კახი

კახი (აზერ. Qax) — ქალაქი (1967 წლამდე დაბა) აზერბაიჯანში, შაქი-ზაქათალის რეგიონის კახის რაიონის ცენტრი. მოსახლეობის რაოდენობა — 11,415 კაცი. გაშენებულია კავკასიონის სამხრეთ კალთის ძირში, მდინარე ქურმუხისწყლის ნაპირას.

ქალაქი
კახი აზერ. Qax
ქვეყანა	აზერბაიჯანი
რეგიონი	შაქი-ზაქათალაშაქი-ზაქათალის რეგიონი|შაქი-ზაქათალა
რაიონი	კახი
კოორდინატები	41°25′10″ ჩ. გ. 46°55′05″ ა. გ.
მმართველი	მუსა შექილიევი
ცენტრის სიმაღლე	596±1 მეტრი
ოფიციალური ენა	აზერბაიჯანული ენა
მოსახლეობა	13800 კაცი (2013)
სასაათო სარტყელი	UTC+04:00
საფოსტო ინდექსი	AZ 3400
ოფიციალური საიტი	http://www.qax-ih.gov.az
კახი ვიკისაწყობში

ისტორია

ისტორიულად კახი საქართველოს აღმოსავლეთ განაპირა პროვინციის ჰერეთის მნიშვნელოვანი პუნქტი იყო. 1607 წელს ოსმალეთის სულთანმა აჰმედ I-მა სოფელი კახი დაუმტკიცა ელისუს სულთანს ალი-სულთან ბეგს.

1918-1921 წლებში კახი საქართველოს დემოკრატიული რესპუბლიკის ზაქათალის ოკრუგი შედიოდა. 1920 წლის 7 მაისის ხელშეკრულებით რუსეთის ფედერაციამ ზაქათალის, კახის და ბელაქნის რაიონები საქართველოს განუყოფელ ნაწილად აღიარა. 1921 წელს საბჭოთა ოკუპაციის შემდეგ მითითებით კახის რაიონი ზაქათალის და ბელაქნის რაიონებთან ერთად აზერბაიჯანის სსრ-ს გადაეცა. საბჭოთა პერიოდში მოქმედებდა ხის დასამუშავებელი და სამრეეწველო კომბინატები, საყოფაცხოვრებო მომსახურების საწარმოები, ხილსაკონსერვო და ყველ-კარაქის ქარხნები. ქალაქის მიდამოებში განვითარებული იყო მეთამბაქოეობა, მებაღჩეობა და მებაღეობა.

ცნობილი ადამიანები

• დიმიტრი ჯანაშვილი ― ქართველი სასულიერო პირი
• მიხეილ ყულოშვილი ― ქართველი სასულიერო პირი
• მოსე ჯანაშვილი ― ქართველი ისტორიკოსი
• რაფიელ ივანიცკი — ქართველი პოლიტიკოსი
• რაჟდენ ხუციშვილი — ქართველი ფიზიკოსი

გალერეა

• 
  სასტუმრო ქალაქ კახში
  ჯაბა ლაბაძის ფოტო
• 
  ნიზამი განჯევის ძეგლი კახში
  ჯაბა ლაბაძის ფოტო

იხილეთ აგრეთვე

• კაკი

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 451.