გორისციხე

გორისციხე — სოფელი საქართველოში, ყაზბეგის მუნიციპალიტეტში, ადმინისტრაციული ერთეული ცენტრი (სოფლები: ტყარშეტი, ფხელშე, ყანობი, ხურთისი).

სოფელი
გორისციხე
სოფელ გორისციხის ხედი ჯაბა ლაბაძის ფოტო
ქვეყანა	საქართველო
მხარე	მცხეთა-მთიანეთის მხარემცხეთა-მთიანეთის მხარე
მუნიციპალიტეტი	ყაზბეგის მუნიციპალიტეტი
თემი	გორისციხე
კოორდინატები	42°36′06″ ჩ. გ. 44°34′05″ ა. გ.
ცენტრის სიმაღლე	1870 მ
მოსახლეობა	187 კაცი (2014)
ეროვნული შემადგენლობა	ქართველები 97,3 %
სასაათო სარტყელი	UTC+4
გორისციხე ვიკისაწყობში

მდებარეობს ტყარშეტის მთის სამხრეთ-აღმოსავლეთ კალთის ძირას, მდინარე თერგის მარცხენა ნაპირზე, ზღვის დონიდან 1870 მ სიმაღლეზე, სტეფანწმინდიდან დაშორებულია 10 კმ-ით.

ისტორია

ვახუშტი ბაგრატიონი გორისციხეს მოიხსენიებს „გორის სოფლის“ სახელწოდებით. სოფელში შემორჩენილია ორი კოშკის ნანგრევები, რომელთაგან ერთს „ავსაჯანიანთ ციხე“ ეწოდება, მეორეს — „მამაწმინდის ხატი“.

ქალების ხატი

გორისციხიდან დასავლეთით, მთაზე მდებარეობს სრულიად დაშლილი უზარმაზარნი ნაგებობები, რომლებიც ციკლოპურ ნაგებობებს ჰგავს. მათ გვერდითაა აკლდამები. ამ ნაგებობებს შორისაა მოქცეული გორიციხის ქალების ხატი. ქალების ხატი წარმოადგენს ლოდს, რომელიც ჩრდილოეთ მხრიდან ყორით არის შემოზღუდული. ყორეს შესასვლელი აქვს დასავლეთის მხრიდან. აღმოსავლეთისა და დასავლეთის მხრიდან კლდე ამოშენებულია

დემოგრაფია

2014 წლის აღწერის მონაცემებით სოფელში ცხოვრობს 187 კაცი.

აღწერის წელი	მოსახლეობა	კაცი	ქალი
1926	385	174	211
2002	283	128	155
2014	187	81	106

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 229.

• გვასალია ჯ., ზაქარაია პ., ენციკლოპედია „საქართველო“, ტ. 2, თბ., 2012. — გვ. 121.
• ითონიშვილი ვ., ხევის ტოპონიმიკა, თბ., 1971;
• მაკალათია ს., ხევი, თბ., 1934.