო გამოცდილება, რომ ტოპ-კლუბში ითამაშოს.
ლასანა დიარას ხშირად ეძახდნენ - „Lass sans Strass“, რაც ქართულ ენაზე ნიშნავს „ლასი - არ არის ყალბი“, ამ წინადადების აზრი კი, ასეთია - „ლასი ნამდვილია“. ჟურნალისტები ყოველთვის აღნიშნავდნენ, რომ ლასანა დიარას კარიერა ძალიან ჰგავდა კლოდ მაკელელეს კარიერას და ამის გამო ლასს „მეორე მაკელელეც“ კი შეარქვეს. ლასმა ისევე როგორც კლოდმა, ფეხბურთის თამაში ისწავლა ფრანგულ გუნდში - „ნანტში“. ლასს კლოდის მსგავსად მოედნის კარგი ხედვა და ბრწყინვალე პასები ჰქონდა. კლოდის მსგავსაც, ლასანაც ახალგაზრდულ ასაკში მიიწვიეს საფრანგეთის ეროვნულ გუნდში. კლოდს ბევრი საკლუბო ტიტული ჰქონდა მოგებული, მაგრამ ნაკრებთან ერთად წარმატებას ვერ აღწევდა. ასევე იყო ლასიც, მაგრამ იმ განსხვავებით, რომ მას კლოდზე ნაკლები ტიტულები ჰქონდა მოგებული. ლასანა სტაბილურობით გამოირჩეოდა და ამის გამო მან ნელ-ნელა ეროვნული ნაკრების ძირითად შემადგენლობაში დაიწყო ასპარეზობა.
პირველი ნაბიჯები
რედაქტირებასაკლუბო კარიერა ლასმა უბრალოდ დაიწყო. თავისი საფეხბურთო ფორმირება ანუ ფეხბურთი შესწავლა მან დაასრულა „ლე-მანში“. 16 წლის ლასი გადავიდა „ლე ავრის“ დუბლებში, სადაც სამი სეზონი დასჭირდა პირველ გუნდში მოსახვედრად. 2004-05 სეზონში „ლე ავრის“ შემადგენლობაში ლასმა 29 მატჩი ჩაატარა. გუნდის შედეგები იყო უმნიშვნელო, ხოლო ახალგაზრდა ფეხბურთელის კარგი თამაში არავის გამოპარვია. განსაკუთრებით კი ლასს მისივე მწვრთნელი რენე ჟირარა აქებდა. როდესაც ყველას გაიგო ამბავი, რომ საფრანგეთი მეორე დივიზიონის ერთ-ერთ საშუალო გუნდში თამაშობდა ბრწყინვალე ფეხბურთელი, ბევრს მოუნდა ამ მოთამაშის შეძენა, მაგრამ ლასი საბოლოოდ „ჩელსიში“ გადავიდა. ამ დროს „არისტოკრატებში“ ლასის პოზიციაზე ძირითად შემადგენლობაში თამაშობდა „მაკელელე №1“, ამის გამო კი „მაკელელე №2“-ს უწევდა სათადარიგოთა სკამზე ჯდომა. ამ დროისათვის კლოდ მაკელელე უკვე 32 წლის იყო და მალე დაამთავრებდა კარიერას, ხოლო მისი შეცვლის ბრწყინვალე პერსპექტივა ჰქონდა „მაკელელე №2“-ს ანუ ლასანა დიარას.
