კლოდ მაკელელე
კლოდ მაკელელე (ფრანგ. Claude Makélélé დ. 18 თებერვალი, 1973, კინშასა) — ფრანგი ვეტერანი ფეხბურთელი, საფრანგეთის ეროვნული საფეხბურთო ნაკრების ყოფილი ფეხბურთელი. მიღებული აქვს მონაწილეობა მსოფლიოსა (2002, 2006) და ევროპის (2004, 2008) ჩემპიონატებზე. 2014 წლიდან არის საფეხბურთო კლუბ „ბასტიას“ მწვრთნელი. ის არის პირველი ფეხბურთელი, ვის შემდეგაც საფეხბურთო პოზიცია შეიქმნა: "მაკელელეს როლი".
_(cropped).jpg) | |||
| პირადი მონაცემები | |||
|---|---|---|---|
| სრული სახელი | კლოდ მაკელელე სინდა | ||
| დაბადების თარიღი | 18 თებერვალი, 1973 | ||
| დაბადების ადგილი | კინშასა, ზაირი | ||
| სიმაღლე | 170 სმ | ||
| სათამაშო პოზიცია | საყრდენი ნახევარმცველი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1991-1997 | ნანტი | 169 | (9) |
| 1997-1998 | მარსელი | 32 | (2) |
| 1998-2000 | სელტა | 70 | (3) |
| 2000–2003 | რეალ მადრიდი | 94 | (0) |
| 2003–2008 | ჩელსი | 144 | (2) |
| 2008–2011 | პარი სენ-ჟერმენი | 98 | (1) |
| სულ | 607 | (17) | |
| ეროვნული ნაკრები | |||
| 1995-2008 | საფრანგეთი | 71 | (0) |
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
კლოდ მაკელელემ კარიერა დაიწყო ნანტში, სადაც მან 6 სეზონი გაატარა და 200ზე მეტი მატჩის ჩატარებაც მოასწრო და თავი ძალიან კარგად წარმოაჩინა, რის შემდეგაც ფრანგი ნახევარმცველი გადავიდა მარსელში. 1997-1998 წლები მან მარსელში გაატარა, საიდანაც უკვე ის ესპანეთში, სელტაში გადაბარგდა. მაკელელემ სელტაში 2 წარმატებული სეზონი გაატარა. სწორედ სელტაში ჩამოყალიბდა ისეთი ტიპის საყრდენად, როგორიც მომავალში გახდა. სელტაში შესანიშნავი თამაშით მან მიიპყრო რეალ მადრიდის ყურადღება და 2000 წელს სელტა იძულებული იყო მაკელელე €14 მილიონად მიეყიდა მადრიდულ კლუბს. რეალ მადრიდში მან 3 სრული სეზონი გაატარა და მოახერხა 7 თასის მოგება, ისეთების როგორც უეფას ჩემპიონთა ლიგის, ესპანეთის პრიმერა დივიზიონის და სხვა პრესტიჟული ტურნირების. მაგრამ, მაკელელე ფიქრობდა რომ მას სათანადოდ არ უხდიდნენ. ამ ყველაფერს დაემატა დეივიდ ბეკჰემის ტრანსფერი რეალში და დელ ბოსკეს გათავისუფლება. მან რეალის მენეჯმენტს უკეთესი კონტრაქტი თხოვა მაგრამ იგი უარით გაისტუმრეს. ამიტომაც მან გადაწყვიტა გუნდის დატოვება და 2003 წელს ფრანგი საყრდენი ნახევარმცველი ჩელსიში გადავიდა. გუნდი თვლიდა რომ მაკელელეს დანაკარგს ვერ იგრძნობდნენ, მაგრამ აქ გამოეხმაურა მაკელელეს თანამემამულე ზინედინ ზიდანი რეალის პრეზიდენტს, როდესაც მან ბეკჰემი შეიძინა და მაკელელე გაყიდა:
|
„რა აზრი აქვს ბენტლიზე ოქროს საღებავის ახალ ფენის შემატებას, როდესაც მთლიან ძრავას კარგავ?“
|
ჩელსიში მაკელელე გუნდის ხერხემლად ჩამოყალიბდა. მან ორჯერ მოიგო ინგლისის პრემიერლიგა, ორჯერ მოიგო ინგლისის ლიგის თასი, ერთხელ ქომუნითი შილდი და ერთხელ ინგლისის ასოციაციის თასი. ლონდონში გატარებული 5 სეზონის მერე, უკვე ხანში შესული მაკელელე თავისუფალი აგენტის სტატუსით გადავიდა პარი სენ-ჟერმენში, სადაც დაასრულა კარიერა.
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „კლოდ მაკელელე“ ვიკისაწყობში.- კლოდ მაკელელე — სტატისტიკა საიტზე Soccerbase.com (ინგლისური)
- კლოდ მაკელელე — National-Football-Teams.com
- BBC-ის პროფილი დაარქივებული 2007-09-17 საიტზე Wayback Machine.
- ESPN-ის პროფილი დაარქივებული 2012-10-22 საიტზე Wayback Machine.
- კლოდ მაკელელე — ფიფას ჩანაწერი[დაარქივებული]