ჩელსი
რედაქტირებაპირველი მნიშვნელოვანი ფაქტი ლასის საფეხბურთო კარიერაში მოხდა,მაშინ როდესაც დიარა 20 წლის იყო. იგი ჩაირიცხა ინგლისის პრემიერლიგის ტოპ-კლუბში - ლონდონის „ჩელსიში“. თავიდანვე იგრძნობოდა, რომ ახალგაზრდა ფეხბურთელს „არისტოკრატებში“ ძალიან გაუჭირდებოდა ძირითადში მოხვედრა, რადგან იმავე ზაფხულს, როდესაც ლასი „ჩელსიში“ გადავიდა, ლონდონურმა გუნდმა კიდევ ერთო საყრდენი ნახევარმცველი იყიდა - მიქაელ ესიენი „ლიონიდან“. „ჩელსის“ იმდროინდელი მწვრთნელი ჟოზე მაურინიო მაკელელე-ესიენის წყვილს ამჯობინებდა. უთამაშებლობის გამო ლასი საფრანგეთის ეროვნულ გუნდში არ იქნა მიწვეული, ხოლო ახალგაზრდულ ნაკრებში ის მუდმივად თამაშობდა. ასევე ერთხელ დიარას უთანხმოება მოუვიდა პაულო ფერეირასთან. გუნდში ძალიან დიდი კონკურენცია იყო და ამის გამო ლასს ძალიან ცოტა დრო ეძლეოდა სათამაშოდ, მიუხედავად ამისა, ფრანგი ნახევარმცველი მაინც აგრძელებდა მუშაობას, რათა როდესაც შანსი მიეცემოდა მას გამოეყენებინა ეს შესაძლებლობა.
თავის პირველ "ლურჯ" სეზონში ლასანას მხოლოდ 10 მატჩში მოუწია მოედანზე გასვლა, ძირითადად იგი ინგლისის თასებზე თამაშობდა, ხოლო ჩემპიონთა ლიგაზე და პრემიერლიგაში იგი ძირითადად მთელი თამაში სათადარიგოთა სკამზე იჯდა ანაც მატჩის ბოლო წუთებზე უხდებოდა თამაში. ლასს ძალიან ბევრჯერ განუცხადებია, რომ როდესაც მას არასახარბიელო პერიოდი ჰქონდა „ჩელსიში“, ყველაზე მეტად ამხნევებდა და რჩევებს აძლევდა "მაკელელე №1". დიარამ ერთხელ კლოდზე შემდეგი განაცხადა: "ის არის ჩემთვის როგორც დიდი ძმა". 2006 წლის გაზაფხულზე „ჩელსი“ გახდა პრემიერლიგის გამარჯვებული და ლასმაც მოიგო თავის კარიერაში ყველაზე დიდი ტურნირი. იმავე ზაფხულს ლასანა გამოძახებული იქნა ახალგაზრდულ ნაკრებში. ლასმა და მისმა თანაგუნდელებმა ნახევარფინალამდე მიაღწიეს , ხოლო ნახევარფინალში ტურნირის მომავალ ჩემპიონებთან, ჰოლანდიასთან დამარცხდნენ, სადაც თამაშობდა "სამეფო კლუბის" ამჟამინდელი ფეხბურთელი, კლაას-იან ჰუნტელაარი.
„ჩელსიში“ თავის მეორე სეზონში ლასმა წინა წელთან შედარებით უფრო მეტჯერ ითამაშა, მაგრამ ხსენებულ სეზონში დიარას კიდევ ერთთი კონკურენტი დაემატა, ნიგერიელი ჯონ ობი მიკელის სახით. სათამაშო პრაქტიკა ლასს ცოტა ჰქონდა, მაგრამ აღსანიშნავია ის, რომ ლასმა ჩემპიონთა ლიგის 1/8 ფინალში, „პორტუს“ წინააღმდეგ მთელი 90 წუთი ითამაშა. იგი მარჯვენა ფლანგზე ასპარეზობდა და ისიც უნდა ითქვას, რომ მან ხსენებულ დაპირისპირებაში ბრწყინვალე საგოლე გადაცემა გაუკეთა არიენ რობენს. როდესაც მაურინიომ იხილა ლასის შესაძლებლობები იგი 1/4 ფინალურ განაცხადშიც შეიყვანა. ამის შემდეგ, ლასს სათამაშო პრაქტიკა აღარ აკლდა. იმისდა გამო, რომ იგი კარგ ფორმაში იყო და უწევდა ხოლმე „ჩელსის“ ძირითად შემადგენლობაში დრო და დრო თამაში, გაჩნდა ახალი პერსპექტივა - საფრანგეთის უმთავრესი ეროვნული გუნდი. ყოველთვის იყო საფრანგეთის ეროვნულ გუნდში დიდი კონკურენცია. კლოდ მაკელელე და პატრიკ ვიეირა უკვე დიდი ხანი ასპარეზობდნენ ნაკრების შემადგენლობაში და ამის გამო მათ ძირითადში ადგილი განაღდებული ჰქონდათ მანამდე, სანამ მათზე უკეთესი არ მივიდოდა ნაკრებში. უეცრად, მათ ორივემ მიიღეს ტრავმები და ისინი შესაცვლელნი გახდნენ. კლოდი და პატრიკი ახალგაზრდული ნაკრების მოთამაშეებს უნდა შეეცვალათ, ხოლო მათი შემცვლელთა სია ასე გამოიყურებოდა: ჟერემი ტულალანი, ალიუ დიარა, რიო მავუბა. "ჩელსიმ" იმ პერიოდში მოიგო ინგლისის ლიგის თასი და ფრანგთა მწვრთნელისთვის შეუმჩნეველი არ დარჩა ის, რომ რომან აბრამოვიჩის გუნდში ახალგაზრდა ფრანგი საყრდენი თამაშობდა. სწორედ ტროფეების მოგებამ განაპირობა ის, რომ ლასი მიწვეულ იქნა ეროვნულ ნაკრებში.
რეგულარულმა სათამაშო პრაქტიკამ განაპირობა ის, რომ ლასი გამოძახებული იქნა საფრანგეთის პირველ ეროვნულ გუნდში და იქ შედგა დიარას პირველი ოფიციალური მატჩი. 2007 წლის 24 მარტს, ევრო 2008-ის შესარჩევ მატჩების დაპირისპირება გაიმართა. ლასმა კი თავისი პირველი მატჩი საფრაგეთის ნაკრებში სწორედ ამ დღეს ითამაშა - კაუნასში ლიტვის ნაკრების წინააღმდეგ (0-1).ლასმა ხსენებული თამაში თავიდან ბოლომდე ჩაატარა, ნახევარდაცვის მარჯვენა ფლანგზე. დებიუტი ბრწყინვალე იყო და რაიმონ დომენეკმაც(საფრანგეთის ნაკრების თავკაცმა) გადაწყვიტა, რომ დიარა მომავალშიც გამოეძახებინა ნაკრებში.
არსენალი
რედაქტირებასაკლუბო პროგრესის ხარჯზე, ლასი ნაკრებშიც თამაშობდა, თამაშობდა და თამაშობდა. როდესაც ლასმა გააანალიზა თავისი ყოფა „ჩელსიში“, გადაწყვიტა დაეტოვებინა „არისტოკრატები“. მისი გადაწყვეტილება აბსოლუტურად ლოგიკური და მართალი იყო. იგი „ჩელსიდან“ კიდევ ერთ ლონდონურ გუნდში, „არსენალში“ გადავიდა. ლასის ტრანსფერი განხორციელდა 2007 წლის ზაფხულში. ყველაფერი შეიცვალა ლასის ყოფაში: ახალი მწვრთნელი, ახალი თანაგუნდელები, ახალი კლუბი და ასე შემდეგ. თავისი დამაჯერებელი თამაშის ხარჯზე, ეროვნულ ნაკრებში ლასმა თავი არსენ ვენგერსაც მოაწონა და თავისივე პირველ სეზონში ხშირად ხვდებოდა ხოლმე ძირითად შემადგენლობაში, მაგრამ „ჩელსის“ მსგავსად არც ისე დიდი სათამაშო პრაქტიკა ჰქონდა საკლუბო დონეზე. შემდეგ ზაფხულში კი, ევროპის ჩემპიონატი უნდა ჩატარებულიყო და თუკი ლასი „არსენალში“ სათადარიგო შემადგენლობაში იქნებოდა, მაშინ მას ევრო 2008-ზე თამაშის მცირე შანსი ექნებოდა. ლასანა დიარამ იმავე ზამთარს მიიღო გადაწყვეტილება, რომ დაეტოვებინა "მეთოფეები", რადგან გადასულიყო ისეთ გუნდში, სადაც მას ექნებოდა დიდი სათამაშო პრაქტიკა, რაც ხელს შეუწყობდა ფეხბურთელის თამაშს ევროპის ჩემპიონატზე. ლასის ახალი კლუბი იყო „პორტსმუთი“, ახალი მწვრთნელი კი ჰარი რედნაპი. ასევე შეეძლო ლასს გადასულიყო „ტოტენჰემში“, სადაც მისი მწვრთნელი ხუანდე რამოსი იქნებოდა, მაგრამ დიარამ „პორტსმუთი“ არჩია.
არსენ ვენგერმა როდესაც გაიგო ლასანას გადაწყვეტილების შესახებ, შოკში ჩავარდა, რადგან ვენგერი ლასს "კანონიერების" მომავლად მიიჩნევდა და სჯეროდა, რომ მალე იგი ყველას დაანახვებდა საკუთარ შესაძლებლობებს, ხოლო მისი წასვლით, გული „არსენალში“ ყველაზე მეტად სწორედ ვენგერს დასწყდა. „არსენალში“ მიმდინარეობდა თაობათა ცვლა და უამრავ ახალგაზრდა ფეხბურთელს მოეყარა ერთად თავი. ლასიც ამ ახალგაზრდებს შორის ერთ-ერთი ყველაზე პერსპექტიული იყო, მაგრამ მან დატოვა "მეთოფეთა" გუნდი. ასეთ კლუბებში არის დიდი კონკურენცია ძირითად შემადგენლობაში მოსახვედრად და შეიძლება ითქვას, რომ ლასმა ამ კონკურენციას ვერ გაუძლო.
ლასმა ერთხელაც განაცხადა თავისი გადაწყვეტილების შესახებ შემდეგი: „ჩემმა გადაწყვეტილებამ შეიძლება ბევრი შოკშიც ჩააგდო, მაგრამ მე ვიცი, ჩემი მიზანი რაც არის და ამ მიზნის მისაღწევად გადავდგი ეს ნაბიჯი. ვიცოდი, რომ ტოპ-კლუბში ჯერ ჩემი ადგილი არ იყო, რადგან ასეთ კლუბებში სათამაშო პრაქტიკა ძალიან ცოტა მქონდა. მე და „პორტსმუთის“ მწვრთნელს ჰარი რედნაპს გვქონდა კონტაქტი და მან მითხრა, რომ მის გუნდში სათამაშო პრაქტიკა არ მომაკლდებოდა. ჩემი ასაკის ფეხბურთელებს მხოლოდ თამაში სჭირდებათ, რათა მიიღონ გამოცდილება და ჩამოყალიბდნენ მაღალი დონის ფეხბურთელებად. მე არ შემიძლია ისეთ გუნდში დავრჩე, სადაც თამაში იშვიათად მიწევს. მე აღარ ვარ 18 წლის, ახლა მჭირდება თამაში, რათა კიდევ ბევრი რამ ვისწავლო. თუკი საქმე მიდგება იმაზე, რომ უნდა ამოვირჩიო 10 მატჩი „არსენალში“ ან 30 მატჩი „პორტსმუთში“, მე რა თქმა უნდა ავირჩევ მეორე ვარიანტს. ის ადამიანები, ვინც ცუდად მიცნობენ, ჩემს გადაწყვეტილებას ვერ გაიგებენ, ხოლო ნაცნობები გამიგებენ.“
პორტსმუთი
რედაქტირებაჰარი რედნაპი, რომელიც იყო ლასანას მწვრთნელი „პორტსმუთში“, ყოველთვის აქებდა ლასს: „ის ერთ-ერთი საუკეთესო ახალგაზრდა ნახევარცმევლია პრემიერ-ლიგაში. ის შრომის მოყვარეა, სწრაფია, აქვს ბრწყინვალე პასი და მოედნის ხედვა, ასევე ძალიან კარგად ართმევს მეტოქეებს ბურთს“. ლასი კი წვრთნელის სიტყვებს ამართლებდა მოედანზე. იგი „პორტსმუთში“ სათამაშო პრაქტიკის ნაკლებობას აღარ უჩიოდა. იმ სეზონში ლასმა ზამთრის შემდეგ ითამაშა „პორტსმუთის“ რიგებში 12 მატჩში და გოლიც გაიტანა, მაგრამ მისთვის ეს არ იყო მნიშვნელოვანი. მისთვის „პორტსმუთში“ ერთ-ერთი ყველაზე მნიშვნელოვანი მომენტი იყო, მაშინ როდესაც მისმა გუნდმა გააღწია ინგლისის თასის ფინალში, იქ კი ლეგენდარულ „უემბლიზე“ „პორტსმუთმა“ 1- სძლია „კარდის-სიტის“ და ჩემპიონებიც გახდნენ.
ლასანა დიარა ხსენებული ფინალს საუკეთესო მოთამაშე გახდა. ჰარი რედნაპის დამხმარე მწვრთნელმა ტონი ადამსმა ამ მატჩში ლასის თამაშზე შემდეგი სიტყვები აგნახცადა: „ამ მოთამაშემ უდიდესი სამუშაო გასწია მ მატჩში.თუკი ის გააგრძელებს ასეთ თამაშს, მაშინ ის აგხდება მსოფლიოდონის ვარკსვლავი“. ლასანას პარტნიორმა გუნდში, ავტორმა გამარჯვების გოლისა კანუმ პარტნიორზე შემდეგი განაცხადა: „ვერავინ ვერ ხედავს იმ სამუშაოს,რომელსაც ლასი გუნდისთვის ასრულებს. მისმა თამაშმა დღეს ჩვენს გამარჯვებაში ლომის წილი დაიდო. გუნდს სჭირდება ისეთი ფეხბურთელები, როგორიც ლასია. დარწმუნებული ვარ, რომ იგი კიდევ უფრო მოუმატებს და გუნდს კიდევ ბევრ სარგებელს მოუტანს“. ლასანა დიარა კი იმაზე ისაუბრა, თუ რას ნიშნავდა მისთვის ეს ოგებული ტროფეი: „ეს თასი, არის ჩემს კარიერაში მეორე. პირველად მე ტურნირი „ჩელსის“ შემადგენლობაში მოვიგე, მაგრამ მაშინ თამაში არმიწევდა, ახლა კი ამ ჩემპონატის მოგებაში ჩემი წვლილიც შევიტანე. მინდა თუ არა მომავალშიც ტიტულების მოგება? რა თქმა უნდა მინდა. როგორ განვითარდება ჩემი მომავალი არ ვიცი, რადგან ამჟამად მხოლოდ მოგებულ ტურნირზე ვფიქრობ და ჯერ კიდევ ეიორიაში ვარ“.
ლასმა კი რაც მას სურდა და რისთვისაც დატოვა „არსენალი“ აისრულა, მან მიიღო მონაწილეობა ევროპის ჩემპიონატში. ლასი მოხვდა იმ 23 ფეხბრთელში, რომელიც რაიმონ დომენეკმა გამოიძახა ევრო 2008-ზე სათამაშოდ. ამ განაცხადში იყო ბევრი ფრანგი ვარსკვლავი ფეხბურთელი. ლასისთვის და მისი ნაკრებისთვის ევრო 2008 წარუმატებელი აღმოჩნდა. „მაკელელე №1“ ევრო ჩემპიონატს შესანიშნავ ფორმაში შეხვდა და ამისგ გამო ძირითადში სწორედ ის თამაშობდა. ლასს კი მოედანზე ასპარეზობა იშვიათად უწევდა.ამჟამად მაკელელემ დაასრულა სანაკრებო კარიერა(ლის ბოლო საერთო კარიერასაც ასრულებს) და ამით საშუალება მისცა ლასს, რომ საფრანგეთის ეროვნული ნაკრების ძირითად შემადგენლობაშია დგილი დაეკავებინა. დიარა ნაკრებისთვის მაქსიმუმს აკეთებს. ტრავმის გამო ლასმა გამოტოვა რამდენიმე თამაში. უეფას თასზე წელს ლასმა სულ ორჯერ ითამაშა, ორივეჯერ - „გიმარაეშთან“ (2-0 და 2-20 პირველ საშინაო თამაშში მან გოლიც გაუტანა მოწინააღმდეგეს.
თითქოსდა ალსს „პორტსმუთში“ ყველაფერი კარგად მისდიოდა, მაგრამ შემდეგ „პომპეები“ დატოვა ჰარი რედნაპმა და თავისი ფუნქციები ტონი ადამსს გადააბარა. რედნაპი „ტოტენჰემში“ წავიდა სამუშაოდ ხუანდე რამოსის შემცვლელად. ლასის საყვარელმა მწვრთნელმა ჰარი რედნაპმა კი თავის ყოფილ შეგირდზე შემდეგი განაცხადა: „დიარა - უზარმაზარი შესაძლებლობების მქონე ფეხბურთელია. იგი ტანახმაა, რომ გუნდისთვის ტოპ-სამუშაო გასწიოს. არიან ფეხბურთელები, რომლებიც გუნდის სიყვარულს გამოხატავე იმთ, რომ კოცნიან ემბლემებს და გაიძახიან, რომ გუნდი უყვართ. ხოლო მიეცემათ თუ არა შანსი გუნდის დატოვებისა მაშინვე ტოვებენ კლუბს. დიარა კი პირიქითაა, იგი გუნდის სიყვარულს შრომით გამოხატავს. ლასს შეუძლია გადავიდეს „მილანში“, „რეალში“ ან „ბარსელონაში“. რატომაც არა? დიარაც ამბიციური ფეხბურთელია. თუკი ლასი დარჩება „პორტსმუთში“ ვფიქრობ, რომ მისი კარიერა ჩუმად გაივლის რამდენიმე წელში. დიარამ უნდა დატოვოს „პომპეები“ და შეეცადოს ისეთ გუნდში გადასვლას, სადაც აისრულებს ყველა ოცნებას“.
მადრიდის რეალი
რედაქტირებამაშასადამე, „პორტსმუთს“ შეექმნა ფინანსური პრობლემები და „პომპეების“ ხელმძღვანელებმა გადაწყვიტეს ეს პრობლემები ლასის გაყიდვით მოეგვარებინათ. დიარას შეძენის სურვილი „რეალმა“ გამოთქვა და საბოლოოდ ფრანგი ანხევარმცველი გადაიბირა კიდეც. ასევე ლასანას შეძენა „მანჩესტერ სიტისაც“ უნდოდა, მაგრამ მათ საწადელი ვერ აისრულეს. ლასმა კი „რეალზე“ შემგდეგი თქვა: „ისეთ კლუბებს, როგორიც „რეალია“, ძნელია უთხრა უარი. „პორტსმუთში“ მშვიდად ვიყავი, მაგრამ ვგრძნობ, რომ დროა კარიერის ახალ ეტაპზე გადავიდე. ვფიქობ, რომ მადრიდის „რეალი“ შესანიშნავი ვარიანტია გარემოების გამოსაცველად. მინდა, რომ მალევე გავიარო მადრიდში ადაპტაცია, რომ „რეალის“ წარმომადგენლებს მალევე ვანახო ემი შესაძლებლობები.“
„რეალში“ როდესაც გადავიდა ლასი, მას ჰქონდა სერიოზული ტრავმა და ამის გამო გარკვეული პერიოდი გამოჯანმრთელებას მოანდომა. შეგახსენებთ, რომ სამეფო კლუბმა ლასი მამადუ დიარას ტრავმის გამო იყიდა. ეს უკანასკნელი კი მთელი წელი თამაშს ვერ შეძლებს. ლასმა ტრავმის მოშუშებს შემდეგ ბრწყინვალედ დაიწყო თამაში და „რეალში“ შავი სამუშაოს შემსრულებელთა შორის ერთ-ერთი ყველაზე ძლიერი გახდა. როდესაც „ბლანკოსში“ მაკელელეს პოზიციაზე თამაში დაიწყო ლასმა, თანაც იგივე წარმატებებით, როგოორიც თავის დროზე კლოდს ჰქონდა, უკვე ყველამ აღიარა, რომ კლოდ მაკელელეს საფეხბურთო მემკვიდრე ლასანა არის. და მართლაც, რომ იროვე ხსენებული აპორნი ნახევრამცველი ერთმანეთს როგორ ჰგავს. ლასს შეუძლია ნახევარდაცვაშიც და დაცვაშიც თამაში, ასევე იყო მაკელელეც, კლოდიც ფრანგია და მაკელელეც, ორივემ ითამაშა „რეალში“ და „ჩელსიში“ და რაც მთავარია ორივენი ერთ პოზიციის ფეხბურთელები არიან. ასე, რომ მას შემდეგ რაც ყველა ფიქრობდა, რომ „რეალს“ გაუჭირდებოდა მაკელელეს შემცვლელის პოვნა, ახლა ეს მიზანი ესპანურმა გრანდმა აისრულა და კლოდის შემცვლელიც ნაპოვნია - ლასანა დიარა.
თითქმის ყველამ შეაფასა ლასის „რეალში“ გადასვლა, ასევე მოიქცა ფაბიო კაპელოც და ინგლისის ნაკრბეის მთავარმა მწვრთნელმა მცირე კომენტარი გააკეთა ლასზე: „ეს ფეხბურთელი ბრწყინვალე ტეხნიკითა და მოედნის ხედვით გამოირჩევა. ვფიქრობ, რომ ის დაჟე მაკელელეზე ძლიერიც კი არის და თავის პოტენციალს „რეალში“ სრულად გაოავლენს.“
თავად ლასანას კი ძალიან არ სიამოვნებს მაკელელეს, რომ ადარებენ. დაირა ამბობს, რომ მისთვის კლოდი ყოველთვის მისაბაძი მაგალითი იქნება: „მაკელელესთან შედარება - ჩემთვის არასასიამვნო და ამავდროულად სასიამოვნოცაა. მართალია ჩვენს გვაქვს, რამდენიმე მსგავსება, მაგრამ მე და კლოდი ერთმანეთისგან განსხვავებული პიროვნებები ვართ. მას თამაშის საკუთარი მანერა აქვს,მე კი ჩემი. მე „რეალში“ გადმოვედი იმისათვის რომ აქ დიდ შედეგებს მივაღწიო.“
ტიტულები
რედაქტირებასაკლუბო
რედაქტირება- ჩელსი
- ინგლისის თასი: 2007
- ინგლისის საფეხბურთო ლიგის თასი: 2007
- პორტსმუთი
- ინგლისის თასი: 2008
- რეალი
- ლა ლიგა: 2011–12
- კოპა დელ რეი: 2010–11
- ესპანეთის სუპერთასი: 2012
ინდივიდუალური
რედაქტირება- ჩელსის წლის ფეხბურთელი: 2005–2006
რესურსები ინტერნეტში
რედაქტირება
- ლასანა დიარა — Soccerbase
- პროფილი საიტზე BDFutbol.com (ინგლისური)
- ლასანა დიარა — BBC
- ლასანა დიარა — Sky Sports
- ლასანა დიარა — საფრანგეთის ფეხბურთის ფედერაცია
- ლასანა დიარა — ESPN FC
- ლასანა დიარა — ფიფას ჩანაწერი[დაარქივებული]
სქოლიო
რედაქტირება- ↑ Acta del Partido celebrado el 19 de marzo de 2011, en Madrid Spanish. Royal Spanish Football Federation. ციტირების თარიღი: 15 ივნისი, 2019.[მკვდარი ბმული]
- ↑ ლასანა დიარა. Barry Hugman's Footballers. ციტირების თარიღი: 15 June 2019.
- ↑ Official profile. Real Madrid. დაარქივებულია ორიგინალიდან — 12 მარტი, 2010. ციტირების თარიღი: 4 თებერვალი, 2014.